កម្សាន្ត ៖ សម្រាប់ឆ្នាំក្រោយ ជាមួយនឹងឆ្នាំ២០២៣ ជិតមកដល់ អ្នកគាំទ្រ K-Pop គួរតែទន្ទឹងរង់ចាំអ្វីដែលឆ្នាំក្រោយនឹងនាំមកជូនពួកគេ ខណៈពេលដែលមានការវិលត្រលប់មកវិញនិងការបង្ហាញខ្លួនដំបូងដ៏អស្ចារ្យរាប់មិនអស់ ប៉ុន្តែក៏មានក្រុម K-Pop ជាច្រើន ដែលប្រហែលជាត្រូវធ្វើការសម្រេចចិត្តថា តើត្រូវបន្តកិច្ចសន្យារបស់ពួកគេរឺអត់។
ជាក់ស្តែង ក្រុមដែលបានបង្ហាញខ្លួននៅឆ្នាំ២០១៦ ហើយការមានកិច្ចសន្យាប្រាំពីរឆ្នាំ ជាធម្មតាបានក្លាយជាប្រធានបទ នៃការពិភាក្សានៅលើការបង្ហោះReddit នាពេលថ្មីៗនេះខណៈដែលអ្នកគាំទ្រគិតថា តើក្រុមទាំងនេះអាចនឹងបន្ត រំសាយ រឺបន្តដោយការបាត់បង់សមាជិកម្នាក់រឺច្រើន។
ខាងក្រោមនេះ គឺជាក្រុម K-Pop ចំនួន ៧ ដែលអាចនឹងបន្ត រឺរំសាយនៅឆ្នាំ ២០២៣ ៖
១. BLACKPINK
BLACKPINK បានបង្ហាញខ្លួននៅថ្ងៃទី ៨ ខែសីហា ឆ្នាំ ២០១៦ ខណៈពេលដែលអ្នកគាំទ្រជាទូទៅ ហាក់ដូចជាពឹងផ្អែកលើការជឿជាក់ថាពួកគេនឹងបន្តកុងត្រាថ្មី ដោយសារតែភាពជោគជ័យ និងបំណងប្រាថ្នាចង់នៅជាមួយគ្នាប៉ុន្តែនៅតែមានអ្នកខ្លះមិនប្រាកដ អំពីអនាគតរបស់ពួកគេ។
២. ASTRO
ASTRO បានបង្ហាញខ្លួននៅថ្ងៃទី២៣ ខែកុម្ភៈ ឆ្នាំ ២០១៦ ការយល់ស្របជារួមក្នុងចំណោមអ្នកគាំទ្រហាក់បីដូចជាមានទំនោរទៅរកការជឿជាក់ថា សមាជិកទាំងអស់នឹងបន្តជាថ្មី ទោះបីជា ChaEunwoo មានការាងរចម្រុះបន្តិចក៏ដោយ ខណ: អ្នកខ្លះគិតថា ChaEunwoo នឹងបន្តអាជីពជាថ្មី។
៣. NCT
អង្គភាពរងដំបូងរបស់ NCT គឺ NCT U បានបង្ហាញខ្លួន នៅថ្ងៃទី ៩ខែមេសា ឆ្នាំ ២០១៦ ដោយ NCT 127 បង្ហាញខ្លួននៅថ្ងៃទី ៧ ខែកក្កដាឆ្នាំ ២០១៦ និង NCT DREAM បានបង្ហាញខ្លួននៅថ្ងៃទី ២៥ ខែសីហាឆ្នាំ ២០១៦ ទោះជាវាមិនទំនងទេ ដែលថាពួកគេនឹងរំសាយទាំងស្រុង តែទោះជាយ៉ាងណាក៏ដោយ អ្នកគាំទ្រគិតថាវាអាចទៅរួចដែលសមាជិកមួយចំនួនអាចសម្រេចចិត្តចាកចេញ នៅឆ្នាំ ២០២៣។
៤. PENTAGON
PENTAGON បានបង្ហាញខ្លួននៅថ្ងៃទី១០ ខែតុលា ឆ្នាំ ២០១៦ ពួកគេជាក្រុមមួយផ្សេងទៀតដែលអ្នកគាំទ្រ ហាក់ដូចជាពិបាកស្មានបន្តិចជាពិសេសជាមួយនឹងព័ត៌មានថា Hui អាចនឹងចូលរួមក្នុងកម្មវិធីប្រកួតប្រជែងBoys Planet នាពេលខាងមុខ។
៥. VICTON
VICTON បានបង្ហាញខ្លួននៅថ្ងៃទី៩ ខែវិច្ឆិកា ឆ្នាំ ២០១៦ មិនមានមតិជាច្រើនទេថា តើពួកគេនឹងបន្តនៅលើការបង្ហោះ Redditរឺអត់ ហើយជំនឿក្នុងចំណោមអ្នកដែលបានបញ្ចេញមតិ ហាក់ដូចជាមិនប្រាកដ តែអ្នកគាំទ្រក៏សង្ឃឹមថាសមាជិកទាំងអស់នឹងសម្រេចចិត្តបន្ត។
៦. Cosmic Girls(WJSN)
Cosmic Girls បានបង្ហាញខ្លួននៅថ្ងៃទី ២៥ ខែកុម្ភៈ ឆ្នាំ ដែលអ្នកគាំទ្រ ហាក់ដូចជាមានភាពវិជ្ជមាន ដែលថាក្រុមនេះនឹងបន្តប៉ុន្តែក៏មានការសន្មត់យ៉ាងមុតមាំថា ពួកគេអាចនឹងបាត់បង់សមាជិកមួយចំនួនផងដែរ។
៧. MOMOLAND
MOMOLAND បានបង្ហាញខ្លួននៅថ្ងៃទី១០ ខែវិច្ឆិកា ឆ្នាំ ២០១៦ ក្នុងចំណោមក្រុមទាំងអស់ដែលបានរាយបញ្ជីពួកគេហាក់ដូចជាមានមនុស្សភាគច្រើនរំពឹងថា ពួកគេនឹងរំសាយក្រុម បន្ទាប់ពីជោគជ័យនៃ BBoomBBoom ការដកសមាជិក និងកង្វះការត្រលប់មកវិញដែលទទួលបានជោគជ័យដូចគ្នាបានធ្វើឲ្យអ្នកគាំទ្រព្រួយបារម្ភ ចំពោះអនាគតរបស់ពួកគេ៕
ប្រភព : Koreaboo