តម្រូវការរបស់តារានិករនីមួយៗ ក្នុងការប្រឈមនឹងភាព.ឈឺ.ចា.ប់
យល់ដឹង៖ ការបែកបាក់ តែងតែកើតឡើងជាញឹកញាប់។ ក្នុងករណីខ្លះ ទោះជាយ៉ាងណាក៏ដោយ ការបែកគ្នាក្លាយជារឿងមួយ ដែលចៀសមិនរួច នៅពេលដែលដៃគូទាំងពីរ មិនព្រមដាក់បញ្ចូលនូវអ្វីដែលពួកគេមាន ដើម្បីធ្វើឱ្យអ្វីៗដំណើរការ។
ខាងក្រោមនេះនឹងបង្ហាញអំពី តម្រូវការដែលត្រូវប្រឈមមុខ នឹងការបរាជ័យក្នុងស្នេហា ដោយផ្អែកលើធាតុធំៗទាំងបួន ៖
+ តារានិករធាតុភ្លើង (Aries, Leo, Sagittarius)
អ្នកត្រូវការ ការរត់គេចខ្លួន ពីការរំខាននៃការឈឺចាប់នេះ ដែលកំពុងតែរំខានអ្នក។ ទោះបីជាអ្នកប្រហែលជាមានអារម្មណ៍ ចង់ស្តាប់បទចម្រៀងសោកសៅ ម្តងហើយម្តងទៀត និងអានសារចាស់ៗឡើងវិញ ដែលគេបានផ្ញើមកអ្នក នៅពេលដែលអ្វីៗនៅរីករាយក៏ដោយ អ្នកគួរតែទប់ទល់នឹងអារម្មណ៍ទាំងនោះ។ វាមានការពិបាកណាស់ ក្នុងការខកចិត្តនៅដើមដំបូង ប៉ុន្តែអ្នកមិនចង់រស់នៅក្នុងអារម្មណ៍ទាំងនោះជារៀងរហូតទេ។
ដើម្បីឱ្យខ្លួនអ្នករំភើបនឹងជីវិតម្តងទៀត អ្នកត្រូវទៅវិស្សមកាល ជាមួយគ្រួសាររបស់អ្នក ចេញទៅជប់លៀងជាមួយមិត្តភក្តិរបស់អ្នកជ្រើសរើសចំណូលចិត្តថ្មី ឬវិនិយោគលើចំណង់ចំណូលចិត្តថ្មី។ ធ្វើអ្វីក៏ដោយ ដើម្បីដកចិត្តរបស់អ្នក ចេញពីមនុស្សម្នាក់នោះ ព្រោះប្រសិនបើនៅរលឹក នោះអ្នកនឹងមិនបន្តទៅមុខទៀតទេ។
+ តារានិករធាតុដី (Taurus, Virgo, Capricorn)
អ្នកត្រូវការពេលវេលា។ អ្នកមិនមែនជាប្រភេទមនុស្ស ដែលអាចផ្ដាច់ដោយស្វ័យប្រវត្តិនោះទេ។ អ្នកនឹងឈឺចាប់ ហើយវាមិនអីទេ។ អ្នកត្រូវអនុញ្ញាតឱ្យខ្លួនអ្នក ទទួលអារម្មណ៍របស់អ្នកឱ្យបានពេញលេញវិញ។
កុំដាក់សម្ពាធខ្លួនឯង ឲ្យបន្តដំណើរទៅមុខលឿនពេក ហើយកុំមានអារម្មណ៍ថា មានអ្វីខុសជាមួយអ្នក ព្រោះតែអ្នកដទៃអាចបន្តដំណើរទៅមុខបានលឿនជាង។ អ្នកនឹងមិនភ្លេចពួកគេពេញមួយយប់ទេ ប៉ុន្តែអ្នកនឹងមិនអីទេ បើគ្មានពួកគេ។ អ្នកត្រូវជឿជាក់លើខ្លួនឯង។
+ តារានិករធាតុទឹក (Cancer, Scorpio, Pisces)
អ្នកត្រូវការចម្ងាយ។ អ្នកមិនត្រូវការ ការរំលឹកជារៀងរាល់ថ្ងៃថា តើពួកគេគួរឱ្យស្រឡាញ់ និងគួរឱ្យអស់សំណើចប៉ុណ្ណាសម្រាប់អ្នកឡើយ។ អ្នកត្រូវផ្តល់កន្លែងឱ្យខ្លួនឯងខ្លះ ដើម្បីឱ្យអ្នកអាចដឹងថា ជីវិតមានលក្ខណៈបែបណាបើគ្មានពួកគេ ដូច្នេះអ្នកអាចស៊ាំ នឹងការមានខ្លួនឯងម្ដងទៀត។ ថ្ងៃណាមួយនៅពេលអនាគត បេះដូងរបស់អ្នកបានជាសះស្បើយ អ្នកក៏អាចពិចារណាធ្វើជាមិត្តម្តងទៀតបាន។
មនុស្សម្នាក់នេះមិនត្រូវចេញ ពីជីវិតរបស់អ្នកជារៀងរហូតទេ។ ទោះយ៉ាងណាក៏ដោយ ពួកគេត្រូវតែចេញពីជីវិតរបស់អ្នកឥឡូវនេះ។ អ្នកត្រូវហ៊ុំព័ទ្ធខ្លួនឯង ជាមួយនឹងមនុស្សផ្សេងទៀតដែលអាចគាំទ្រអ្នក ឆ្លងកាត់ពេលវេលាដ៏លំបាកនេះ។ ការនឹកឃើញ វាគ្រាន់តែនឹងពន្យារពេល នៃការឈឺចាប់ ដូច្នេះហើយត្រូវដកខ្លួនចេញ។
+ តារានិករធាតុខ្យល់ (Gemini, Libra, Aquarius)
អ្នកត្រូវការកាត់ផ្ដាច់។ ប្រសិនបើអាចធ្វើទៅបាន អ្នកត្រូវតែមានការសន្ទនាជាមួយបុគ្គលនេះ ដែលជាកន្លែងដែលអ្នកមានតម្លាភាពទាំងស្រុង ជាមួយគ្នាទៅវិញទៅមក។ អ្នកត្រូវការចម្លើយ ចំពោះសំណួររបស់អ្នក ហើយអ្នកត្រូវការទំនាក់ទំនងបើកចំហ។
អ្នកត្រូវទទួលយកថា មានរឿងមួយចំនួនដែលអ្នកនឹងមិនដឹង។ អ្នកត្រូវទទួលយកថា អ្នកល្អជាង បើគ្មានមនុស្សម្នាក់នោះ ហើយថាអ្នកកំពុងដើរទៅក្នុងទិសដៅត្រឹមត្រូវ។ អ្នកត្រូវទទួលយកថាស្នេហានេះ គ្រាន់តែបណ្ដោះអាសន្នប៉ុណ្ណោះ ប៉ុន្តែស្នេហាអចិន្ត្រៃយ៍កំពុងរង់ចាំអ្នកនៅតាមក្រោយ។
ប្រភព: thoughtcatalog