យល់ដឹង៖ ការដាក់ខ្លួនឯងនៅទីនោះម្ដងទៀត បន្ទាប់ពីខូចចិត្ត គឺជាហានិភ័យធំ។ ពេលខ្លះ វាអាចចំណាយពេលយូរ សម្រាប់មនុស្សមួយចំនួន ដើម្បីឲ្យមានអារម្មណ៍ស្រួលគ្រប់គ្រាន់ ក្នុងការបើកចិត្តម្ដងទៀតសម្រាប់អ្នកដទៃ។
មានតារានិករមួយចំនួនខាងក្រោមនេះ ដែលធ្វើដូចជាមិនខ្វល់ពីស្នេហាឡើយ បន្ទាប់ពីឈឺចាប់ ៖
១. Aries ♈️
Aries ហាក់បីដូចជាស្តេច ឬម្ចាស់ក្សត្រីនៃហ្គេម ប៉ុន្តែការពិតគឺពួកគេមានភាពងាយប៉ះទង្គិចខ្លាំង ហើយយករឿងផ្ទាល់ខ្លួនច្រើនជាងអ្វីដែលពួកគេបង្ហាញ។ ជាធម្មតា អាកប្បកិរិយាព្រងើយកន្តើយរបស់ពួកគេ គ្រាន់តែជាល្បិចកលដើម្បីលាក់អារម្មណ៍របស់ពួកគេ។ នៅពេលដែល Aries ធ្លាក់ក្នុងអន្លង់ស្នេហ៍ ពួកគេស្រលាញ់ដោយគ្មានលក្ខខណ្ឌ ហើយដូច្នេះ ទើបពួកគេងាយឈឺចាប់។ នេះហើយជាមូលហេតុដែលពួកគេនឹងព្យាយាម ដើម្បីបង្ហាញថាពួកគេមិនខ្វល់ ប៉ុន្តែនៅទីបំផុតពួកគេមិនអាចលាក់បាំង ពីភាពស្រលាញ់ មនោសញ្ចេតនា និងសុភមង្គលរបស់ពួកគេបានយូរអង្វែងឡើយ។
២. Taurus ♉️
Taurus ហាក់ដូចជាច្បាស់លាស់ និងមិនងាយបង្ហាញ ពីអារម្មណ៍ពិតរបស់ពួកគេ ចំពោះអ្នកណាម្នាក់នោះទេ ដោយសារតែពួកគេមានបញ្ហាខាងទំនុកចិត្តខ្លាំង។ ពួកគេត្រូវបានឈឺចាប់ច្រើន ដូច្នេះហើយ ពួកគេមិនងាយផ្តល់ឲ្យមនុស្សចូលទៅរកពួកគេទេរហូតដល់ពួកគេដឹងច្បាស់ថាពួកគេសមនឹងទទួលបានវា។ យ៉ាងណាមិញ ពួកគេមានចិត្តធំ និងចិត្តល្អ ហើយពួកគេជឿជាក់លើស្នេហា និងសុភមង្គល ប៉ុន្តែពួកគេមិនដែលទទួលស្គាល់នោះទេ។
៣. Virgo ♍️
Virgos មិនងាយស្រលាញ់ទេ ប៉ុន្តែនៅពេលដែលពួកគេធ្វើ ពួកគេនឹងនៅជាប់អ្នកជារៀងរហូត ទាំងក្រាស់ និងស្តើង ហើយសូម្បីតែការផ្លាស់ប្តូរ ទឹកដមសំឡេងរបស់អ្នក ក៏អាចធ្វើឲ្យពួកគេឆ្ងល់ និងធ្វើឲ្យពួកគេគិតថា តើពួកគេបានធ្វើអ្វីខុសដែរ។ Virgos ក៏មានការភ័យខ្លាច នៃការបោះបង់ចោល ហើយពួកគេបារម្ភថាដៃគូរបស់ពួកគេ អាចនឹងចាកចេញពីពួកគេ នៅថ្ងៃណាមួយ។ នោះហើយជាមូលហេតុដែលការភ័យខ្លាចរបស់ពួកគេ ធ្វើទំនាក់ទំនងរបស់ពួកគេខូចខាត ប៉ុន្តែពួកគេគ្រាន់តែជាមនុស្សរ៉ូមែនទិក ដែលសុខចិត្តលះបង់អ្វីគ្រប់យ៉ាង ដើម្បីនៅជាមួយមនុស្សដែលខ្លួនស្រលាញ់។
៤. Scorpio ♏️
Scorpio មានកេរ្តិ៍ឈ្មោះមិនល្អ នៅពេលនិយាយអំពីស្នេហា ដោយសារតែពួកគេ ត្រូវបានគេស្គាល់ថាជាមនុស្សពូកែញ៉ែ។ បើគេភ្ជាប់ជាមួយមនុស្សតែម្នាក់ នោះអ្នកនោះនឹងក្លាយជាអ្វីៗគ្រប់យ៉ាងសម្រាប់គេ ហើយគេមិនអាចឲ្យអ្នកចាកចេញបានឡើយ។ ពួកគេខំប្រឹងខ្លាំងពេកមិនឲ្យជាប់ជាមួយមនុស្សម្នាក់ ប៉ុន្តែនៅទីបំផុតពួកគេ នៅតែចង់ស្វែងរកមនុស្សម្នាក់ ដែលធ្វើឲ្យពួកគេមានអារម្មណ៍ថា មានសុវត្ថិភាព និងការប្តេជ្ញាចិត្តដែលមិនអាចបែងចែកបាន។
ប្រភព: thoughtcatalog