អ្វីដែលជម្រុញចិត្តឲ្យតារានិករនីមួយៗ ឈប់អើពើនឹងអ្នកភ្លាមៗ?

យល់ដឹង៖ ការមានទំនាកទំនងល្អ យលពីគ្នាទៅវិញទៅមក គឺអ្វីដែលសំខាន់បំផុត ក្នុងទំនាក់ទំនងមួយ។ ប្រសិនបើអ្នកធ្វើនូវទង្វើដូចខាងក្រោមនេះ ក្នុងទំនាក់ទំនង វាងាយណាស់ក្នុងការបែកបាក់ រវាងអ្នកទាំងពីរ។

ខាងក្រោមនេះនឹងបង្ហាញពី អ្វីដែលជំរុញឲ្យតារានិករនីមួយៗ ឈប់អើពើនឹងអ្នកភ្លាមៗ ៖

♈️ Aries (Mar 21 – Apr 19)

ពួកគេនឹងឈប់អើពើនឹងអ្នក ប្រសិនបើអ្នកបានបង្ហាញឲ្យពួកគេឃើញនូវ ភាពតោងស្អិតរបស់អ្នកឆាប់ពេក។ Aries ចូលចិត្តប្រឈមនឹងការ កំណត់ល្បឿននៃទំនាក់ទំនងផងដែរ។ ប្រសិនបើពួកគេមានអារម្មណ៍ថាអ្នកខ្លាំងពេក ឬរហ័សពេក ពួកគេទំនងជានឹងថយក្រោយ ហើយស្វែងរកនរណាម្នាក់ដែលពួកគេអាច មានអារម្មណ៍សុវត្ថិភាពបាន។

♉️ Taurus (Apr 20 – May 20)

ពួកគេនឹងឈប់អើពើនឹងអ្នក ប្រសិនបើអ្នកទុកសាររបស់ពួកគេចោល និងចាំប៉ុន្មានថ្ងៃក្រោយ ទើបឆ្លើយតបទៅពួកគេវិញ នោះគេនឹងឆាប់អស់អារម្មណ៍ពីអ្នកងាយ ព្រោះពួកគេគិតថា អ្នកមិនចាប់អារម្មណ៍ពួកគេទេ។ នៅពេលដែលពួកគេសម្រេចចិត្តច្បាស់ហើយ ពួកគេមិនងាយរកអ្នកវិញទេ។

♊️ Gemini (May 21 – Jun 20)

ពួកគេនឹងឈប់អើពើនឹងអ្នក ប្រសិនបើពួកគេយល់ថា អ្នកមិនចូលចិត្តការផ្សងព្រេង ឬចេញក្រៅ ពួកគេប្រហែលជាគិតថា អ្នកធុញទ្រាន់បន្តិច ឬមិនសមសម្រាប់របៀបរស់នៅ ដ៏រឹងមាំរបស់ពួកគេ។ ព្រោះតែ Geminis ចូលចិត្តចេញទៅក្រៅ និងមានពេលវេលាល្អ ហើយពួកគេតែងតែចូលចុះជាមួយសង្គម ឬធ្វើអ្វីមួយដែលគួរឲ្យរំភើប។ 

♋️ Cancer (Jun 21 – Jul 22)

ពួកគេនឹងឈប់អើពើនឹងអ្នក ប្រសិនបើអ្នកមិនប្រើពេលវេលា និងថាមពលគ្រប់គ្រាន់ ក្នុងទំនាក់ទំនងរបស់អ្នកជាមួយពួកគេ មិនអើពើ ហើយទុកឲ្យពួកគេជាអ្នកខ្វល់តែម្ខាង។ វានឹងធ្វើឲ្យពួកគេអារម្មណ៍មនោសញ្ចេតនា និងអារម្មណ៍សុវត្ថិភាព ពេលដែលនៅក្បែរអ្នក។

♌️ Leo (Jul 23 – Aug 22)

ពួកគេនឹងឈប់អើពើនឹងអ្នក ប្រសិនបើអ្នកហាក់ដូចជា ចាប់អារម្មណ៍លើមនុស្សម្នាក់ទៀត ឬនិយាយច្រើនអំពីអតីតកាល ព្រោះពួកគេគិតថា ពួកគេមិនមែនជាមនុស្សសំខាន់ចំពោះអ្នកឡើយ។

♍️ Virgo (Aug 23 – Sep 22)

ពួកគេនឹងឈប់អើពើនឹងអ្នក ប្រសិនបើអ្នកមិនដែលធ្វើជាអ្នកផ្ញើរសារទៅមុន ឬកំណត់ថ្ងៃណាត់ជួបដោយខ្លួនឯងទេ បើអ្វីៗអ្នកត្រូវពឹងផ្អែកលើពួកគេ ជាអ្នកដោះស្រាយទាំងអស់ពេក គឺយ៉ាប់ហើយ។ អ្នក​មិន​បាន​បង្ហាញ​ពី​ផ្នែក​ដែល​ជំរុញពួកគេ ​និង​មហិច្ឆតា​ជាង​នេះ​ទេ ដូច្នេះ​អ្នកមិន​អាច​ទាញ​យក​ការ​ចាប់​អារម្មណ៍​របស់ Virgo បានឡើយ។

♎️ Libra (Sep 23 – Oct 22)

ពួកគេនឹងឈប់អើពើនឹងអ្នក ប្រសិនបើអ្នកនៅតែចង់រក្សាចំណងមិត្តភាព និងមើលចិត្តគ្នាយូរ ដោយមិនព្រមបង្ហាញពីអារម្មណ៍សោះ ហើយវាធ្វើពួកគេគិតថា អ្នកមិនចាប់អារម្មណ៍ពួកគេឡើយ។

♏️ Scorpio (Oct 23 – Nov 21)

ពួកគេនឹងឈប់អើពើនឹងអ្នក ប្រសិនបើអ្នកបង្ហាញថា គ្រាន់តែចង់ដើរលេងជាមួយពួកគេ ហើយមិនដែលបង្ហាញអំពីអារម្មណ៍នៃទំនាក់ទំនង ឬនិយាយអំពីវា។ ម៉្យាងទៀតបើអ្នកមិនបានផ្តល់ឲ្យពួកគេ នូវការចាប់អារម្មណ៍ដែលពួកគេចង់បាន ឬអ្នកហាក់ដូចជាមិនចាប់អារម្មណ៍ ដូច្នេះពួកគេនឹងដើរចេញ។

♐️ Sagittarius (Nov 22 – Dec 21)

ពួកគេនឹងឈប់អើពើនឹងអ្នក ប្រសិនបើអ្នក​មិន​បាន​រីករាយ ចំពោះ​គំនិត​នៃ ការណាត់ជួប ឬ​ដំណើរ​ផ្សងព្រេង​​ថ្មី​របស់​ពួកគេ​ និងអ្នក​មិន​បាន​លើក​ទឹក​ចិត្ត​ពួក​គេទេ​។ ពួកគេកាន់តែទាក់ទាញចំពោះមនុស្ស ដែលចូលចិត្តប្រថុយប្រថាន និងសាកល្បងអ្វីថ្មី។ ប្រសិនបើអ្នក​មិន​បាន​បញ្ចេញ​អារម្មណ៍​នោះ​ទេ ពួកគេ​ប្រហែល​ជា​មិន​ចូល​ចិត្ត​ដើរលេង​ជាមួយ​អ្នក​ម្តងទៀត​ទេ។

♑️ Capricorn (Dec 22 – Jan 19)

ពួកគេនឹងឈប់អើពើនឹងអ្នក ប្រសិនបើអ្នកមើលទៅដូចជាអ្នកខ្វល់ខ្វាយ ពីរូបសម្រស់រាងកាយរបស់គេ ជាងចិត្តរបស់គេទៅទៀតនោះ ព្រោះវាបញ្ជាក់ថា មិនមែនជាទំនាក់ទំនងស្មោះពីចិត្តឡើយ។ ពួកគេចូលចិត្តមើលថែអ្នកដ៏ទៃ និងជួយគ្រប់គ្នាឲ្យមានជីវិតប្រសើរជាងមុន ហើយពួកគេមានអារម្មណ៍ថាមិនពេញលេញ នៅពេលដែលពួកគេមិនអាចធ្វើវាបាន។

♒️ Aquarius (Jan 20 – Feb 18)

ពួកគេនឹងឈប់អើពើនឹងអ្នក ប្រសិនបើអ្នកធ្វើតាមការសន្យារបស់អ្នកមិនបាន និងពិបាកក្នុងការសន្យាអ្វីមួយ ហើយធ្វើខ្លួនជាមនុស្សឈាមត្រជាក់ ព្រោះពួកគេមិនអាចជឿទុកចិត្តអ្នកបានទេ។

♓️ Pisces (Feb 19 – Mar 20)

ពួកគេនឹងឈប់អើពើនឹងអ្នក ប្រសិនបើអ្នកមិនដែលបង្ហាញចំណាប់អារម្មណ៍លើពួកគេ ហើយទុកឲ្យពួកគេជាអ្នកបង្ហាញតែម្នាក់ឯងនិងខំតែម្នាក់ឯង។ វាពិតជាមិនល្អទេសម្រាប់ទំនាក់ទំនងរបស់អ្នក។

ប្រភព: thoughtcatalog