នេះជាអ្វីដែលតារានិករនីមួយៗ តែងធ្វើខុសក្នុងទំនាក់ទំនង
យល់ដឹង៖ មានបញ្ហាជាច្រើនដែលយើងម្នាក់ៗ បានធ្វើខុសក្នុងទំនាក់ទំនង និងចំពោះខ្លួនឯងដោយមិនដឹងខ្លួន ដោយសារតែយើងគិតលើអ្វីតែម្ខាង មិនបានគិតពីខ្លួនឯងឲ្យបានគ្រប់ជ្រុងជ្រោយ។
ខាងក្រោមនេះ នឹងបង្ហាញពីអ្វីដែលតារានិករនីមួយៗ តែងតែធ្វើខុសនៅក្នុងទំនាក់ទំង ដោយផ្អែកលើធាតុនីមួយៗ នៃតារានិករ ៖
+ តារានិករធាតុភ្លើង (Aries, Leo, Sagittarius)
អ្នកក៏ត្រូវប្រុងប្រយ័ត្ន ចំពោះចរិតអន្ទះអន្ទែងរបស់អ្នក និងវិធីដែលអ្នកអនុញ្ញាត ឲ្យអារម្មណ៍របស់អ្នកគ្រប់គ្រងអ្នក។ នៅពេលអ្នកងប់ងល់នឹងមតិមួយ អ្នកមានបញ្ហាក្នុងការមើលឃើញផ្នែកម្ខាងទៀត។ នេះអាចបណ្តាលឲ្យការសន្ទនា ជាមួយដៃគូរបស់អ្នកមិនចុះសម្រុង។ វាអាចបណ្តាលឲ្យមានការឈ្លោះប្រកែកគ្នាកាន់តែខ្លាំង នៅពេលដែលអ្នកអាចមានការសន្ទនាជាមួយគ្នា។
បើអ្នកចង់បានទំនាក់ទំនងដែលមានស្ថិរភាព នោះអ្នកត្រូវប្រយ័ត្ននឹងកំហឹងរបស់អ្នក។ ដៃគូរបស់អ្នកនឹងមិននៅជាប់ឡើយ ប្រសិនបើអ្នកបោះសម្ដីមិនល្អ រាល់ពេលដែលពួកគេមិនយល់ស្រប ជាមួយអ្នកលើរឿងតូចតាច។
+ តារានិករធាតុដី (Taurus, Virgo, Capricorn)
ប្រសិនបើអ្នកចង់បានទំនាក់ទំនង ដែលមានស្ថិរភាព អ្នកត្រូវដកការភ័យខ្លាចចេញ ហើយងាយរងគ្រោះ សម្រាប់ការផ្លាស់ប្តូរ។ អ្នកត្រូវតែរុះជញ្ជាំងដែល បិទបាំងអារម្មណ៍របស់អ្នក ហើយផ្តល់ឲ្យមនុស្សរបស់អ្នក នូវភាពពេញលេញនៃបេះដូងរបស់អ្នក។ អ្នកមិនអាចបិទពួកគេរហូតបានទេ។ អ្នកធ្លាប់នៅលីវ ឯករាជ្យ ដូច្នេះពេលខ្លះអ្នកភ្លេចរក្សាដៃគូ ឲ្យស្ថិតក្នុងរង្វង់របស់អ្នក។
ទោះជាយ៉ាងណាក៏ដោយ ប្រសិនបើអ្នកចង់បានទំនាក់ទំនងដែលមានស្ថិរភាព អ្នកត្រូវនិយាយដោយស្រុះស្រួលជាមួយដៃគូរបស់អ្នកអំពីអ្វីគ្រប់យ៉ាង សូម្បីតែរឿងដែលអ្នកតែងតែរក្សានៅខាងក្នុងចិត្តក៏ដោយ។ ពួកគេក៏ដូចជាមិត្តរបស់អ្នក។ អ្នកមិនគួរទុកអារម្មណ៍ក្នុងទីងងឹត លាក់បាំងចំពោះដៃគូ អំពីអ្វីដែលអ្នកបានឆ្លងកាត់ ពីមួយថ្ងៃទៅមួយថ្ងៃនោះទេ។
+ តារានិករធាតុខ្យល់ (Gemini, Libra, Aquarius)
អ្នកនឹងធ្វើអ្វីគ្រប់យ៉ាង ដើម្បីមនុស្សដែលអ្នកស្រលាញ់។ ប៉ុន្តែនោះមិនមានន័យថា អ្នកត្រូវតែលះបង់តម្រូវការផ្ទាល់ខ្លួនរបស់អ្នកនោះទេ។ វាមិនមានន័យថា អ្នកត្រូវតែផ្តល់ឲ្យដៃគូរបស់អ្នក នូវអ្វីគ្រប់យ៉ាងដែលពួកគេចង់បាន ដោយមិនបានគិត អំពីអ្វីដែលអ្នកចង់បាននោះទេ។ ពួកគេចង់ឲ្យអ្នកមានគំនិតអំពីកន្លែងដែលត្រូវញ៉ាំ ភាពយន្តណាដែលត្រូវមើល និងកន្លែងសម្រាកវិស្សមកាល។ ពួកគេមិនចង់ឲ្យអ្នកធ្វើតាមការដឹកនាំរបស់ពួកគេទាំងអស់ ដោយមិនគិតពិចារណាឡើយ។ ពួកគេចង់ឲ្យអ្នកធ្វើជាខ្លួនអ្នក។ បើអ្នកទុកអ្វីៗគ្រប់យ៉ាងតែក្នុងចិត្ត នោះអ្នកនឹងបញ្ចប់ដោយការ អន់ចិត្តនឹងដៃគូតែម្នាក់ឯង។ អ្នកនឹងបញ្ចប់ដោយមិនសប្បាយចិត្ត ក្នុងទំនាក់ទំនង។
+ តារានិករធាតុទឹក (Cancer, Scorpio, Pisces)
បេះដូងរបស់អ្នកតែងតែស្ថិតនៅកន្លែងដែលត្រឹមត្រូវ ប៉ុន្តែពេលខ្លះផែនការរបស់អ្នកមិនត្រឹមត្រូវឡើយ។ ពេលខ្លះ ដៃគូរបស់អ្នក មិនរំភើបនឹងកាយវិការដ៏អស្ចារ្យរបស់អ្នក ដូចដែលអ្នកចង់បាននោះទេ។ អ្នកមិនអាចសន្មតថាដៃគូរបស់អ្នក ចង់បានអ្វីដូចគ្នា ដែលអ្នកចង់បាននោះទេ។ អ្នកគឺជាមនុស្សពីរផ្សេងគ្នា ដែលមានបុគ្គលិកលក្ខណៈពីរផ្សេងគ្នា។ នៅពេលអ្នកចង់ធ្វើអ្វីដែលផ្អែមល្ហែម សម្រាប់ដៃគូរបស់អ្នក សួរខ្លួនឯងថា តើអ្វីដែលធ្វើឲ្យពួកគេសប្បាយចិត្ត មិនមែនជាអ្វីដែលធ្វើឲ្យអ្នកសប្បាយចិត្តនោះទេ។ ពិគ្រោះជាមួយដៃគូរបស់អ្នក ម្តងបន្តិចៗអំពីរឿងតូច ក៏ដូចជារឿងធំក៏ដោយ។ ត្រូវប្រាកដថាអ្នកពិភាក្សា អំពីចេតនារបស់អ្នកជំនួសឲ្យការស្មាន ព្រោះមនុស្សម្នាក់ដែលមើលទៅល្អឥតខ្ចោះសម្រាប់អ្នក ប្រហែលជាមិនមែនជាមនុស្សដូចគ្នា ដែលអ្នកកំពុងស្រមៃនៅក្នុងគំនិតរបស់អ្នកឡើយ។
ប្រភព: thoughtcatalog