BTS បំបែកឯតទគ្គកម្មថ្មីជាមួយបទ Butter មានអ្នកចូលមើលលឿនបំផុត ក្នុងរយៈពេលមិនដល់កន្លះខែ!

កូរ៉េខាងត្បូង៖ នៅថ្ងៃទី ៤ ខែ មិថុនា ឆ្នាំ ២០២១ នេះ វេលាម៉ោងប្រហែល ១០ និង ៤០នាទីយប់ (ម៉ោងនៅកូរ៉េខាងត្បូង) Music Video បទ Butter របស់ក្រុមចម្រៀង Kpop លំដាប់ពិភពលោក BTS បានបំបែកឯតទគ្គកម្មថ្មី ដោយមានចំនួនអ្នកចូលទស្សនាលើសពី ៣០០ លាន Views លឿនបំផុតលើ YouTube ក្នុងរយៈពេលមិនដល់ ១៥ថ្ងៃបន្ទាប់ពីចេញផ្សាយ​។

គួរបញ្ជាក់ផងដែរថាMusic Video មួយនេះបានចេញផ្សាយកាលពីថ្ងៃទី២១ខែ ឧសភា ឆ្នាំ ២០២១ មានន័យបទ Butter បានចំណាយពេលប្រហែល ១៤ថ្ងៃ១០ម៉ោង និង ៤០នាទី ប៉ុណ្ណោះដើម្បីឈានដល់ចំណុចកំពូលសំខាន់បែបនេះ។

តាមរយៈសមិទ្ធផលខាងលើនេះបានធ្វើឲ្យ BTS ក្លាយជា Kpop Group ដំបូងគេបង្អស់ដែលមាន MVរកបានចំនួនអ្នកចូលទស្សនាលឿនបំផុត ថែមទាំងបានបំបែកំណត់ត្រាបទ Dynamite ដែលចំណាយពេល ១៥ថ្ងៃ ៣ ម៉ោង និង ៥០នាទី ដើម្បីឈានដល់ ៣០០ លាន Views៕

សូមអបអរសាទរBTS ចំពោះកំណត់ត្រានេះ!

ប្រភព ៖ Soompi