BTS និយាយពីមូលហេតុដែលទទួលការអញ្ជើញទៅកាន់សេតវិមាន White House!

June 6, 2022

កូរ៉េខាងត្បូង៖ កាលពីថ្ងៃអង្គារ ទី៣១ ខែ ឧសភា ឆ្នាំ ២០២២ កន្លងទៅថ្មីៗនេះ BTS បានបង្កើតប្រវត្តិសាស្ត្រគួរជាទីមោទភាពសម្រាប់ប្រជាពលរដ្ឋកូរ៉េនិង ARMYs ទូទាំងពិភពលោក នៅពេលដែលពួកគេត្រូវបានអញ្ជើញឲ្យនិយាយជាមួយប្រធានាធិបតី និងអនុប្រធានាធិបតីសហរដ្ឋអាមេរិកទាក់ទងនឹងឧក្រិដ្ឋកម្មស្អប់ខ្ពើមអាស៊ី ការរើសអើង និងសារៈសំខាន់នៃតំណាងអាស៊ី និងការរួមបញ្ចូលបញ្ហាផ្សេងៗទៀត។

ដំណើរទស្សនកិច្ចបានរបស់BTS បំពេញដោយមោទនភាពជាពិសេសនៅពេលពួកគេជ្រើសរើសនិយាយជាភាសាកូរ៉េក្នុងអំឡុងពេលសន្និសីទសារព័ត៌មានរបស់ពួកគេ មុនជំនួបជាមួយប្រធានាធិបតី។ ក្នុងនោះ អ្នកយកព័ត៌មានកូរ៉េ Kim Pil Gyu ដែលជាអ្នកឆ្លើយឆ្លងព័ត៌មានរបស់ JTBC នៅទីក្រុង Washington DC មានវត្តមានក្នុងសន្និសីទសារព័ត៌មាន ហើយបានរៀបរាប់លម្អិតអំពីអត្ថន័យនៃការសម្រេចរបស់ក្រុម ក្នុងការបញ្ចេញមតិជាភាសាកូរ៉េ។

ចាប់តាំងពីខ្ញុំបានមកទីក្រុងវ៉ាស៊ីនតោនកាលពី ២ឆ្នាំមុន ស្ទើរតែមិនដែលមានករណីដែលខ្ញុំបានឮ ភាសាផ្សេងក្រៅពីភាសាអង់គ្លេស ដែលត្រូវបាននិយាយនៅឯបន្ទប់សន្និសីទសេតវិមាន។ ខ្ញុំតែងតែមានភាពតានតឹងក្នុងការរកមើលរាល់ពាក្យនីមួយៗដែលមកពីវេទិកា។
— អ្នកយកព័ត៌មានកូរ៉េ Kim Pil Gyu

គ្រានៃការតំណាងបែបនេះ គឺជាផ្នែកនៃហេតុផលពិតប្រាកដដែលBTS ត្រូវបានអញ្ជើញឲ្យនិយាយនៅឯសេតវិមានWhiteHouse ខណៈឥស្សរជនសាធារណៈ និងអ្នកនយោបាយមួយចំនួន បានព្យាយាមបដិសេធការអញ្ជើញរបស់BTS ទៅកាន់សេតវិមានដើម្បីនិយាយលើបញ្ហាបែបនេះ។

នៅក្នុងវីដេអូដែលបានបង្ហោះចូលទៅក្នុងបណ្តាញYouTube ផ្លូវការរបស់សេតវិមាននៅថ្ងៃនេះសមាជិក BTS ពន្យល់ពីមូលហេតុដែលពួកគេ មានលក្ខណៈសម្បត្តិគ្រប់គ្រាន់ដើម្បីធ្វើដូច្នេះ។

ជាមួយគ្នានោះ Suga បានចាប់ផ្តើមថា៖

ក្នុងនាមជាសិល្បករកូរ៉េខាងត្បូង និងអ្នកដែលបានឃើញការឆ្លងកាត់ឧបសគ្គដូចជាភាសា និងវប្បធម៌ ពេលធ្វើដំណើរទៅក្រៅប្រទេស ឬបានឃើញតន្ត្រីរបស់យើង ទៅដល់មនុស្សជាច្រើនទូទាំងពិភពលោកក្នុងដំណើរទេសចរណ៍មួយ ពួកយើងចង់និយាយអំពីថាមពលនៃភាពចម្រុះទាំងនោះ។
— Suga

លើសពីនេះ លោកបន្តដោយនិយាយថាគ្រាន់តែជារបៀបដែលតន្ត្រីរបស់ពួកគេ បាននាំមនុស្សមកជុំគ្នាដោយមិនគិតពីភាពខុសគ្នា លោកសង្ឃឹមថានិន្នាការវិជ្ជមានអាចបន្តទៅមុខទៀត។

ស្របនឹងនេះដែរអនុប្រធានាធិបតីនៃសហរដ្ឋអាមេរិក KamalaHarris បានកោតសរសើរចំពោះផលវិជ្ជមានមានរបស់ BTS ថា ៖

នៅពេលដែលយើងឃើញការស្អប់ និងការរើសអើង វាមានន័យថាធ្វើឲ្យមនុស្សភ័យខ្លាច ហើយវាមានន័យថាធ្វើឲ្យមនុស្សមានអារម្មណ៍ឯកា ដូច្នេះហើយវាគ្មានអំណាចទេ។ ប៉ុន្តែពេលអ្នករាល់គ្នា(BTS)និយាយអំពីវា អ្នកនិយាយជាមួយមនុស្សក្នុងរបៀបដែលរំឭកពួកគេថា ពួកគេមិននៅម្នាក់ឯងនោះទេ។
— អនុប្រធានាធិបតីសហរដ្ឋអាមេរិក Kamala Harris

RMបានយល់ស្របដោយលើកឡើងថា ក្រុម BTS ចង់ត្រឡប់មកវិញនូវក្ដីស្រលាញ់ដែលពួកគេបានទទួលទាំងអស់ហើយប្រើសម្លេងរបស់ពួកគេ ដើម្បីបន្សល់ទុកនូវឥទ្ធិពលវិជ្ជមាន ពួកគេមានការគោរពនិងមានអារម្មណ៍ មានទម្ងន់នៃការទទួលខុសត្រូវនៃកិច្ចការនោះ។

ប្រធានក្រុមរូបនេះថែមទាំងបានចែករំលែកថា នៅពេលដែលBTS បានលឺជាលើកដំបូងថាប្រធានាធិបតីJoe Biden បានអញ្ជើញពួកគេឲ្យនិយាយនៅឯសេតវិមានពួកគេដឹងថាពួកគេត្រូវតែទៅ ហើយត្រូវបានគេរាយការណ៍ថា បានចំណាយលើការចំណាយនៃការធ្វើដំណើរដោយខ្លួនឯងដោយសារតែពួកគេយល់ច្បាស់ ចំពោះសារៈសំខាន់នៃសារ និងការទស្សនារបស់ពួកគេ។

លោកប្រធានាធិបតី Joe Biden បានរំលឹកពីអ្វីដែលបានចាប់ផ្តើមដំណើរនយោបាយរបស់ខ្លួនថានិងបានផ្តល់ការយល់ដឹងខ្លះៗអំពីការសម្រេចចិត្ត ក្នុងការអញ្ជើញ BTS ទៅកាន់សេតវិមានថា ៖

ខ្ញុំបានចូលរួមក្នុងជីវិតសាធារណៈដោយសារតែសិទ្ធិស៊ីវិល ។ សូម្បីតែកាលពីអតីតកាល សិល្បករដ៏ល្បីល្បាញបានជួយផ្លាស់ទីមនុស្ស។ អ្វីដែលអ្នកកំពុងធ្វើ ធ្វើឲ្យមានភាពខុសគ្នាខ្លាំង។
— លោកប្រធានាធិបតី Joe Biden

លោកប្រធានាធិបតី Joe Biden និង BTS — លោកប្រធានាធិបតី Joe Biden និង BTS

លោកប្រធានាធិបតី Joe Biden បានសាទរចំពោះទេពកោសល្យ និងសាររបស់ក្រុម ហើយBTS បានធ្វើឲ្យសកម្មភាពលើកនេះជាដំណើរទស្សនៈកិច្ចដ៏អស្ចារ្យសម្រាប់ពួកគេ៕

ជ្រាបច្បាស់សូមទស្សនាវីដេអូខាងក្រោម៖

BTS

ប្រភព ៖ Koreaboo

អានបន្ថែម