មកដឹងមូលហេតុដែល RM ចូលចិត្តទៅទស្សនា សារមន្ទីរសិល្បៈ!
កូរ៉េខាងត្បូង៖ ជារឿយៗ RM មេក្រុមBTS ត្រូវបានគេប្រទះឃើញទៅទស្សនាសារមន្ទីរសិល្បៈហើយទីបំផុតលោកក៏បានពន្យល់ពីមូលហេតុដែលខ្លួនស្រលាញ់ និងចូលចិត្តទៅទស្សនាសារមន្ទីរសិល្បៈទាំងនោះមិនថានៅក្នុងប្រទេសកូរ៉េខាងត្បូង ឬក៏នៅក្រៅប្រទេសឡើយ។
ពេលធ្វើដំណើររួមជាមួយBTS ឬទៅវិស្សមកាលផ្ទាល់ខ្លួនទេយើងឃើញថាRM ចូលចិត្តទៅទស្សនាសារមន្ទីរសិល្បៈប៉ុណ្ណា ហើយចាប់តាំងពីបានបើកគណនីInstagram នៅដើមខែធ្នូ តារាប្រុសរូបនេះក៏បានចែករំលែករូបថតពីការធ្វើដំណើរទៅកាន់សារមន្ទីរជាច្រើនរួមមានChinati Foundation, the Museum of Fine Arts, the Menil Collection,និង National Gallery of Art ជាដើម។
ជាក់ស្ដែង នៅក្នុងបទសម្ភាសន៍ជាមួយVogue Korea មេក្រុមឆ្នើមរូបនេះបានពន្យល់ពីមូលហេតុដែលលោកចូលចិត្តទៅទស្សនាសារមន្ទីរខ្លាំងណាស់និងពីរបៀបដែលលោកចាប់ផ្តើមចូលចិត្តមើលសិល្បៈ។
ចម្លើយរបស់ RM បានបញ្ជាក់យ៉ាងច្បាស់ថាវិចិត្រករដែលមើលឃើញបានបំផុសគំនិតរបស់លោកហើយលោកក៏ចង់ឲ្យអាជីពសិល្បៈមួយនេះស្ថិតស្ថេរ ហើយការទៅទស្សនាសារមន្ទីរក៏បានបង្កើតទំនាក់ទំនងរបស់លោកជាមួយខ្លួនឯងបានន័យថាពេលលោកទៅមើលសាលសិល្បៈ ពេលវេលាហាក់ដូចជាឈប់ ហើយលោកអាចគិតមើលខ្លួនឯងបានកាន់តែច្រើន៕
ទស្សនាសារមន្ទីសិល្បៈនានាដែល RM បានទៅក្នុង Instagram របស់លោកខាងក្រោម៖
ប្រភព ៖ Koreaboo