ឃើញអ្វីមុនគេក្នុងរូបនេះ? បង្ហាញពីអ្វីដែលអ្នកព្រួយបារម្ភ
កម្សាន្ត៖ អាចនិយាយបានថា ការភ័យខ្លាចខ្លះ យើងប្រហែលជាមិនអាចដឹងវាបានដោយខ្លួនឯងទេ ព្រោះវាប្រហែលជានៅក្នុងការគិត ឬស្មារតីរបស់យើង។
យ៉ាងណាមិញ ប្រសិនបើអ្នកចង់ដឹងថា មានអ្វីពិតប្រាកដក្នុងចិត្តដែលអ្នកកំពុងខ្លាច ឬបារម្ភនោះ សូមមកមើលរូបភាពទាញទម្លាប់នេះដូចលើកមុនៗនេះ។ ដោយគ្រាន់តែមើល រូបភាពខាងក្រោមនេះ ហើយចំណាំខ្លួនថា រឿងដំបូងគេដែលអ្នកបានមើលឃើញអ្វី? នោះវានឹងចង្អុលបង្ហាញពីអ្វីដែលអ្នកខ្លាច ឬព្រួយបារម្ភ។
១.ប្រសិនបើអ្នកមើលឃើញក្មេងស្រីអង្គុយមុនគេ
និយាយឲ្យត្រង់ទៅ នេះមានន័យថា អ្នកមានការភ័យខ្លាចចំពោះអ្វីដែលបានកើតឡើងកាលពីកុមារភាព។ ព្រោះរឿងខ្លះដែលបានកើតឡើងកាលអ្នកនៅក្មេង ប្រហែលជានៅតែលងបន្លាចអ្នក ដូចជារឿងអាម៉ាស់ដែលអ្នកបានធ្វើកាលពីក្មេងជាដើម។ ប្រហែលជាអ្នកមិនហ៊ានចូលទៅក្នុងសង្គមឥឡូវនេះទេ។ ប្រហែលជាមានការភ័យខ្លាចពីកុមារភាព ឬរឿងដ៏តក់ស្លុតកាលពីក្មេង។ ដែលនៅតែមាននៅក្នុងចិត្តរបស់អ្នក។
២.ប្រសិនបើអ្នកមើលឃើញមេអំបៅមុនគេ
មេអំបៅគឺជានិមិត្តសញ្ញានៃ «ឱកាសថ្មី»។ នេះអាចមានន័យថាអ្នកកំពុងស្វែងរកឱកាស ឬការងារថ្មី។ វាក៏អាចមានន័យថាអ្នកជាមនុស្សដែលមិនចូលចិត្តខកខានរបស់របរដូចជាពិធីជប់លៀង ឬមិត្តភក្តិនោះទេ ព្រោះខ្លាច ហើយមិនចង់ឲ្យបាត់បង់មិត្តភាព។
៣.ប្រសិនបើអ្នកមើលឃើញផ្លែស្រ្តបឺរីមុនគេ
ផ្លែឈើនេះត្រូវបានគេចាត់ទុកថាជានិមិត្តរូបនៃសេចក្តីស្រលាញ់។ ព្រោះមានរឿងព្រេងនិទានថា បើកាប់ផ្លែស្ត្របឺរីទៅហូបជាមួយនរណាម្នាក់ អ្នកនឹងធ្លាក់ក្នុងអន្លង់ស្នេហ៍ជាមួយមនុស្សនោះ។ ហើយវាក៏ជានិមិត្តរូបនៃ ស្ដេចនៃសេចក្តីស្រលាញ់ផងដែរ។ ការឃើញផ្លែស្ត្របឺរីដំបូងគេ អាចមានន័យថាអ្នកខ្លាចបាត់បង់គូស្នេហ៍របស់អ្នក ឬខ្លាចថាគ្មាននរណាម្នាក់ស្រលាញ់អ្នកជាដើម។
៤.ប្រសិនបើអ្នកមើលឃើញសត្វពីងពាងមុនគេ
ដោយសារតែសត្វពីងពាងគឺជាសត្វតូចៗ នោះមានន័យថាអ្នកជាមនុស្សដែលផ្តោតលើការយកចិត្តទុកដាក់យ៉ាងខ្លាំង ។ ហើយវាមានន័យថាអ្នកខ្លាចថាអ្នក មិនល្អគ្រប់គ្រាន់។ អ្នកយកចិត្តទុកដាក់លើសុវត្ថិភាពផ្ទាល់ខ្លួនរបស់អ្នក ហើយធ្វើឲ្យអ្នកក្លាយជាមនុស្សដែលមានការប្រុងប្រយ័ត្នក្នុងជីវិតរបស់អ្នក។ ប៉ុន្តែការប្រុងប្រយ័ត្ននេះអាចមកពីការភ័យខ្លាចរបស់អ្នកក្នុងការរស់នៅច្រើនពេក។
៥.ប្រសិនបើអ្នកមើលឃើញដើមឈើមុនគេ
ដើមឈើគឺជាសញ្ញានៃអាយុនិងភាពវៃឆ្លាត។ ប្រសិនបើអ្នកឃើញដើមឈើដំបូង នោះមានន័យថាអ្នកមានការភ័យខ្លាចចំពោះភាពចាស់។ ព្រោះបើគិតតាមអាយុភាពចាស់គឺគួរឲ្យខ្លាចណាស់សម្រាប់អ្នក។ អ្នកខ្លាចឃើញខ្លួនឯងស្ថិតក្នុងសភាពក្រៀមក្រំ ហើយជារឿយៗកម្រប្រាប់អ្នកដទៃអំពីអាយុពិតរបស់ខ្លួន។
៦.ប្រសិនបើអ្នកមើលឃើញតុក្កតាខ្លាឃ្មុំមុនគេ
ខ្លាឃ្មុំ Teddy មានន័យថាមិត្តភាព។ មានន័យថាអ្នកជាមនុស្សម្នាក់ដែលឲ្យតម្លៃលើមិត្តភក្តិរបស់អ្នកខ្លាំង ហើយអ្នកខ្លាចបាត់បង់គេ។ មនុស្សមួយចំនួនអាចមានតុក្កតាខ្លាឃ្មុំឱបជាមួយ ប៉ុន្តែនៅពេលអ្នកកាន់តែចាស់ អ្នកនឹងមានមិត្តម្នាក់ជួយអ្នក។ នេះហើយជាមូលហេតុដែលមនុស្សខ្លាចបាត់បង់មិត្ត។
ប្រភព៖ sanook