បញ្ជីសៀវភៅ RM ផ្ដល់ឲ្យអ្នកគាំទ្រនូវផ្នត់គំនិតអស្ចារ្យចំពោះការអាន!

កូរ៉េខាងត្បូង៖ អ្នកគាំទ្របានដឹងរួចមកហើយថា RM សមាជិកក្រុម BTS គឺជាមនុស្សដែលចូលចិត្តការអាន និងស្រលាញ់វិចិត្រសាលសិល្បៈ ហើយសកម្មភាពទាំងនោះ តែងតែបានចូលរួមជាមួយការងារផ្នែកសិល្បៈ វប្បធម៌តន្ត្រីជាហូរហែដែលនឹងជួយឲ្យលោក ពង្រីកទស្សនការយល់ឃើញឲ្យកាន់តែទូលំទូលាយ។

ជាឧទាហរណ៍ ការបង្ហោះពីរបីដំបូងរបស់លោកនៅលើInstagramគឺជាវិចិត្រសាលដែលលោកបានទៅ ពេលធ្វើដំណើរនៅសហរដ្ឋអាមេរិក ហើយថ្មីៗនេះលោកក៏ទើបតែបានបង្ហោះរូបភាព ធ្នើរសៀវភៅផ្ទាល់ខ្លួន លើគណនីរបស់លោក លើសពីនេះបើពិនិត្យមើលទៅ យើងឃើញមានសៀវភៅគួរឲ្យចាប់អារម្មណ៍ជាច្រើន ដោយក្នុងចំណោមសៀវភៅក្នុងរូបក៏មានសៀវភៅខ្លះដែល RM ធ្លាប់បានណែនាំដល់អ្នកគាំទ្រទៀតផង។

ខាងក្រោមនេះគឺជាសៀវភៅដ៏អស្ចារ្យចំនួន៥ក្បាលដែលត្រូវយកចេញពីធ្នើរសៀវភៅរបស់ RM បង្ហោះ ដោយភ្ជាប់ជាមួយខ្លឹមសារផ្តល់ឲ្យអ្នកគាំទ្រនូវទិដ្ឋភាពថ្មី និងផ្នត់គំនិតអស្ចារ្យចំពោះការអាន។

១. The Ones WhoWalk Away From Omelas របស់ Ursula K. Le G

សៀវភៅ The Ones WhoWalk Away From Omelas របស់អ្នកនិពន្ធល្បីឈ្មោះ Ursula K.Le Guin ប្រាប់ពីរឿងរ៉ាវនៃទីក្រុង Utopian ដែលមនុស្សគ្រប់គ្នាសប្បាយចិត្តលើការរងទុក្ខរបស់ក្មេងម្នាក់វាមានអត្ថន័យជាពាក្យអសុរសសម្រាប់សង្គមរបស់យើងផ្ទាល់ រឿងនេះបង្ហាញយ៉ាងច្បាស់ អំពីបញ្ហាសីលធម៌នៃសង្គមដែលមនុស្សមួយចំនួន អាចរស់នៅបានល្អនិងរីកចម្រើន ដោយចំណាយលើការរងទុក្ខរបស់អ្នកដទៃ ជាធម្មតាការរងទុក្ខរបស់សហគមន៍ដែលខ្វះខាត។អ្នកអាចមើលឃើញគោលគំនិតនៃរឿងនេះនៅក្នុងវីដេអូបទ "Spring Day" ថា RM និងBTS ដាក់អារម្មណ៍បែបនេះ ចូលក្នុងសិល្បៈរបស់ពួកគេច្រើនប៉ុណ្ណា។

២. Kim Jiyoung,Born 1982 របស់ Cho Nam Joo

នេះគឺជាសៀវភៅដែលផ្តល់នូវដំណើររឿងដ៏ស្មោះត្រង់ អំពីបទពិសោធន៍របស់ស្ត្រី នៅក្នុងសង្គម អសីលធម៌ ព្រមទាំងរបៀបដែលជីវិតនៃការឈ្លានពានឥតឈប់ឈរ នៅទីបំផុតបានធ្លាក់ចុះ។ ខណៈពេលដែលវា និយាយអំពីបទពិសោធន៍របស់ស្ត្រី នៅក្នុងប្រទេសកូរ៉េខាងត្បូងសៀវភៅនេះក៏ជាការបង្ហាញដ៏ល្អនៃបទពិសោធន៍របស់ស្ត្រីផងដែរ។ វាជាការអានដ៏ស៊ីជម្រៅមួយ ហើយការពិតដែលថា វាស្ថិតនៅក្នុងបញ្ជីអានរបស់RMនិយាយច្រើនអំពីការបន្តការខិតខំប្រឹងប្រែងរបស់លោក ដើម្បីក្លាយជាមនុស្សយល់ចិត្តនិងសិល្បករដ៏ល្អ។

៣. Demian របស់ Hermann Hesse

សៀវភៅមួយទៀត ដែលត្រូវបានយោង នៅក្នុងវីដេអូមួយរបស់BTSសៀវភៅនេះ រៀបរាប់អំពីដំណើរការនៃការស្វែងរកខ្លួនឯង ហើយការធ្វើដូច្នេះ តាមរយៈដំណើរដែលមនុស្សម្នាក់ ត្រូវតែរៀនពីអត្ថន័យនៃល្អ និង អាក្រក់ ដែល Hesse ចាត់ទុកជាគោលគំនិត គោលពីរផ្សេងគ្នា។BTS បានដាក់បញ្ចូលសាររបស់សៀវភៅដែលសារបង្ហាញថា មានរឿងអាក្រក់ ក្នុងរឿងល្អនិងរឿងល្អ ក្នុងអាក្រក់ តាមរយៈវីដេអូបទ "Blood, Sweat, &Tears" របស់ពួកគេ ដោយពណ៌នាវា ដូចជាពន្លឺទល់នឹងភាពងងឹត ដែលទីបំផុតបញ្ចូលគ្នាជានិមិត្តរូបនៃធម្មជាតិដ៏ស្មុគស្មាញនៃការពិតរបស់ជីវិត។

៤. The LittlePrince របស់ Antoine de Saint-Exupéry

The Little Prince ប្រាប់ពីរឿងរបស់អ្នកបើកយន្តហោះ ដែលជាប់គាំង បានជួបក្មេងប្រុសម្នាក់ដែលលោកហៅថា"ព្រះអង្គម្ចាស់តូច ឬ The Little Prince" ជាមួយដំណើរក្មេងប្រុសបានធ្វើដំណើរពីភពមួយ ទៅភពមួយ ដើម្បីស្វែងរកចំណេះដឹងជាមួយរឿងរ៉ាវរមានអត្ថន័យជាច្រើន ក្នុងការចែករំលែក។ នេះគឺជារឿងនិទានដ៏ផ្អែមល្ហែម និងគួរឲ្យចាប់អារម្មណ៍និយាយអំពីរបៀបដែលយើងមើលខ្លួនឯង និងអ្វីដែលយើងជ្រើសរើស ជាអាទិភាពក្នុងជីវិត។

RMផ្ទាល់បានណែនាំសៀវភៅនេះ ដល់អ្នកគាំទ្រ ថាជាសៀវភៅដ៏សំខាន់ ក្នុងការអាននៅពេលដែលយើងកាន់តែចាស់ដោយសារតែវា ជាវិធីដែលរំលឹកយើង ឲ្យមើលអ្វីដែលសំខាន់បំផុត។

៥. Jeanneret Chandigarh របស់ Jacques Dworczak

អ្នកគាំទ្រមកពីប្រទេសឥណ្ឌា មានការរំភើបចិត្តពេលឃើញសៀវភៅ Jeanneret Chandigarh នៅលើធ្នើរសៀវភៅរបស់RMព្រោះវាជាសៀវភៅអំពីស្ថាបត្យកម្មនៃទីក្រុង Chandigarh ដែលត្រូវបានរចនាឡើងដោយស្ថាបត្យករស្វីស Le Corbusier និងបងប្អូនជីដូនមួយម្នាក់ឈ្មោះ Pierre Jeanneret។

ចំពោះបញ្ជីចំណងជើងសៀវភៅខាងលើនេះ អ្នកគាំទ្រកាន់តែដឹងច្បាស់ថា RM ជាអ្នកស្រលាញ់ការអានប៉ុណ្ណា វាមិនមែនជារឿងភ្ញាក់ផ្អើលទេ ក្នុងការឃើញសៀវភៅទាំងនេះលើធ្នើរសៀវភៅផ្ទាល់ខ្លួនរបស់លោក៕

ប្រភព ៖ Koreaboo