មុខមាត់ណាស់! បទចម្រៀង Kpop ទាំងនេះសុទ្ធតែត្រូវបានគេចាក់ក្នុងព្រឹត្តិការណ៍ Tokyo 2020 Olympics

កូរ៉េខាងត្បូង ៖ ​សម្រាប់សប្ដាហ៍ដំបូង​នៃ​ព្រឹត្តិការណ៍​ប្រកួតកីឡាTokyo2020 Olympics បាន​ចាប់​ផ្ដើម​ការប្រកួត​ជាផ្លូវការហើយក្នុងនោះអ្នកគាំទ្រដែលស្នេហាវិស័យតន្រ្តី Kpop បានចាប់​អារម្មណ៍ជាពិសេសនិងរំភើបមិនតិចទេ ពេលលឺគេចាក់បទចម្រៀងកូរ៉េល្បីៗ ទាំងប៉ុន្មានបទនេះ ក្នុងកម្មវិធីលំដាប់ពិភពលោកបែបនេះ។

វាជាមុខមាត់របស់ប្រទេសកូរ៉េខាងត្បូងផងដែរ ដែលវិស័យតន្រ្តីKpopបានបង្ហាញមុខផ្សាយភាយគ្រប់ទីកន្លែងហើយក៏បញ្ជាក់ឲ្យដឹងថា បច្ចុប្បន្នឧស្សាហកម្មនេះពិតជាល្បីល្បាញដល់កម្រិតណា។

ជាក់ស្ដែង បទចម្រៀង​ Kpop ដែល​ត្រូវ​បានគេ​​ចាក់ក្នុង​ពេលប្រកួតសម្រាប់​សប្ដាហ៍ដំបូង​នៃ​ព្រឹត្តិការណ៍អូឡាំពិក ឆ្នាំនេះរួមមាន ៖

១. បទ Kick It របស់ NCT 127 ចាក់ពេល​វគ្គប្រកួតកីឡា បាល់ទាត់

២. បទ ASAP របស់ STAYC ចាក់មុនពេលប្រកួតវិញ្ញាសា បាល់ទះ

៣. បទ Magic របស់ TXT ចាក់ពេលប្រកួតវិញ្ញាសា ប្រដាល់

៤. បទ Don’t Give A What របស់ ITZY ចាក់ពេល អ្នកអត្ថាធិប្បាយជជែកគ្នាពីក្រុម USA Women’s Gymnastics ខណៈពេលបង្ហាញសមសភាពបេក្ខនារី​ Simone Biles និង JadeCarey

៥. បទ Dun Dun Dance របស់ OH MY GIRL ចាក់ពេលគេ Reacp ការប្រកួតវិញ្ញាសា បាល់ទះ

៦. បទ Lovesick Girls របស់ BLACKPINK ចាក់ពេលប្រកួតវិញ្ញាសា បាល់ទះរវាងក្រុមប្រទេសចិន និងទួរគី

៧. បទ BOOMBAYAH របស់ BLACKPINK ចាក់ពេលអបអរក្រុមនារីកូរ៉េដែលឈ្នះពីការប្រកួតវិញ្ញាសា បាញ់ព្រួញ

៨. បទ Very Nice របស់ SEVENTEEN ចាក់ពេលប្រកួតវិញ្ញាសា បាល់ទះ រវាងប្រទេសប្រេហ្ស៊ីលនិងប្រទេសទុយនីស៊ី

៩. បទ Bang Bang Bang របស់ BIGBANG ចាក់ពេលប្រកួតប្រកួតជម្រុះ រវាងក្រុមបាល់ទះរបស់ចិន និងទួរគី

១០. បទ Really Really របស់ WINNER ចាក់ពេលប្រកួតវិញ្ញាសាបាញ់ព្រួញ របស់ក្រុមនារីកូរ៉េជាមួយនឹង អ៊ីតាលី

១១. បទ Dynamite របស់ BTS ចាក់ពេលអបអរ ក្រុមបាញ់ព្រួញរបស់កូរ៉េខាងត្បូងឈ្នះការប្រកួតពីក្រុមបង់ក្លាដែស និងពេល​ក្រុមស្វាគមន៍គ្នាពេល​ចប់​ការប្រកួត

១២. បទ Butter របស់ BTS ចាក់ពេលប្រកួតវិញ្ញាសាប្រដាល់ រវាងក្រុមជប៉ុនTsukimi Namiki និងក្រុម Catherine Nanziri របស់ Uganda

១៣. បទ Permission To Dance របស់ BTSចាក់ក្នុងអំឡុងពេល​គេចាក់ផ្សាយវិញ្ញាសាកីឡាកាយសម្ព័ន្ធបុរស

គួរបញ្ជាក់ផងដែរថា​ ព្រឹត្តិការណ៍ប្រកួតកីឡា Tokyo 2020 Olympics នេះនឹង​បន្ត​ដល់ថ្ងៃទី៨ ខែ សីហា សូមរង់ចាំតាមដាន​ ថា​​នឹង​មាន​បទ Kpop ណា​ខ្លះទៀតនឹងមានចាក់បន្លឺក្នុង​កម្មវិធីលំដាប់ពិភពលោកនេះ៕

ប្រភព៖ Koreaboo