កម្សាន្ត៖ កាលពីថ្ងៃទី ៣ ខែមករា គឺជាថ្ងៃខួបកំណើតទី ២៨ ឆ្នាំរបស់ Jisoo សមាជិកបងស្រីច្បងក្រុម BLACKPINK។ ហើយជាការពិតណាស់ នេះមិនត្រឹមតែជាឱកាសសម្រាប់អ្នកគាំទ្របង្ហាញសេចក្តីស្រលាញ់របស់ពួកគេចំពោះនាងប៉ុណ្ណោះទេ ប៉ុន្តែក៏ជាពេលដែលម៉ាកយីហោល្បីៗជាច្រើនបង្ហាញពីក្តីស្រលាញ់របស់ពួកគេចំពោះ Jisoo ផងដែរ។
យ៉ាងណាមិញ បើគិតមកត្រឹមខួបកំណើតគម្រប់ ២៨ ឆ្នាំនេះ សមិទ្ធផលរបស់ Jisoo ក្នុងសិល្បៈ គឺមានច្រើនលើសលប់ ដែលគ្រប់គ្នាប្រាថ្នាចង់បាន។ ក្នុងនោះ មិនថាទាំងប្រជាប្រិយភាព ប្រាក់ចំណូល និងទ្រព្យសម្បត្តិ។ជាពិសេស ប៉ុន្មានចំណុចខាងក្រោមនេះ ផ្ទាល់តែម្ដង។
១.ទទួលបានការស្រលាញ់បំផុត
ចាប់ពីម៉ោង 0:00 ថ្ងៃទី ៣ ខែមករា (KST) អ្នកគាំទ្ររបស់ Jisoo បានគ្របដណ្ដប់លើបណ្តាញទំនាក់ទំនងសង្គមដោយដាក់ hashtags និន្នាការដើម្បីអបអរសាទរខួបកំណើតរបស់នាង។ ក្នុងនោះទស្សនាវដ្ដី MARIE CLAIRE ខែមករា ឆ្នាំ ២០២៣ ក៏បានបោះពុម្ពរូបថតជាច្រើនសន្លឹក ដើម្បីអបអរថ្ងៃកំណើតរបស់ Jisoo ផងដែរ។ ក្នុងឱកាសនេះផងដែរ Jisoo បានផ្សព្វផ្សាយជាសាធារណៈនូវ Channel YouTube ផ្ទាល់ខ្លួនរបស់នាង ដែលនាងបានបង្ហោះវីដេអូខ្លីៗអំពីជីវិតប្រចាំថ្ងៃរបស់នាងសម្រាប់អ្នកគាំទ្រ។ ត្រឹមតែប៉ុណ្ណឹងគឺគ្រប់គ្រាន់ហើយ ក្នុងការមើលឃើញពីភាពកក់ក្តៅបំផុតដែលប្រព័ន្ធផ្សព្វផ្សាយ និងអ្នកគាំទ្រមានចំពោះតារាស្រីដ៏មានឥទ្ធិពលរូបនេះ។ ហើយជាការពិតណាស់ សមាជិកក្រុម BLACKPINK មិនអាចអវត្តមានក្នុងថ្ងៃពិសេសរបស់ Jisoo នេះទេ។ Jennie, Lisa, និង Rosé ក្នុងពេលដំណាលគ្នា ក៏បានផ្ញើនំ និងពាក្យជូនពរនៅលើបណ្តាញសង្គមទៅកាន់ Jisoo ផងដែរ។
២.ការប្រកួតប្រជែងនៃម៉ាកយីហោនានា
សំខាន់ជាងនេះទៅទៀត នេះក៏ជាឱកាសមួយសម្រាប់ម៉ាកយីហោផ្សេងៗ ដើម្បីបង្ហាញពីការពេញចិត្ត និងយកចិត្តទុកដាក់ ១០០% សម្រាប់តារាស្រីតំណាងរបស់ពួកគេ។ ជាពិសេស ការប្រកួតប្រជែង នៃម៉ាកល្បីទាំងពីរ Dior និង Cartier។ ប្រសិនបើម៉ាកគ្រឿងអលង្ការ ផ្តល់អំណោយថ្ងៃកំណើតដល់ Jisoo ជាមួយនឹងភួងដ៏ធំនៃផ្កាកុលាបនិងនំចិញ្ចៀននោះ Dior ក៏បានផ្ញើជូននូវអំណោយផ្សេងៗ និងផ្កាកុលាបរាងទន្សាយនិងនំខេកបីជាន់ផងដែរ។
ប្រភព៖ kenh14