កំពូលប៉ះកំពូល! បទថ្មី Taeyang និង Jimin នឹងចេញក្នុងខែនេះ

កូរ៉េខាងត្បូង៖ ថ្មីៗនេះ The Black Label បានទម្លាក់រូបភាពខ្លីៗសម្រាប់ បទចម្រៀងឌីជីថលថ្មីរបស់តារាចម្រៀងចាស់វស្សា Taeyang ដែលមានចំណងជើងថា “VIBE” ដែលមានការសហការជាមួយ Jimin របស់ក្រុម BTS។ 

ពិតណាស់ នៅក្នុងរូបថតនោះ សិល្បករទាំងពីរបានបង្ហាញពីភាពទាក់ទាញរៀងៗខ្លួន ដែលទទួលបានការចាប់អារម្មណ៍យ៉ាងខ្លាំងពីអ្នកគាំទ្រទូទាំងពិភពលោក។

ជាពិសេស ក្នុងការសហការនេះផងដែរ វានឹងក្លាយជាបទថ្មីដំបូងរបស់ Taeyang ក្នុងនាមជាសិល្បករទោលក្នុងរយៈពេលប្រាំមួយឆ្នាំ។ បទចម្រៀងនេះនឹងពង្រឹងចង្វាក់ផ្ទាល់ខ្លួនរបស់លោក ខណៈពេលដែលបន្ថែមភាពផ្អែមល្ហែមបន្ថែមទៀតជាមួយនឹងទឹកដមដ៏ពិសេសរបស់ Jimin។ ម៉្យាងវិញទៀត បទចម្រៀងឌីជីថលថ្មីនេះ ត្រូវបានកំណត់ថា នឹងទម្លាក់ជាផ្លូវការ នៅថ្ងៃទី ១៣ ខែមករា វេលាម៉ោង ២ រសៀល KST ផងដែរ។

ប្រភព៖ koreaboo