ចាំ «អូហានី» តួស្រីរឿងស្នាមថើបបានអត់? អាយុច្រើនហើយ មុខនៅតែក្មេង!
កូរ៉េខាងត្បូង៖ JungSo Min ជាតារាសម្ដែងស្រីល្បីប្រចាំប្រទេសកូរ៉េខាងត្បូង ស្ថិតក្រោមទ្រនំរបស់Blossom Entertainment និងបានប្រឡូកក្នុងការសម្ដែងជាលើកដំបូង តាមរយៈរឿងភាគ “Bad Guy” ឆ្នាំ ២០១០។ ការទទួលស្គាល់នេះបាននាំទៅរកតួនាទីបន្ទាប់របស់នាងនៅក្នុងរឿងដ៏ពេញនិយម"Playful Kiss" សម្ដែងជាមួយតារាប្រុស KimHyun Joong។
ជាមួយទេពកោសល្យពេញខ្លួនស្រីស្អាតកើតឆ្នាំ ១៩៨៩ រូបនេះ បានសាងស្នាដៃនៃការសម្ដែងឆ្នើម ក្នុងឧស្សាហកម្មសិល្បៈកម្សាន្តមិនតិចទេថែមទាំងទទួលបានការស្រលាញ់គាំទ្រពីសំណាក់ហ្វេនៗគ្រប់មជ្ឈដ្ឋាន ជាពិសេសបច្ចុប្បន្ននេះJungSo Min ក៏កំពុងផ្ទុះប្រជាប្រិយភាពខ្លាំង បន្ទាប់ពីសម្ដែងក្នុងរឿងថ្មីAlchemy of Souls ឆ្នាំ ២០២២ នេះផងដែរ។
រយៈពេលប៉ុន្មានឆ្នាំមកនេះបើនិយាយពីសម្រស់របស់នាងវិញ តារាសម្ដែងស្រីល្បីរូបនេះនៅតែមានសម្រស់ស្រស់ស្អាតមានមន្ដស្នេហ៍ភាពទាក់ទាញមិនធម្មតា ទោះជាអាយុចូលវ័យ ៣៣ ឆ្នាំហើយក្ដី ប៉ុន្តែរូបរាង និងមុខមាត់របស់JungSo Min នៅតែ Cute គួរឲ្យស្រលាញ់ នៅតែលេចធ្លោមិនចាញ់តារាស្រីៗវ័យក្មេងជំនាន់ក្រោយៗនោះឡើយដូចពាក្យគេថា កាន់តែចាស់កាន់ហឹរ អាយុកាន់តែច្រើន សម្រស់កាន់តែក្មេង៕
ទស្សនារូបភាពខាងក្រោម ៖
