តារានិករនីមួយៗ ចាត់ទុកអ្នកត្រឹមជាមិត្តប៉ុណ្ណោះ បើពួកគេធ្វើរឿងទាំងនេះ

យល់ដឹង៖ គូស្វាមីភរិយាជោគជ័យជាច្រើន ទទួលស្គាល់ថាទំនាក់ទំនងរបស់ពួកគេ ចាប់ផ្តើមដោយមិត្តភាពតែប៉ុណ្ណោះ ដែលក្រោយមកក្លាយជាចំណងគូជីវិត។ ទោះយ៉ាងណាក៏ដោយ បើមនុស្សដែលអ្នកចូលចិត្ត និងមានចិត្តលើម្នាក់នោះ មើលមិនឃើញអ្នកលើសពីមិត្តទេ តើអ្នកនឹងមានអារម្មណ៍បែបណា?

តោះមកដឹងពីសញ្ញា ដែលតារានិករនីមួយៗ ចាត់ទុកអ្នកត្រឹមជាមិត្ត ៖

១. Aries ♈️ ពួកគេលេងជាអ្នកផ្គូរផ្គង។ ពួកគេ​ព្យាយាម​ផ្គូរផ្គង​អ្នក ​ជាមួយ​មិត្តភក្តិ​ផ្សេងទៀត​របស់​ពួកគេ ព្រោះ​អ្នក​នឹង​បង្កើត បានជា​គូស្នេហ៍​ដ៏​គួរ​ឱ្យ​ស្រលាញ់​។

២. Taurus ♉️ ពួកគេ​ហៅ​អ្នក​ថា​ជា​មិត្ត​ភក្តិ ហើយ​​បង្ហាញ​ពី​របៀប​ដែល​ពួកគេ ​ចាត់ទុក​អ្នក​ដូចជា​ប្អូនស្រី ឬ​បងប្រុស។

៣. Gemini ♊️ ពួកគេប្រាប់អ្នក អំពីទំនាក់ទំនងពួកគេជាមួយអ្នកដទៃ ពីព្រោះពួកគេមិននឹកស្មានថា អ្នកនឹងច្រណែនឡើយ។

៤. Cancer ♋️ ពួកគេចៀសវាងដើរលេងជាមួយអ្នកតែពីរនាក់ ហើយដើរជាមួយអ្នក ជាក្រុមប៉ុណ្ណោះ។

៥. Leo ♌️ ពួកគេ​មិន​ខឹង​ទេ​ពេល​អ្នក​និយាយ​ពី Crush ឬ​ចែចង់​ជាមួយ​នរណា​ម្នាក់​ នៅ​ចំពោះ​មុខ​គេ។

៦. Virgo ♍️ ពួកគេកម្រប៉ះអ្នកណាស់ ហើយពួកគេនឹងមិនអង្គុយជិតពេកទេ។ ពួកគេរក្សាកន្លែងផ្ទាល់ខ្លួន របស់ពួកគេច្បាស់លាស់។

៧. Libra ♎️ ពួកគេមិនដែលផ្ញើសារមុនឡើយ ព្រោះអ្នកមិនមែនជាមនុស្ស ដែលស្ថិតក្នុងចិត្តរបស់ពួកគេពេញមួយថ្ងៃឡើយ។

៨. Scorpio ♏️ ការសរសើរដែលពួកគេផ្តល់ឱ្យអ្នក ស្តាប់ទៅដូចគ្នាទៅនឹង ការសរសើរដែលពួកគេផ្តល់ឱ្យអ្នកផ្សេងដែរ។

៩. Sagittarius ♐️ ពួកគេចែករំលែករឿងដ៏អាក្រក់បំផុតរបស់ពួកគេជាមួយអ្នក ដោយសារពួកគេមិនខ្វល់ ពីការចាប់អារម្មណ៍របស់អ្នកឡើយ។

១០. Capricorn ♑️ ពួកគេជឿជាក់លើអ្នក នូវការប្រាប់អំពី Crush របស់ពួកគេ។ ពួកគេតែងប្រាប់អំពីមនុស្ស ដែលពួកគេចូលចិត្ត។

១១. Aquarius ♒️ ពួកគេសួរអ្នកសម្រាប់ការណែនាំ អំពីទំនាក់ទំនង និងត្អូញត្អែរទៅកាន់អ្នក អំពីដៃគូបច្ចុប្បន្នរបស់ពួកគេ។

១២. Pisces ♓️ ពួកគេមិនដែលខិតខំប្រឹងប្រែង លើរូបរាងរបស់ពួកគេទេ នៅពេលដែលពួកគេឃើញអ្នកតែម្នាក់ឯង។

ប្រភព: thoughtcatalog