តើ​ Disney Princess មួយណា សមនឹងតារានិកររបស់អ្នក?

យល់ដឹង៖ ថ្ងៃនេះយើងនឹងបង្ហាញអំពី ព្រះនាង Disney ទាំង ១២ ដែលមានចរិតលក្ខណៈ ដូចទៅនឹងអ្នក ដោយផ្អែកលើតារានិកររបស់អ្នក។

ចង់ដឹងថាព្រះនាងរូបណា ដែលសក្ដិសមនឹងអ្នក តោះមកមើលខាងក្រោមនេះ ៖ 

១. Aries (Mar 21 – Apr 19) – Tiana

ដោយមានទំនុកចិត្តស្វាហាប់ សុទិដ្ឋិនិយម និងប្តេជ្ញាចិត្តខ្ពស់។ Tiana មានគុណសម្បត្តិទាំងអស់នេះ ដោយមានការប្តេជ្ញាចិត្តខ្ពស់ ក្នុងការជម្រុញការតស៊ូ ដើម្បីសម្រេចនូវក្តីសុបិន្តរបស់នាង។ 

ដូច្នេះនាងពិតជាសក្ដិសមនឹង Aries ណាស់។

២. Taurus (Apr 20 – May 20)  –  Rapunzel

ស្ត្រី Taurus ត្រូវបានគេដឹងថា មានការអត់ធ្មត់ និងអាចទុកចិត្តបាន។ តើអ្នកណាអាចនៅជាប់នឹងប៉ម អស់រយៈពេលជិត ១៦ឆ្នាំ ហើយនៅតែគ្រប់គ្រងខ្លួនឯង ដើម្បីឈានទៅរកពន្លឺ នៃជីវិត ទោះបីជាត្រូវគេបង្ខាំងទុក?

Rapunzel ពិតជាមានការអត់ធ្មត់យ៉ាងអស្ចារ្យ ដើម្បីចាប់យកសេរីភាពនៅក្នុងជីវិត។ ដូច្នេះនាងពិតជាសក្ដិសមនឹង Taurus ណាស់់។

៣. Gemini (May 21 – Jun 20)  – Belle

សេចក្តីសប្បុរស និងចិត្តល្អរបស់ Gemini អាចបន្ទន់ចិត្តសត្វសាហាវ ឲ្យប្រែជាត្រជាក់។ នាងចូលចិត្តរៀន ហើយក៏ចូលចិត្តសៀវភៅដែរ។ គ្មាននរណាផ្សេង ដែលសក្ដិសមទេ ប៉ុន្តែ Belle ពិតជាបានពិពណ៌នា អំពីចំណុចល្អបំផុតនៃលក្ខណៈរបស់ Gemini។

៤. Cancer (Jun 21 – Jul 22)  –  Ariel

មានហេតុផលខ្លះដែលបង្ហាញថា Cancer និង Ariel មានទំនាក់ទំនងគ្នា។ Cancer គឺជាតារានិករធាតុទឹក ដែលយើងគ្រប់គ្នាដឹងហើយថា ទឹកជាផ្ទះដើមរបស់មច្ឆា មុនពេលដែលនាងរៀបការជាមួយព្រះអង្គម្ចាស់ ដ៏មានមន្តស្នេហ៍។ ស្ត្រី Cancer ត្រូវបានគេចាត់ទុកថា មានលក្ខណៈចេះលេងសើចច្រើន និងមានការស្រមើស្រមៃ ពោរពេញទៅដោយភាពស្រស់បំព្រង។

៥. Leo (Jul 23 – Aug 22)  –  Jasmine

Jasmine បង្កប់នូវគុណសម្បត្ដិជាច្រើនជាមួយ Leo។ នាងមានទំនុកចិត្តសប្បុរស ងប់ងល់នូវអ្វីដែលនាងស្រលាញ់ និងសុខចិត្តធ្វើអ្វីដែលបេះដូងប្រាថ្នា។ ទោះបីវាមានន័យថាត្រូវហោះហើរជុំវិញពិភពលោក លើកម្រាលព្រំវេទមន្តក៏ដោយ ក៏នាងនៅតែខំប្រឹង។

៦. Virgo (Aug 23 – Sep 22)  –  Snow White

Virgo គឺជាមនុស្សដែលស្រលាញ់សត្វ។ ពួកគេមានចរិតស្លូតបូត និងសុភាពរាបសា។ ព្រិលស ក៏មានភាពអត់ធ្មត់ដែលមិនចេះរីងស្ងួត និងបេះដូងដែលយកចិត្តទុកដាក់។

ជាការប្រសើរណាស់ សូមស្រមៃមើលអំពី ការមើលថែរក្សាមនុស្សតឿដ៏រស់រវើកចំនួន ១២ នាក់ជារៀងរាល់ថ្ងៃ។ ប្រសិនបើនាងមិនមានការយកចិត្តទុកដាក់ និងការអត់ធ្មត់ ពិតជាមិនអាចធ្វើបានឡើយ។

៧. Libra (Sep 23 – Oct 22)  –  Cinderella

Libra គឺជាគំរូនៃសេចក្ដីសន្តិភាព និងសេចក្តីថ្លៃថ្នូរ។ ដូចគ្នានឹង Cinderella ដែរ នាងត្រូវបានគេស្គាល់ ដោយសារភាពប៉ិនប្រសប់ និងតុល្យភាពរបស់នាង។ ពិតមែនហើយមានតែ Cinderella ទេដែលអាចធ្វើកិច្ចការផ្ទះ ដោយអារម្មណ៍ស្រស់ស្រាយបាន ហើយ Libra ក៏ត្រូវការនូវភាពស្អាតទាំងនោះដែរ។

៨. Scorpio (Oct 23 – Nov 21)  –  Merida

Scorpios ត្រូវបានគេស្គាល់ថា មានភាពដែលលេចធ្លោជាងគេ នោះគឺភាពក្លាហាន។ ជាមួយនឹងអ្វីដែលត្រូវបានគេនិយាយថា គ្មាននរណាម្នាក់នឹងជំទាស់នឹង Merida ក៏ដូចជា Scorpio បានច្រើននោះឡើយ។ ជួនកាល Scorpio ដែលមានភាពក្លាហាន អាចក្លាយជា មានទំនោរទៅរកភាពរឹងរូសបាន។

៩. Sagittarius (Nov 22 – Dec 21)  –  Pocahontas

Sagittarius ចូលចិត្តធ្វើការដំណើរផ្សងព្រង និងស្វែងរករបស់ថ្មីៗ។ ដូចគ្នានឹង Pocahontas ដែរពួកគេគឺជាអ្នកផ្សងព្រេង ហើយនឹងតស៊ូពុះពារគ្រប់យ៉ាងដើម្បីសេរីភាព ដោយមិនគិតពីភាពលំបាក។ មិនថាទោះបីជាមានរឿងអ្វីក៏ដោយ នាងនឹងផ្សងព្រេង​ឆ្ពោះដំណើរទៅមុខនិច្ច។

១០. Capricorn (Dec 22 – Jan 19)  –  Elsa

មានគុណសម្បត្តិពីរ ដែលពិពណ៌នាយ៉ាងល្អបំផុតអំពី Capricorn។ នោះគឺ ការគ្រប់គ្រង និងអារម្មណ៍នៃកាតព្វកិច្ចធ្វើការ។

តើអ្នកបានឃើញពីរបៀបដែល Elsa បានសាងសង់ប្រាសាទទឹកកករបស់នាងដែរទេ នៅពេលនាងសម្រេចចិត្ត Let it go នោះគឺការគ្រប់គ្រងអំណាចមួយ។ ក្រោយមកនាងបានដឹងថា វាជាកាតព្វកិច្ចរបស់នាង ក្នុងនាមជាបងស្រី និងជាមហាក្សត្រី ហើយក៏បានបានវិលត្រលប់ ទៅនគររបស់នាងវិញហើយធ្វើឲ្យអ្វីៗ ត្រលប់មកសភាពដើមវិញ។

១១. Aquarius (Jan 20 – Feb 18)  –  Mulan

ស្ត្រី Aquarius គឺជាមនុស្សដែលមានឆន្ទៈខ្ពស់ និងត្រៀមខ្លួនប្រយុទ្ធដើម្បីអ្វីដែលពួកគេជឿជាក់។ ក្នុងចំណោមព្រះនាង Disney ទាំងអស់ Mulan គឺមានឆន្ទៈខ្ពស់ និងប្តេជ្ញាចិត្តខ្ពស់ ក្នុងការការពារគ្រួសារ និងប្រទេសជាតិរបស់នាង។នេះជាមូលហេតុ​​ ដែលនាង និង Aquarius មានបុគ្គលិកលលក្គណៈស្រដៀងគ្នា។

១២. Pisces (Feប 19 – March 20)  –  Aurora

Pisces ត្រូវបានគេដឹងថា សុភាពរាបសា និងចូលចិត្តតន្ត្រី។ ពួកគេមានទំនោរជឿទុកចិត្តលើអ្នកដទៃដោយងាយ ហើយក៏ងាយនឹងខ្វាយខ្វល់ក្នុងអារម្មណ៍ផងដែរ។ Aurora មានចរិតលក្ខណៈទាំងអស់នេះ រួមទាំងការចង់ដឹង ចង់ឃើញផងដែរ នៅពេលដែលនាងព្យាយាមធ្វើអ្វីគ្រប់យ៉ាង ក៏ព្រោះតែសេចក្ដីស្រលាញ់។

ប្រភព: AwesomeInventions