កូរ៉េខាងត្បូង ៖ ថ្មីៗនេះខាង Rolling Stone បានចេញផ្សាយបញ្ជីចម្រៀងល្អបំផុតប្រចាំឆ្នាំ «Top 50 Best Songs of 2021» ដោយឆ្នាំនេះ សិល្បករកូរ៉េដែលទទួលបានប្រជាប្រិយខ្លាំងជាប់ក្នុងបញ្ជីនេះយើងឃើញមានក្រុមចម្រៀង TWICE, Epik High និង BTS បានចូលក្នុងបញ្ជីរួមជាមួយនឹងសិល្បករទូទាំងពិភពលោកផ្សេងទៀត។
ជាដំបូង Rolling Stone បានចាប់ផ្តើមបញ្ជីជាមួយនឹងបទ The Feels របស់ TWICE ជាប់នៅ លំដាប់កំពូល Top 50 ដោយសរសេរបង្ហាញថា បទនេះវាសមនឹងទទួលបានការចាប់អារម្មណ៍ពីទីផ្សារលោកខាងលិច ពីព្រោះ The Feels គឺជាបទចម្រៀងមួយក្នុងចំណោមបទចម្រៀងដែលមគួរឲ្យរំភើបបំផុតប្រចាំឆ្នាំ២០២១។
បន្ទាប់មកបទ Rosario របស់ Epik High មកពីអាល់ប៊ុមខ្នាតតូចទី១០ មានចំណងជើងថា «Epik High Is Here (Part 1)» ក៏បានចូលក្នុងបញ្ជីលំដាប់ Top 40 នៃបញ្ជីចម្រៀងល្អបំផុតរបស់ Rolling Stone។
ចំពោះបទចម្រៀង Kpop កំពូលដាច់គេក្នុងចំណោមក្រុម Kpop ប្រចាំឆ្នាំនេះ គ្មាននរណាក្រៅពី BTS នោះទេ ដោយចម្រៀងរបស់ពួកគេបានវាយលុកទីផ្សារតន្រ្តីជាមួយបទល្បី Butter ដែលបានបង្ហាញមុខស្ថិតនៅលំដាប់ Top 16 នៃបញ្ជីចម្រៀងល្អបំផុតទាំង ៥០បទរបស់ Rolling Stone៕
សូមអបអរសាទរចំពោះក្រុម Kpop ទាំងបីនេះ!
ប្រភព ៖ Allkpop