ក្តៅៗ! BigHit Naver និង YG ត្រូវបានគេរាយការណ៍ថា កំពុងសហការគ្នាសាងសង់កន្លែងប្រគុំតន្ត្រី!

កូរ៉េខាងត្បូង ៖ ប្រិយមិត្តដែលនិយមតាមដាន ព័ត៌មានបរទេសប្រទេសក៏ដូចជាវិស័យ Kpop ផ្ទាល់ ពិតជាបានដឹងហើយ អំពីព័ត៌មានដ៏កក្រើក កាលពីម្សិលមិញនេះទាក់ទងនិងការរួមសហការគ្នា របស់ផលិតកម្មធំៗគឺ BigHit និង Naver ព្រមទាំង YG plus។

អ្វីដែលកាន់តែពីសេសនោះគឺ ថ្ងៃទី២៩ ខែ មករា ឆ្នាំ ២០២១ នេះ​ ត្រូវបានគេរាយការណ៍ថា BigHitEntertainment  Naver Corp និង YGEntertainment បានរួមសហការគ្នា សាងសង់កន្លែងប្រគុំតន្ត្រី បន្ទាប់ពីមានព័ត៌មានថាBigHit Entertainment បានវិនិយោគទៅលើ YGPLUS ខណៈ Naver បានវិនិយោគលើក្រុមហ៊ុនបុត្រសម្ព័ន្ធមួយរបស់BigHit Entertainment វាហាក់ដូចជាអ្នកទាំងបី ត្រៀមនឹងពង្រឹងទំនាក់ទំនងរបស់ពួកគេយ៉ាងដូច្នោះដែរ។

ទន្ទឹមនឹងនេះ ក៏មានសេចក្តីរាយការណ៍ថា ពួកគេទាំងបីកំពុងធ្វើការនៅកន្លែងប្រគុំតន្រ្តីមួយ ដែលមានទីតាំងស្ថិតនៅក្នុងទីក្រុង Uijeong-bu Rhythm City ដែលមានទំហំ ២២,០០០ ម៉ែតការ៉េ។

អ្វីដែលពិសេសនោះគឺ កន្លែងនេះនឹងផ្តោតលើបច្ចេកវិទ្យាSFX  និង VFX ដើម្បីបង្កើតការសម្តែង និងមាតិកាប្រគុំតន្រ្តី ដែលវានឹងត្រូវបានតភ្ជាប់ ទៅគេហទំព័រYouTube និងវេទិកាផ្សេងៗទៀត សម្រាប់ការផ្សាយផ្ទាល់ ដើម្បីងាយស្រួលសម្រាប់អ្នកគាំទ្រKpop ដោយសារតែជំងឺរាតត្បាត។

ស្របគ្នានេះតាមសេចក្តីរាយការណ៍បាននិយាយថា គម្រោងនេះគ្រោងនឹងបញ្ចប់ការសាងសង់ នៅឆមាសទីមួយនៃឆ្នាំ២០២២ នេះ៕