DON’T FIGHT THE FEELING របស់ EXO បំបែកកំណត់ត្រាកំពូលលក់អស់ខ្ទង់លានបន្ទះ!

កូរ៉េខាងត្បូង ៖ដោយយោងតាមសេចក្ដីរាយការណ៍របស់ក្រុមហ៊ុន SM Entertainment បានប្រកាសឲ្យដឹងថាក្រុមចម្រៀងប្រុសEXO រកបានកំណត់ត្រាសំខាន់ជាមួយនឹងអាល់ប៊ុម DON’TFIGHT THE FEELING លក់បាន ១,០៨៩,៦៨១ បន្ទះ គិតត្រឹមថ្ងៃទី១៣ ខែ មិថុនា ឆ្នាំ ២០២១។

គួរបញ្ជាក់ផងដែរថា តាមរយៈកំណត់ត្រានេះ បានធ្វើឲ្យ EXO ក្លាយជាក្រុមប្រុសចម្រៀងប្រចាំផលិតកម្ម SM ដែលរកបានសមិទ្ធផលជោគជ័យជាលើកទី៦​ ជាមួយនឹងកំណត់ត្រាកំពូលសំខាន់លក់អាល់ប៊ុមលើសពី ១លានបន្ទះក្នុងរយៈពេលតែ ១សប្ដាហ៍ដំបូង។

លើសពីនេះទៅទៀត Special Album DON’T FIGHT THE FEELING ក៏បានបង្ហាញខ្លួនលើកំពូលតារាងHanteo Chart និងតារាង Synnara Record Chart នៅថ្ងៃទី១៤ ខែ មិថុនានេះផងដែរ៕

សូមអបអរ EXO ចំពោះកំណត់ត្រាទាំងនេះ!

ប្រភព ៖ Koreaboo