ប្រម៉ាញ់បានរូបភាព Kim Woo Bin និង Shin Min Ah នៅប៉ារីស ឡើងស្វីត!

បារាំង៖ ថ្មីៗនេះ បើយោងតាម Sina បានរាយការណ៍ថា គូស្នេហ៍តារាសម្ដែងកូរ៉េ លោក Kim Woo Bin និងតារាស្រី Shin Min Ah ត្រូវបានគេឃើញ អង្គុយផឹកកាហ្វេ និងដើរជុំវិញទីក្រុងប៉ារីសយ៉ាងរីករាយបែបសមាញ្ញៗតែពីរនាក់។ ហើយបើតាមដឹងមកទៀតថា តារា​សម្ដែងប្រុសរូបនេះ​កំពុង​សម្រាក​លំហែ​កាយ​ជាមួយ​មិត្ត​ស្រីរបស់ខ្លួន ក្រោយ​សម្រាកព្យាបាលជំងឺអស់មួយរយៈធំ។ 

ជាមួយគ្នានេះដែរ រូប​ភាពប៉ុន្មានសន្លឹកដ៏សែនមានន័យ​របស់​តារា​ទាំង​ពីរនេះ ត្រូវបានអ្នកគាំទ្រប្រម៉ាញ់ថតបាន ដោយបានចែករំលែកនៅលើបណ្ដាញសង្គម ហើយ​ទទួល​បាន​ការ​ស្រលាញ់​ និងពេញចិត្តពី​មហាជនជាច្រើន។

គួររំឮកផងដែរថា Kim Woo Bin និង Shin Min Ah បានទាក់ទងគ្នាតាំងពីឆ្នាំ ២០១៥ មកម្ល៉េះ បន្ទាប់ពីបានរួមសម្តែងក្នុងរឿង CF ផ្សព្វផ្សាយរបស់ Giordano ទោះបីជាខាងស្រីមានអាយុបងរហូតទៅដល់ ៥ឆ្នាំក៏ដោយ៕

ប្រភព៖ Koreaboo