បាត់មុខជាង ២ឆ្នាំមែន តែ BLACKPINK នៅតែខ្លាំង អាចបំបែកកំណត់ត្រាធំលើ Spotify!
កូរ៉េខាងត្បូង ៖ ទោះបីជាមានការប្រកាសថាBLACKPINK នឹងត្រឡបប់មកវិញ នៅរដូវក្តៅនេះក៏ដោយប៉ុន្តែមិនទាន់មានកាលបរិច្ឆេទផ្លូវការនៅឡើយទេ។ ហើយដោយគ្មានកាលបរិច្ឆេទជាផ្លូវការអ្នកគាំទ្ររបស់ក្រុម នឹងនៅតែមានមន្ទិលសង្ស័យ ចំពោះការចេញបទចម្រៀងថ្មីពីក្រុមចម្រៀងស្រី។
យ៉ាងណាមិញ វាមានរយៈពេលជិត ២ឆ្នាំហើយ ចាប់តាំងពីក្រុមចម្រៀងររបស់YG Entertainment បានត្រឡប់មកវិញចុងក្រោយរបស់ពួកគេ ជាមួយនឹងអាល់ប៊ុមក្នុងខែតុលាឆ្នាំ ២០២០ ដែលធ្វើឲ្យការផ្អាកនេះ មានរយៈពេលវែងបំផុត។
ទោះបីជាយ៉ាងណាក្ដី ក្ដីស្រលាញ់ចំពោះBLACKPINK នៅតែមានភាពរឹងមាំហើយអរគុណចំពោះការស្រលាញ់ និងការគាំទ្រពី BLINKsក្រុមចម្រៀងស្រីនៅតែបន្តបំបែកកំណត់ត្រា និងឈានដល់កម្ពស់ថ្មីក្នុងឧស្សាហកម្មតន្ត្រីទោះបីជាក្នុងអំឡុងពេលរង់ចាំដ៏យូរនេះក៏ដោយ។
ដោយមានអ្នកតាមដានលើសពី ៣០.១ លាននាក់នៅលើSpotify ក្រុម BLACKPINK គឺជាសិល្បករទី ៣៦៣ ដែលមានអ្នកតាមដានច្រើនជាងគេនៅលើវេទិកា និងអ្នកស្តាប់ប្រចាំខែចំនួន ១៣.៤ លាន។
ចម្រៀងរបស់ BLACKPINK មានអ្នកគាំទ្រលើសពី៧ ពាន់លានដង នៅលើវេទិកា Spotify។ ជាមួយនេះ ពួកគេបានក្លាយជាក្រុមចម្រៀងនារីKpop តែមួយគត់ដែលមានការផ្សាយលើសពី៧ ពាន់លានដង នៅលើកម្មវិធី ហើយក៏ជាក្រុមនារីលឿនបំផុតនៅទូទាំងពិភពលោកដែលឈានដល់ចំនួនដ៏ច្រើនបែបនេះផងដែរ។
#BLACKPINK is the Fastest Female Group to surpass 7 Billion Streams on Spotify!💪🥇💨💃💃💃💃💥7️⃣🅱️🎧👑👑👑👑🖤💗@BLACKPINK https://t.co/HO6XPol72l pic.twitter.com/glQ5YzMxCb
— World Music Awards (@WORLDMUSICAWARD) May 30, 2022
ពួកគេក៏ជាក្រុមចម្រៀងស្រីដែលមានបទចម្រៀងច្រើនជាងគេដែលមានការផ្សាយលើសពី២០០ លាននៅលើ Spotify។ សូមអបអរសាទរដល់BLACKPINK និងអ្នកគាំទ្ររបស់ពួកគេហើយយើងសង្ឃឹមថានេះគ្រាន់តែជាការចាប់ផ្តើមនៃដំណឹងល្អសម្រាប់ក្រុមនៅរដូវក្តៅនេះ៕
ប្រភព ៖ Koreaboo