លេងម៉ូតអីតែស្រី! មើល G-Dragon វិញ ទៅកម្មវិធី Chanel លេង fashion ញាក់

បារាំង៖ នៅល្ងាចថ្ងៃទី ២៤ ខែមករា តារាចម្រៀង G-Dragon បានកាន់កាប់ចំណាប់អារម្មណ៍លើអ៊ីនធើណេត នៅពេលដែលលោកបានបង្ហាញខ្លួននៅក្នុងកម្មវិធី Chanel's Haute Couture។ 

ជាមួយគ្នានេះ G-Dragon បានបង្ហាញខ្លួននៅក្នុងកម្មវិធីរបស់ Chanel ជាមួយនឹងឈុតពណ៌ខ្មៅជាពណ៌ចម្បង។ បុរស​ម្នាក់​នេះ ​លាយ​ខោ​ជើង​វែង​ជាមួយ​នឹង​អាវ​ធំ​ មាន​លំនាំ​ពណ៌​ស ដែល​ខាង​ក្នុង​មាន​អាវខ្មៅ.កបើក មើលទៅម៉ូតប្លែកមែនទែន។

ក្នុងនោះ នៅពេលបានឃើញវត្តមានរបស់តារាប្រុសរូបនេះហើយ មហាជនបានសរសើរព្រោងព្រាត ព្រោះរបៀប​នៃ​ការ​ស្លៀកពាក់ ការ​បញ្ចេញ​ទឹកមុខរបស់ G-Dragon បញ្ចេញ​នូវ​គុណភាព​ពិសេស​មិន​អាច​មើល​រំលង​បាន។ ស្ទីលម៉ូតសម្លៀកបំពាក់ unisex ត្រូវបានបំពាក់ដោយបុរសរូបនេះ ពិតជាសម ថ្លៃថ្នូរ និងមានអំណាចតែម្ដង។

ក្រៅពីនេះ G-Dragon បានពាក់អាវធំពីម៉ាក Chanel's SS2023 collection លាយជាមួយនឹងស្បែកជើង "Kwondo 1 Panda" ដែលជាផលិតផលសហការរវាងម៉ាកយីហោផ្ទាល់ខ្លួនរបស់លោកគឺ Peaceminusone និង Nike។ ជាពិសេស G-Dragon ក៏បានប្រើប្រាស់នូវគ្រឿងតុបតែងសត្វតោលំដាប់ខ្ពស់នៅក្នុងការប្រមូល Chanel Haute Joaillerie 2018 ផងដែរ។

ប្រភព៖ kenh14