ផ្លាស់ប្ដូរខ្លាំង! នៅចាំក្មេងប្រុសសម្ដែងជាតួប្អូនប្រុស គីម ចាន់ឌី ក្នុងរឿង Boys Over Flowers ទេ?

កូរ៉េខាងត្បូង ៖ត្រលប់ទៅកាលពីឆ្នាំ ២០០៩ ហ្វេនៗដែលនិយមតាមដានមើលរឿងភាគកូរ៉េ ឬយើងហៅថា K-Drama ធានាថាប្រាកដជានៅចាំរឿង Boys Over Flowers ច្បាស់ដូចថ្ងៃហើយជាពិសេសមុខមាត់របស់តួសម្ដែងផ្ទាល់តែម្ដង។

ជាក់ស្ដែង ចំពោះក្មេងប្រុសដែលសម្ដែងជាតួប្អូនប្រុសរបស់ ​Geum Jan Di ក្នុងរឿង Boys OverFlowers ក៏ប្រិយមិត្តចង់ចាំមិនភ្លេចដែរ ជាមួយរូបរាងដ៏គួរឲ្យស្រលាញ់និងទេពកោសល្យសម្ដែងដ៏ប៉ិនប្រសព្វរបស់ក្មេងប្រុសម្នាក់នោះ។

គួរបញ្ជាក់ផងដែរថា ក្មេងប្រុសម្នាក់នោះមានឈ្មោះពិតថា Park Ji Bin កាលសម្ដែងរឿង Boys OverFlowers ពេលនោះលោកនៅជាសិស្សសាលាមធ្យម បច្ចុប្បន្នលោកមានអាយុ២៧ ឆ្នាំហើយ (គិតតាមអាយុនៅកូរ៉េ) ថែមទាំងបានបញ្ចប់កាតព្វកិច្ចជាយោធាទៀតផង។

ថ្មីៗនេះ Park Ji Bin មានវត្តមាននៅលើទស្សនាវដ្តី BNTMagazine ដោយបង្ហាញពីភាពចាស់ទុំរបស់លោកទាំងសង្ហា Cool ជាមួយស្ទាយ៍លេងទឹកមុខស្មើៗតែក្រខ្សែភ្នែកទាំងគូរបស់លោកបង្កប់ទៅដោយភាពទាក់ទាញយ៉ាងចម្លែក។

យ៉ាងណាមិញ ហ្វេនៗនាំគ្នាពោលសរសើរ Park Ji Bin មិនដាច់ពីមាត់ថា កាលពីក្មេង Cute គួរឲ្យស្រលាញ់ ដល់ធំពេញរូបពេញរាងកាន់តែសង្ហាឡើងៗ មើលសឹងតែមិនចង់ស្គាល់និងមានមន្តស្នេហ៍មិនធម្មតាទេ៕

ជ្រាបច្បាស់សូមទស្សនារូបភាពខាងក្រោម ៖

ប្រភព ៖ Koreaboo