បើ Crush នរណាម្នាក់ហើយ តារានិករទាំងនេះ លាក់មិនដែលជិតឡើយ
យល់ដឹង៖ មនុស្សយើងម្នាក់ៗមានច្រើនប្រភេទខុសៗគ្នា នៅពេលដែលលួចស្រលាញ់នរណាម្នាក់ ដូចជាអ្នកខ្លះមិនងាយនឹងបញ្ចេញអារម្មណ៍ឲ្យ Crush បានដឹង តែអ្នកខ្លះទៀត ទោះជាខំលាក់យ៉ាងណា ក៏មិនអាចលាក់ជិតដែរ។
តោះមកស្គាល់ពួកគេខាងក្រោម ៖
១. Aries ♈️
ប្រសិនបើ Aries មានចិត្តស្រលាញ់អ្នក អ្នកនឹងដឹងភ្លាមៗ។ ពួកគេមិនអាចនៅស្ងៀម អំពីអារម្មណ៍របស់ពួកគេបានទេ ដោយសារពួកគេមានអារម្មណ៍ថា ត្រូវធ្វើសកម្មភាពឲ្យបានឆាប់ តាមដែលអាចធ្វើទៅបាន។ យ៉ាងណាមិញ ពួកគេនឹងបញ្ចេញនូវអ្វីដែលពួកគេកំពុងគិត នោះពួកគេនឹងដឹងកាន់តែលឿនថា តើអ្នកនឹងក្លាយជាដៃគូទំនាក់ទំនង ឬគ្រាន់តែជាមិត្ត។ តារានិករនេះពិតជាមិនចេះអត់ធ្មត់ទេ ហើយពួកគេមិនចូលចិត្តហ្គេមទាយទេ ដូច្នេះវាកាន់តែងាយស្រួលដឹង ប្រសិនបើពួកគេដើរមករកអ្នក ហើយប្រាប់អ្នកពីអារម្មណ៍របស់ពួកគេ។
២. Pisces ♓️
Pisces តែងមានអារម្មណ៍រំជួលចិត្ត ដូច្នេះវាងាយស្រួលណាស់ ក្នុងការអានពីចិត្តរបស់ពួកគេ ដោយការមើលមុខ។ ទោះបីជាពួកគេខ្មាសអៀនខ្លាំងពេក ក្នុងការចេញមុខមកនិយាយថា គេមានចិត្តលើអ្នកក៏ដោយ អ្នកនឹងអាចយល់បាន ពីចម្ងាយមួយម៉ាយល៍។ ពួកគេនឹងធ្វើដាក់អ្នកខុសពីអ្នកដទៃ ហើយនឹងមានទឹកមុខស្រពោន នៅពេលដែលអ្នកមិនចាប់អារម្មណ៍។ ការដែលគេលួចស្រលាញ់អ្នក នឹងបង្ហាញឲ្យឃើញច្បាស់ ទោះបីជាគេបដិសេធក៏ដោយ។ ថ្វីដ្បិតតែតារានិករនេះ ខ្លាចការបដិសេធក៏ដោយ ក៏ពួកគេមិនអាចឈប់ធ្លាក់ក្នុងអន្លង់ស្នេហ៍ ម្តងហើយម្តងទៀតដែរ។ ពួកគេមានមនោសញ្ចេតនាខ្ពស់ នៅក្នុងចិត្ត។
៣. Leo ♌️
Leos ប្រហែលជាដើរមករកអ្នក ហើយចាប់ផ្តើមចែចង់ជាមួយអ្នក ដោយបើកចំហតែម្ដង។ ឬពួកគេប្រហែលជាមិនប្រាប់អ្នកថាពួកគេចាប់អារម្មណ៍ទេ ប៉ុន្តែពួកគេនឹងប្រាប់អ្នកផ្សេងទៀតដែលស្គាល់អ្នក។ ទោះយ៉ាងណាក៏ដោយ អារម្មណ៍របស់ពួកគេ នឹងមិនមានអាថ៌កំបាំងយូរទេ ព្រោះ Leos ចូលចិត្តលួចស្រលាញ់គេណាស់។ វិធីមួយ ឬមធ្យោបាយផ្សេងទៀត អ្នកនឹងដឹងថាពួកគេចាប់អារម្មណ៍ ក្នុងការណាត់ជួបអ្នក។ ទោះបីជាពួកគេ ជាអ្នកដឹកនាំដែលមិនខ្លាចការបដិសេធក៏ដោយ តែពួកគេចូលចិត្តដេញតាមណាស់។
ប្រភព: thoughtcatalog