បែកធ្លាយរូបកាលពីក្មេង ប្រុសសង្ហា Kang Tae Oh ហ្វេនៗឃើញហើយស្រឡាំងកាំង!
កម្សាន្ត៖ ក្នុងវិស័យ K-Drama តារាសម្ដែងដ៏ល្បីម្នាក់ ក្នុងចំណោមនោះគឺជា Kang Tae Oh។ ថ្វីត្បិតតែតារាសម្តែងរូបនេះ បានបង្ហាញខ្លួនជាលើកដំបូងក្នុងឆ្នាំ ២០១៣ និងមិនសូវល្បីល្បាញក៏ដោយ ប៉ុន្តែថ្មីៗនេះ លោកទទួលបានការចាប់អារម្មណ៍យ៉ាងខ្លាំង បន្ទាប់ពីបានដើរតួជា Lee Jun Ho នៅក្នុង K-Drama «Extraordinary Attorney Woo»។
ជាពិសេស កាលពីថ្ងៃទី ២ ខែសីហា កន្លងទៅ លោកបានប្រារព្ធខួបលើកទី ៩ របស់ខ្លួន ចាប់តាំងពីការសម្ដែងដំបូងរបស់លោក ខណៈពេលដែលអ្នកគាំទ្រ អាចអបអរលោកតាមរបៀបផ្សេងៗគ្នា។ តែក្រុមហ៊ុន Man Of Creation របស់ Kang Tae Oh បានធ្វើឱ្យអ្នកគាំទ្រញញឹមបិទមាត់មិនជិត ដោយបញ្ចេញរូបភាពដែលមិនធ្លាប់មានពីមុនមក របស់តារាសម្តែងប្រុសរូបនេះកាលពីក្មេង។
ក្នុងនោះ នៅពេលដែលរូបថតត្រូវបានគេចែករំលែក អ្នកនិយមលេងអ៊ីនធើណែត ពិតជាមិនអាចដកភ្នែករូបថតទាំងនោះបានទេ ដោយពួកគេក៏បានលាន់មាត់ថា តារាប្រុសរូបនេះស្រស់ស្អាត និងគួរឲ្យស្រលាញ់ប៉ុណ្ណាតាំងពីនៅក្មេង៕
សូមទស្សនារូបភាពខាងក្រោម៖
ប្រភព : Koreaboo