កូរ៉េខាងត្បូង ៖ ទម្រង់មុខនីមួយៗមានភាពទាក់ទាញរៀងខ្លួនប៉ុន្តែបើមានទម្រង់មុខមូលដូចតារា Kpop ស្រីប្រុសទាំងនេះ ប្រាកដជាគួរឲ្យស្រលាញ់ណាស់។ប្រសិនបើអ្នកត្រូវការភ័ស្តុតាងខ្លះថា គ្មានអ្វីគួរឲ្យស្រលាញ់ជាងអ្នកដែលមានមុខមូលទេនោះចូរយកតារាទាំង ៨រូបនេះជាឧទាហរណ៍ នោះនឹងធ្វើឲ្យអ្នកដែលមានមុខរាងមូលក៏គិតថាខ្លួនឯងសំណាងដែរ។
ខាងក្រោមនេះជា តារា Kpop ទាំង ៨ដួង ដែលល្បីមានទម្រង់មុខមូល ចាត់ជាIdols កំពូលសម្រស់ដ៏គួរឲ្យស្រលាញ់ ៖
១. Tzuyu (TWICE)
Tzuyu ត្រូវបានគេចាត់ទុកថាជាស្រីស្អាតតំណែងVisualរបស់ TWICE ដោយហេតុផលមុខរាងមូលតូចរបស់នាង ផ្តល់ឲ្យនាងនូវរូបភាពដូចតុក្កតា ហើយលក្ខណៈពិសេសរបស់នាងលេចធ្លោខ្លាំងដោយសារទម្រង់មុខរបស់នាង។ លើសពីនេះ ថ្ពាល់ដ៏ទន់ និងស្នាមញញឹមរបស់នាង ធ្វើឲ្យនាងមើលទៅមសនសម្រស់ល្អឥតទាស់រកអ្វីមកប្រៀបផ្ទឹមពុំបាន។
២. Hyeongjun (CRAVITY)
ជាមួយរូបភាពជា Visual ប្រចាំក្រុមបុរសសង្ហា Hyeongjunគឺមានគួរទម្រង់មុខរាងមូល ហើយភ្នែកធំៗរបស់លោកក៏ធ្វើឲ្យលោកមើលទៅកាន់តែគួរឲ្យស្រលាញ់ថែមទៀតហើយអ្នកណាៗក៏ច្រណែន។
៣. Chuu (LOONA)
Chuu ដែលជា Vocalist ដ៏មានថាមពលរបស់ LOONA កាន់តែមានមន្តស្នេហ៍ជាមួយទម្រង់មុខមូលដ៏គួរឲ្យស្រលាញ់មិនអាចប្រកែកបាន ហើយនៅពេលដែលត្រូវគ្នាជាមួយនឹងស្នាមញញឹមដ៏ផ្អែមល្ហែមរបស់នាងគឺកាន់តែស្រស់ស្អាតដូចព្រះនាងចេញពីក្នុងរឿងព្រេងនិទាន។
៤. Jungwon (ENHYPEN)
ស្នាមញញឹមរបស់ Jungwonគឺគួរឲ្យស្រលាញ់ណាស់ ជាពិសេសមុខមូលរបស់លោកគឺជាអ្វីដែលធ្វើឲ្យតារាវ័យក្នេងរូបនេះកាន់តែទាក់ទាញដូច្នេះហើយពេលខ្លះពិបាកចាំថា លោកគឺជាអ្នកដឹកនាំក្រុម ENHYPEN មិនមែន Maknaeគួរឲ្យស្រលាញ់នោះទេ។
៥. YooA (Oh My Girl)
YooA មានភាពល្បីល្បាញដោយសាររូបភាពVisualដែលមើលទៅដូចទេពអប្សរ ហើយមុខមូលរបស់នាងធ្វើឲ្យលក្ខណៈពិសេសគួរឲ្យទាក់ទាញរបស់នាងកាន់តែលេចធ្លោ។ភ្នែកដ៏មានពន្លឺ និងបបូរមាត់ដ៏ស្រទន់របស់នាង គ្មានអ្វីគួរឲ្យភ្ញាក់ផ្អើលនោះទេ ហើយជាពិសេសនៅក្នុងវីដេអូចម្រៀងនេះនាងពិតជាដូចទេពអប្សរក្នុងជីវិតពិតណាស់។
៦. Jongho (ATEEZ)
Visual របស់Jongho គឺគួរឲ្យស្រលាញ់ពេកហើយ ជាមួយទម្រង់មុខដ៏ស្រទន់ និងមុខរាងមូលរបស់លោកគឺត្រូវគ្នាយ៉ាងល្អឥតខ្ចោះថែមទាំងភ្នែកធំៗរបស់លោកកាន់តែមើលកាន់តែធ្លាក់ក្នុងអន្លង់ស្នេហ៍។
៧. Jennie (BLACKPINK)
Jennieកាន់តែគួរឲ្យស្រលាញ់ជាមួយថ្ពាល់ដ៏ស្រទន់របស់នាងធ្វើឲ្យមុខនាងមានរាងមូលដ៏ផ្អែមល្ហែមហើយពេលញញឹមម្ដងៗ មុខមូលរបស់នាងធ្វើឲ្យនាងកាន់តែ Cute ហើយក៏ជាហេតុផលមួយដែលធ្វើឲ្យនាងត្រូវបានគេចាត់ទុកថាTop Visuals ប្រចាំវិស័យ Kpop។
៨.Suga (BTS)
សមាជិក BTS រូបនេះប្រហែលជាមានរូបរាងដ៏កាចសាហាវនៅលើឆាកប៉ុន្តែឈុតក្រៅឆាកបែបនេះបង្ហាញថា Sugaដែលជា Lead Rapper របស់ក្រុម គឺគួរឲ្យស្រលាញ់ សមនឹងទម្រង់មុខមូលនិងថ្ពាល់ទន់ៗ លោកពិតជាគួរឲ្យក្នាញ់ ព្រោះសូម្បីម្ដាយរបស់លោកក៏ធ្លាប់និយាយថាលោកមើលទៅដូចនំប៉ាវដែរ៕
ប្រភព ៖ Soompi