កូរ៉េខាងត្បូង៖ កាលពីម៉ោង ១១ ព្រឹកថ្ងៃទី ១៩ ខែសីហានេះ (ម៉ោងនៅប្រទេសកម្ពុជា) បទចម្រៀង Pink Venom ដែលជាបទចម្រៀងបើកទំព័រសម្រាប់ អាល់ប៊ុម ទី២ «Born Pink» របស់ក្រុម BLACKPINK ត្រូវបានចេញផ្សាយជាផ្លូវការ។ ហើយ MV បទ Pink Venom នេះដែរ ត្រូវបានធ្វើឡើងដោយភ្លេងទំនើប លាយឧបករណ៍ភ្លេងប្រពៃណីដូចជា Angbuilgu sundial, Geomungo 6-string zither ជាដើម។
ពិតណាស់ បទ Pink Venom ជាបទដែលជាប្រភេទតន្រ្តី Hip-Hop ដែលមានសម្លេងទាក់ត្រចៀកគួរឲ្យចង់ស្ដាប់ ប្លង់ថតក៏អស្ចារ្យ ជាមួយនឹងការរួមបញ្ចូលគ្នានៃអត្ថន័យបទចម្រៀង ដ៏ប្លែកទៀតនោះ ពិតជាមិនសរសើរមិនបានទេថា បទនេះពិតជាឡូយ។
ហើយបើក្រឡេកមកមើលពីភាពអស្ចារ្យសម្រាប់សមាជិកទាំង ៤នាក់ក្នុងបទនេះ ឃើញថាពួកគេសុទ្ធតែមានភាពទាក់ទាញ និងស្អាតៗគ្រប់ប្លង់តែម្ដង ដែលធ្វើឲ្យហ្វេនៗដែលរង់ចាំអស់រយៈជាង ២ឆ្នាំនេះ មិនខកបំណងនោះឡើយ៕
១.Jisoo
មិនដែលឲ្យហ្វេនខកចិត្ត រាល់ការត្រលប់មកវិញរបស់ Jisoo គឺតែងតែធ្វើឲ្យគ្រប់គ្នាសរសើរពីសម្រស់របស់នាង។ ហើយក្នុងបទនេះ នាងធ្វើជាអ្នកលេងឧបករណ៍តន្រ្តី Geomungo យ៉ាងទំនង និងស្អាតបំផុត។
២.Jennie និង Lisa
ក្នុងបទនេះ ឃ្លារ៉េបរបស់ Jennie និង Lisa ធ្វើឲ្យអ្នកគាំទ្ររំភើបចិត្ត។ ព្រោះលើកនេះ អ្នកទាំងពីរក៏មានកន្លែងរ៉េបពីរដងដូចគ្នា ដូចកាលក្នុង MV បទ Kill This Love ដែលចេញក្នុងឆ្នាំ ២០១៩ដែរ។
៣.Rosé
Rosé ក៏បានធ្វើឲ្យ គ្រប់គ្នាភ្ញាក់ផ្អើលដែរ ជាមួយនឹងរូបរាងចម្រុះ និងការសាកល្បងប្ដូរម៉ូតសក់ប្លែកៗ និងចម្លែកជាច្រើននៅក្នុងបទ Pink Venom នេះ។