មកមើល តារាណាខ្លះ នឹងចូលរួម មង្គលការ Jiyeon ក្រុម T-ara?
កម្សាន្ត៖ បន្ទាប់ពីការទន្ទឹងរង់ចាំ ជាច្រើនថ្ងៃ ទីបំផុត តារាចម្រៀង Jiyeon ក្រុម T-ara និងអ្នកលេងបេស្បល Hwang Jae Gyun ដែលទើបនឹងត្រលប់មកប្រទេសវិញ ជាផ្លូវការនៅថ្ងៃទី ១០ ខែធ្នូនេះ ពួកគេនឹងរៀបការជាមួយគ្នាហើយ។
ជាមួយគ្នានេះដែរ ពិធីមង្គលការនេះ ធ្វើឡើងនៅសណ្ឋាគារ Shilla ទីក្រុងសេអ៊ូល ដែលជាសណ្ឋាគារដ៏ប្រណីតបំផុតមួយនៅក្នុងប្រទេសកូរ៉េ។
ក្នុងនោះ Jiyeon គឺជាតារាគោរពសាសនា ហើយ Hwang Jae Gyun គឺជាអ្នកលេងកីឡាបេស្បលដ៏ល្បីល្បាញម្នាក់ ដូច្នេះពិធីមង្គលការរបស់គូស្នេហ៍មួយគូនេះ ត្រូវបានគេរំពឹងថានឹងមានការចូលរួមពីភ្ញៀវកិត្តិយសយ៉ាងច្រើនកុះករ។ ពិសេស អ្នកនិយមលេងអ៊ីនធើណេតជាច្រើន បាននាំគ្នារំពឹងទុកថានឹងមានវត្តមានតារាល្បីៗដូចខាងក្រោមនេះ ចូលរួមផងដែរ៕
១.ក្រុម T-ara
ការជួបជុំគ្នារបស់ T-ara ក្នុងពិធីមង្គលការសមាជិកកូនពៅរូបនេះ ត្រូវបានទស្សនិកជនរាប់សែននាក់រំពឹងទុក។ ក្រុមនេះបានឆ្លងកាត់ព្យុះភ្លៀងជាច្រើនជាមួយគ្នា ហើយបានបន្តធ្វើការរហូតមកដល់បច្ចុប្បន្ន។ សមាជិក ២ នាក់ដែលបានចាកចេញពីក្រុមគឺ Soyeon និង Boram ត្រូវបានគេរំពឹងថា នឹងចូលរួមពិធីមង្គលការរបស់ Jiyeon ផងដែរ។
២.IU
មិនត្រឹមតែទៅចូលរួមក្នុងពិធីមង្គលការរបស់ Jiyeon ទេ IU ក៏បានទទួលតួនាទីច្រៀងចម្រៀង Carol ផងដែរ។ ក្នុងនាមជាមិត្តល្អជាងមួយទសវត្សរ៍ មកដល់ពេល Jiyeon សួរភ្លាម IU ក៏ព្រមមកច្រៀង។
៣.Suzy
Suzy និង Jiyeon គឺជាមិត្តល្អនឹងគ្នាតាំងពីដំបូងមក ជាងមួយទសវត្សរ៍មកនេះ។ ថ្វីដ្បិតតែកម្របង្ហាញមុខជាមួយគ្នា ដោយសារតែមមាញឹកខ្លាំង ប៉ុន្តែតារាល្បីទាំងពីរនៅតែប្រឹងប្រែងធ្វើការទំនាក់ទំនងគ្នានៅលើបណ្តាញសង្គម។ ដូច្នេះហើយ ទើបការបង្ហាញខ្លួនរបស់ Suzy ក្នុងពិធីមង្គលការមិត្តភក្តិ ទទួលបានការទន្ទឹងរង់ចាំយ៉ាងខ្លាំងពីសំណាក់មហាជន។
៤.Changmin (TVXQ) និង Kyuhyun (Super Junior)
រង្វង់មិត្តភក្តិរបស់កូនកំលោះ Hwang Jae Gyun មិនត្រឹមតែនៅក្នុងពិភពកីឡាប៉ុណ្ណោះទេ តែស្វាមីរបស់ Jiyeon គឺជាមិត្តជិតស្និទ្ធរបស់តារាប្រុស K-pop ដ៏ល្បី ២រូប Changmin (TVXQ) និង Kyuhyun (Super Junior)។ នៅលើប្រព័ន្ធផ្សព្វផ្សាយសង្គម គាត់ធ្លាប់បានបង្ហោះរូបថតជាមួយ Changmin ដើម្បីគាំទ្រតន្ត្រីរបស់ Kyuhyun។ ដូច្នេះហើយទំនងណាស់ដែលតារាប្រុសល្បី ២ដួងនេះ នឹងមានវត្តមានក្នុងពិធីមង្គលការមិត្តជិតស្និទ្ធរបស់ពួកគេមិនខាន។
ប្រភព៖ kenh14