Jungkook ទម្លាយពីប្រភេទមនុស្សដែលខ្លួនចាប់អារម្មណ៍!

January 12, 2022

កូរ៉េខាងត្បូង៖ ទស្សនាវដ្តីម៉ូដ GQ Korea បានចែករំលែកវីដេអូបទសម្ភាសន៍ផ្តាច់មុខចុងក្រោយរបស់ពួកគេ ជាមួយតារាល្បីៗលំដាប់ពិភពលោកBTS សម្រាប់ការចេញផ្សាយខែមករាឆ្នាំ ២០២២ ដោយ នៅក្នុងវីដេអូនេះក្រុមការងារបានសួរ សមាជិកម្នាក់ៗពីប្រធានបទផ្សេងគ្នាអំពីការយល់ដឹងភាពជោគជ័យ និងទស្សនៈរបស់ពួកគេលើជីវិត។

ខណៈពេលកំពុងផ្ដល់បទសម្ភាសន៍ GQ Korea បានសួរ Jungkook ដែលសមាជិកវ័យក្មេងជាងគេក្នុងក្រុម BTS ជាមួយសំណួរដ៏គួរឲ្យចាប់អារម្មណ៍ ទាក់ទងនឹងប្រភេទមនុស្សដែលទាក់ទាញសម្រាប់លោក។

ភ្លាមៗនោះតារាប្រុសរូបនេះបានចែករំលែកថា មនុស្សដែលលោកចាប់អារម្មណ៍ ជាប្រភេទមនុស្សដែលពូកែធ្វើអ្វីដែលអាចខ្លួនធ្វើហើយខំអស់ពីសមត្ថភាព។

សម្រាប់ខ្ញុំផ្ទាល់ ខ្ញុំគិតថា មនុស្សដែលពូកែក្នុងការងាររបស់ពួកគេ គឺមានភាពទាក់ទាញ និងគួរឲ្យចាប់អារម្មណ៍ខ្លាំង។ ខ្ញុំគិតថា ខ្ញុំចូលចិត្តមនុស្សដែលឧស្សាហ៍ព្យាយាមបំផុត គ្រប់ពេលវេលា។ ខ្ញុំគិតថា វាដូចគ្នាសម្រាប់ខ្ញុំ។ ដោយសារខ្ញុំចាប់អារម្មណ៍នឹងមនុស្សប្រភេទនោះ ខ្ញុំមានអារម្មណ៍ថា ខ្ញុំតែងតែព្យាយាមធ្វើការងាររបស់ខ្ញុំឲ្យបានល្អមុនគេផងដែរ។
— Jungkook

ចំពោះរឿងមនុស្សស្រីដែលលោកចាប់អារម្មណ៍ARMY ដែលអ្នកគាំទ្ររបស់BTS ដឹងច្បាស់ពីចម្លើយរបស់លោកព្រោះកាលពីមុន Jungkook បានទម្លាយជាសាធារណៈថាចាត់ទុក IU ដែលជាម្ចាស់បទ "StrawberryMoon" ជាប្រភេទមនុស្សស្រីដែលលោកចាប់អារម្មណ៍៕

ទស្សនាវីដេអូខាងក្រោម ៖

BTS

ប្រភព ៖ Kpopstarz

អានបន្ថែម