កម្សាន្ត ៖ នារីៗជំនាន់នេះ កាន់តែមានគំនិតរីកចម្រើន ជឿនលឿន ក្រៅពីការចំណាយពេលវេលា កម្លាំងកាយ ចិត្ត ទៅលើការបំពេញការងារហើយនោះ នាងក៏មិនភ្លេច សាកថ្មឲ្យផ្លូវចិត្តរបស់ខ្លួនឯង ដោយការធ្វើដំណើរកម្សាន្ត ជាមួយគ្រួសារ មិត្តៗ ក៏ដូចជា Solo Trip តែម្នាក់ឯងជាដើម។ក្នុងនោះផងដែរ កូរ៉េខាងត្បូង ជាប្រទេសមួយក្នុងចំណោម ប្រទេសដែលមានតំបន់ទេសចរល្បីៗ គួរជាទីចាប់អារម្មណ៍ សម្រាប់នារីៗទាន់សម័យ នៅជុំវិញពិភព។ ក្រៅពីភាពល្បីល្បាញនៃ Kpop K Drama&nbsp;ហើយនោះ កូរ៉េខាងត្បូង ក៏ត្រូវបានគេស្គាល់ថាជា ពិភពនៃគ្រឿងសម្អាង គ្រឿងថែរក្សាសម្រស់ដ៏សម្បូរបែប&nbsp;K-fashions&nbsp;Cute Cute ដែលនារីៗសម័យថ្មី ប្រាថ្នាចង់ទៅកម្សាន្ត និងស្វែងយល់បន្ថែម។&nbsp;១. នៅទីក្រុង Seoul&nbsp;«ទីនេះ គឺជាឋានសួគ៌សម្រាប់នារីៗ»ទាំងនេះជាគំនិត និងសកម្មភាពល្អៗ មួយចំនួន ដែលអ្នកអាចបញ្ចូល ទៅក្នុងគម្រោងដំណើរកម្សាន្តរបស់អ្នក ៖-អនុញ្ញាតឱ្យខ្លួនអ្នក ចូលរួមវគ្គខ្លីៗ នៅសេអ៊ូល-ធ្វើដំណើរទស្សនកិច្ច នៅតំបន់ DMZ និងហាងលក់គ្រឿងសំអាង តាមព្រំប្រទល់កូរ៉េទាំងពីរ-ទៅហាងកែសម្ផស្ស និងហាង K-fashions Cute Cute-ចូលថ្នាក់បង្រៀនធ្វើម្ហូបកូរ៉េ និងរៀនពីរបៀបច្នៃ Kimchi! -សាកល្បងការស្នាក់នៅវិហារ បែបពុទ្ធិសាសនា នៅថ្ងៃចុងសប្តាហ៍-ជួល Hanbok ស្លៀក ដើម្បីក្លាយជាព្រះនាងកូរ៉េមួយថ្ងៃ-ភ្លក់ Sweet Potato Latte នៅហាងកាហ្វេល្បីៗ ក្នុងក្រុងសេអ៊ូល-ជួលកង់ជិះ និងធ្វើដំណើរទៅមក ជុំវិញទន្លេហាន -ស្វែងយល់ពីវិមាន រាជវាំងកូរ៉េ និងសារមន្ទីរគួរឱ្យចាប់អារម្មណ៍ជាច្រើនទីក្រុងសេអ៊ូល ជារឿយៗត្រូវបានគេចាត់ទុកថា ជារដ្ឋធានីសម្រស់របស់ពិភពលោក។ នេះមិនមែន សុខៗគេដាក់ឈ្មោះ រដ្ឋធានីសម្រស់ ដោយគ្មានមូលហេតុនោះទេ ជាក់ស្តែងនៅតាមដងផ្លូវនានា ក្នុងទីក្រុងសេអ៊ូល គឺមានហាងលក់ទំនិញ ដែលលក់ផលិតផលគ្រឿងសំអាង និងផលិតផលថែរក្សាស្បែកកូរ៉េជាច្រើន ក្នុងតម្លៃថោកសមរម្យ និងមានគុណភាពល្អ។ មានស្ប៉ាដ៏អស្ចារ្យ (ជាមួយនឹងតម្លៃសមរម្យ) រាប់សិបកន្លែង មានហាងកែសម្ផស្ស ហាងកាត់សក់ មានអ្នកជំនាញខាងសើស្បែក និងសូណានៅទីនោះជាហូហែ។ សម្រាប់បទពិសោធប្រភេទ "មានតែនៅក្នុងប្រទេសកូរ៉េ" សូមកុំភ្លេចកក់កន្លែងប្រភេទ អាងងូតទឹកប្រពៃណីកូរ៉េ!ហាងលក់គ្រឿងសំអាង និង Cute K Fashion ជាកន្លែងដ៏អស្ចារ្យសម្រាប់ដើរទិញឥវ៉ាន់។ ឋានសួគ៌របស់អ្នក គឺទីនេះហើយ! ម៉ូដសំលៀកបំពាក់កូរ៉េ ដែលមានភាពទាក់ទាញ ចំពោះនារីៗ មាន រ៉ូបខ្លី សំពត់ខ្លី ស្បែកជើងកែង ពណ៌ចម្រុះ។ល។ ប្រសិនបើអ្នកជាក្មេងស្រីដែលស្រលាញ់ភាពស្រស់ស្អាត ការដើរទិញឥវ៉ាន់នៅទីនេះ ជាជម្រើសដ៏ត្រឹមត្រូវ។ អ្វីជាចំណុចល្អបំផុត? សម្លៀកបំពាក់នៅទីនេះ ជាធម្មតាមានតម្លៃសមរម្យ។ អ្នកអាចទិញសម្លៀកបំពាក់ និងគ្រឿងបន្លាស់ដែលមានតម្លៃខ្ពស់ តែក៏ថោកជាងតម្លៃទូទៅ។ សម្រាប់ម៉ូត Fashion ថ្មីៗ ចុងក្រោយបង្អស់ សូមធ្វើដំណើរឆ្ពោះទៅកាន់ Shopping Street នៃសាកលវិទ្យាល័យនារី Ewha ឬទៅកាន់ផ្សារទំនើបនៅឯ Dongdaemun។ សម្រាប់ផលិតផលគ្រឿងសំអាង និងផ្នែកសម្រស់ សូមធ្វើដំណើរទៅកាន់ Myeongdong!<figure style="text-align:center"><img src="https://cms.dmpcdn.com/article/2022/04/19/9212e7d0-bfae-11ec-a4e2-01345c626d92_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>ការរៀនអំពីម្ហូបក្នុងស្រុក ហើយរៀនពីរបៀបបង្កើតរូបមន្តប្រពៃណីឡើងវិញ គឺជាវិធីដ៏ល្អមួយ ដើម្បីជ្រមុជខ្លួនអ្នកនៅក្នុងវប្បធម៌ នៃកន្លែងដែលអ្នកធ្វើដំណើរមកដល់។កូរ៉េខាងត្បូងក៏មិនខុសគ្នា មានថ្នាក់រៀនថ្នាក់ធ្វើម្ហូប នៅទីក្រុងសេអ៊ូល ហើយវានៅតែជាបទពិសោធន៍ដែល ជនបរទេសចូលចិត្ត ក្នុងនាមជាអ្នកធ្វើដំណើរ Solo នៅកូរ៉េ! ជួល Hanbok និងធ្វើជាម្ចាស់ក្សត្រីកូរ៉េ ១ថ្ងៃHanbok គឺជាប្រភេទនៃសម្លៀកបំពាក់បែបបុរាណរបស់កូរ៉េ។ មានកន្លែងជួលជាច្រើនកន្លែង នៅតាមទីប្រជុំជន និងទីក្រុងផ្សេងៗ នៃប្រទេសកូរ៉េដែលអ្នកអាចជួល សម្រាប់រយៈពេលមួយថ្ងៃ។ ហេតុអ្វី?គឺដើម្បីថតរូប នៅតាមវិមាន និងរាជវាំងសម័យ Joseon ដែលអ្នកនឹងឃើញនៅ ទូទាំងប្រទេស។ ប្រសិនបើអ្នកធ្វើដំណើរតែម្នាក់ឯង សូមកុំមានការខ្មាស់អៀន ក្នុងការស្នើសុំឱ្យគេ ថតរូបឲ្យអ្នក។ ជនជាតិកូរ៉េ ក៏នឹងជួលហាន់ប៊ុក ជាញឹកញាប់ផងដែរ។ អ្នកដំណើរ Solo ក៏អាចថតរូបដោយមានជំនួយពីដង selfie ឬជើងកាមេរ៉ា! ស្វែងយល់ពី Quirky Coffee Shops ហាងកាហ្វេនៃវប្បធម៌កាហ្វេសេអ៊ូលធំៗ នៅក្នុងទីក្រុងសេអ៊ូល!មានកន្លែងដែលគួរឱ្យចាប់អារម្មណ៍ និងប្លែកៗ នៅគ្រប់តំបន់។ ប្រាកដណាស់យើងមានកន្លែងលក់កាហ្វេ ដូចជា Starbucks និង Gloria Jean ប៉ុន្តែកន្លែងល្អបំផុត ផ្សេងទៀត ជាហាងដែលត្រូវបានគ្រប់គ្រងដោយឯករាជ្យ។ ប្រសិនបើអ្នកចូលចិត្តរបស់ Cute Cute សូមចូលទៅកាន់ហាង Hello Kitty House Cafe នៅឯ Myeongdong! ហាងកាហ្វេ ត្រូវបានកំណត់យ៉ាងពិតប្រាកដ នៅខាងក្នុងផ្ទះ Hello Kitty ដែលមានពណ៌ផ្កាឈូកភ្លឺ។ អ្នកអាចផឹកកាហ្វេ និងញ៉ាំនំ នៅក្នុងបន្ទប់ទទួលភ្ញៀវ បន្ទាប់ក៏ដើរទៅមក នៅជុំវិញបន្ទប់គេង និងបន្ទប់ទឹក! អ្នកដែលចូលចិត្តកាហ្វេខ្លាំង ពួកគេគួរតែទៅហាង Coffee Hanyakbang ដែលជាហាងកាហ្វេលាក់កំបាំង ត្រូវបានគេបិទជិត នៅក្បែរផ្លូវ Euljiro 3-ga! កក់ Tour ដំណើរកម្សាន្តរបស់ Korean DMZDMZ គឺជាព្រំដែន ដែលមានការពង្រឹងខ្លាំង ដែលបំបែកប្រទេសកូរ៉េខាងជើងនិងខាងត្បូង។ ឆ្លៀតក្នុងដំណើរកម្សាន្ត DMZ បានផ្តល់នូវការចាប់អារម្មណ៍ ទៅនឹងប្រវត្តិសាស្ត្រ ដ៏គួរឱ្យសោកសៅរបស់កូរ៉េខាងត្បូង និងទំនាក់ទំនងដ៏ច្របូកច្របល់ នៅពាក់កណ្តាលនៃប្រទេសទាំងពីរ។ ដំណើរកម្សាន្តទាំងពាក់កណ្តាលថ្ងៃ និងពេញមួយថ្ងៃ អាចស្វែងរកបាននៅទីនោះ! បើកក់ដំណើរទស្សនកិច្ច DMZ គួរតែកក់សេវាដែលរួមបញ្ចូលទាំងការឈប់ នៅឯ JSA - ផ្នែកអេកូនៃព្រំដែនដែលឆ្មាំកូរ៉េខាងជើង និងកូរ៉េខាងត្បូងឈរទល់មុខគ្នា មើលគ្នាទៅវិញទៅមកដោយស្ងាត់ស្ងៀម។ប្រភព ៖&nbsp;highheelsandabackpack, Noona DoubleTae&nbsp;

គម្រោងដំណើរកម្សាន្ត Solo Trip នៅកូរ៉េ សម្រាប់នារីៗ!