ខ្ជិលលាក់ហ្វេន! IU បង្ហើបថារាល់ថ្ងៃព្រោះតែបញ្ហាសក់ នាងស្ទើរតែយំទៅហើយ

October 26, 2021

កូរ៉េខាងត្បូង ៖ កាលពីពេលថ្មីៗនេះIUបានបង្ហោះវីដេអូថ្មីមួយលើបណ្តាញ YouTube ផ្លូវការរបស់នាងដោយនៅក្នុងវីដេអូនេះតារាស្រីរូបនេះបាននិយាយអំពីសក់របស់នាង ខណៈពេលដែលកំពុងធ្វើម៉ូដសក់សម្រាបការCome Back បទ «Strawberry Moon» ។

ទាក់ទងនឹងម៉ូតសក់ IU បាននិយាយថា ៖

ខ្ញុំពិតជាគិតអំពីការកាត់សក់ខ្លី សម្រាប់ឈុតបន្ទាប់ ប៉ុន្តែខ្ញុំកំពុងគិតអំពីវាម្តងទៀត ខ្ញុំដឹងថាខ្ញុំមើលទៅល្អជាមួយនឹងសក់ខ្លី ហើយមនុស្សជាច្រើនចង់ឃើញខ្ញុំជាមួយនឹងសក់ខ្លីម្តងទៀត។ ម៉ូដសក់មានចំនួនកំណត់ដែលខ្ញុំអាចបង្ហាញជាមួយនឹងសក់ខ្លី ដូច្នេះវាពិតជាពិបាកក្នុងការសម្រេចចិត្តលើរឿងនេះ។ តែតាំងពីខ្ញុំបានលាបពណ៌សក់ពណ៌ខៀវ ពណ៌ស្វាយស្រាល ហើយបច្ចុប្បន្ននេះ វាពិតជាខូចខ្លាំងមែនទែន ដែលវាមិនអាចត្រឡប់ទៅជាដូចដើមវិញនោះទេ។
— IU

លើសពីនេះ IU បានបន្តថា ៖

ខ្ញុំចង់ប្រើក្រែមបន្ទន់សក់យ៉ាងហោចណាស់ក៏ធ្វើឲ្យវាទន់ជាងមុនដែរ ប៉ុន្តែខ្ញុំមិនអាចធ្វើបាន។ ប្រហែលមួយឆ្នាំកន្លងមកហើយ ដោយសារអាឡែស៊ីរាល់យប់ពេលកក់សក់ខ្ញុំស្ទើរតែយំ។ ព្រោះវាឈឺដៃក្នុងការកក់សក់ព្រោះសក់របស់ខ្ញុំឲ្យប្រែជាទន់ជ្រាយ។ ខ្ញុំមានអារម្មណ៍ចង់យំពេលសម្ងួតសក់ដែរ ខ្ញុំស្អប់អារម្មណ៍ហ្នឹង។ សូម្បីតែគិតពីការកក់សក់ និងសម្ងួតសក់ក៏ធ្វើឲ្យខ្ញុំពិបាកចិត្ត៕
— IU

ជ្រាបច្បាស់សូមទស្សនាវីដេអូខាងក្រោម ៖

ប្រភព ៖ SBS Star

អានបន្ថែម