J-Hope បង្ហាញ​ខ្លួន​​នៅ Paris Fashion Week របស់ DIOR តែងខ្លួនសង្ហាញាក់!

កម្សាន្ត៖ កាលពីពេលថ្មីៗនេះ ក្នុងអំឡុងកម្មវិធី Paris Fashion Week ឆ្នាំ នេះ J-Hope របស់ក្រុម BTS បានចូលរួមក្នុងកម្មវិធី Louis Vuitton 2023 F/W Fashion Show ហើយវាជា ព្រឹត្តិការណ៍សំខាន់មួយ ដែលមានការចូលរួមសុទ្ធតែតារាៗលំដាប់ៗ។  

ភ្លាមៗនោះ J-Hope បានធ្វើឲ្យអ្នកគាំទ្រភ្ញាក់ផ្អើលភ្លាមៗ នៅពេលដែលលោកបានបង្ហាញពីការអញ្ជើញរបស់ខ្លួនឲ្យចូលរួមក្នុងកម្មវិធី DIOR Fall 2023 Menswear Fashion Show នៅថ្ងៃបន្ទាប់។

នៅពេលដែល J-Hope មកដល់កម្មវិធីបង្ហាញម៉ូតដំបូង លោកបានស្វាគមន៍ជាមួយហ្វូងអ្នកគាំទ្រ ដែលកំពុងមានការស្រែកហ៊ោកញ្ជ្រៀវ ដោយមន្តស្នេហ៍និងហត្ថលេខារបស់លោកមុនពេលចូលកម្មវិធីផងដែរ។

ជាមួយគ្នានេះ ការបង្ហាញខ្លួនរបស់ J-Hope លើកនេះ កាន់តែធ្វើឲ្យហ្វេនចាប់អារម្មណ៍បន្ថែម ដោយការ​ស្លៀក​សម្លៀក​បំពាក់​របស់លោក ជា​មួយ​នឹង​ជម្រើស​ម៉ូតឈុតពណ៌ប្រផេះដ៏​ទាន់​សម័យ និង​លេចធ្លោខ្លាំងមែនទែន បូករួមជាមួយរាងរៅដ៏ខ្ពស់ ស្ទីលតែងខ្លួនមានវែនតាខ្មៅ មើលទៅពិតជាសង្ហាគួរឲ្យស្នេហ៍ ហ្វេនៗសរសើរពីលោកមិនដាច់ពីមាត់តែម្ដង។

ប្រភព៖ koreaboo