គូស្នេហាខុសវ័យ ដំបូងៗគេរិះ.គន់ តែតារាកូរ៉េទាំងនេះអត់ខ្វល់ នៅតែស្រលាញ់គ្នា!

កូរ៉េខាងត្បូង៖ បច្ចុប្បន្ន ទស្សនិកជនដែលជាអ្នកគាំទ្រយ៉ាងសកម្មជាមួយតារាកូរ៉េទាំងប៉ុន្មាននាក់ខាងក្រោមនេះ ច្បាស់ជា​លែង​ប្លែកទៀតហើយលើ​រឿង​ស្នេហា​ក្នុង​វិស័យ​សិល្បៈរបស់ពួកគេ ដោយសារតែពួកគេហ៊ានបើកចំហររឿងស្នេហារបស់ខ្លួនពេញលេញ បើទោះបីជាមានពាក្យរិះគន់មិនល្អពីមជ្ឈដ្ឋានខាងក្រៅមួយចំនួនអំឡុងពេលពួកគេទាក់ទងគ្នាដំបូងៗក៏ដោយ។

ហើយមកទល់ពេលនេះផងដែរ ចំណងស្នេហ៍របស់តារាកូរ៉េទាំងនេះ ដែលសុទ្ធតែជាស្នេហ៍ខុសវ័យគ្នា ពួកគេបានពុះពារឆ្លងកាត់ដល់ចំណុចសុភមង្គលហើយ ពិសេសពួកគេខ្លះក៏បានសាងគ្រួសារជាមួយគ្នា និងនៅតែមានប្រជាប្រិយភាពក្នុងសង្គមសិល្បៈកូរ៉េដដែល៕

ពួកគេទាំងនោះ រួមមាន៖

១.Ham So Won និង Jin Hua

បន្ទាប់ពីបានជាប់ជាបវរកញ្ញាកូរ៉េឆ្នាំ ១៩៩៧ Ham So Won បានចាប់ផ្តើមចូលប្រឡូកក្នុងវិស័យសិល្បៈជាមួយនឹងសកម្មភាពសិល្បៈនានាក្នុងឆ្នាំ ២០០៨។ ហើយ ៩ឆ្នាំក្រោយមកនាងបានធ្វើឲ្យពិភពលោកទាំងមូលភ្ញាក់ផ្អើល នៅពេលដែលនាងបានណាត់ជួបជាសាធារណៈជាមួយកំលោះសង្ហា Jin Hua ដែលជាតារាបង្ហាញម៉ូតវ័យក្មេង និងមានអាយុតិចជាងនាងរហូតដល់ទៅ ១៨ឆ្នាំ។ ក្រោយ​ទាក់ទង​គ្នា​បាន​តែ​មួយ​ឆ្នាំ Ham So Won និង Jin Hua បាន​ប្រកាស​រៀប​ការ។ ពួកគេបានលេចមុខក្នុងកម្មវិធីជាច្រើន ថ្វីត្បិតតែនៅក្មេង ប៉ុន្តែ Jin Hua មានធនធាន និងមើលថែភរិយាបានល្អ ជាពិសេសអំឡុងពេលដែលនាងទើបតែសម្រាលកូន។ ជីវិត​អាពាហ៍ពិពាហ៍​ដ៏​មាន​សុភមង្គល​របស់តារា​មួយ​គូ​នេះ បាន​ធ្វើ​ឲ្យ​មហាជន​កោតសរសើរ ។ ទោះបីជាពាក្យចចាមអារ៉ាមអំពីការលែងលះបានលេចឡើងនៅឆ្នាំ ២០២១ ប៉ុន្តែប្ដីប្រពន្ធមួយគូនេះមិនទាន់បានបញ្ជាក់ពីព័ត៌មាននេះទេ រហូតមកដល់ពេលនេះ។

២.Shim Mina និង Ryu Philip

ក្នុងឆ្នាំ ២០១៥ Shim Mina តារាចម្រៀងស្រីស៊ិចស៊ីដែលជាប់ឈ្មោះថា «Miss World Cup ២០០២» បានបង្កភាពចលាចលក្នុងឧស្សាហកម្មកម្សាន្តកូរ៉េ ដោយមានរឿងស្នេហាជាមួយតារាប្រុសសង្ហា Ryu Philip សមាជិកក្រុម SoREAL ដែលមានវ័យក្មេងជាងនាងរហូត ១៧ឆ្នាំ ។ ពួកគេបានជួបគ្នាដំបូង ក្នុងកម្មវិធីខួបកំណើតមិត្តភ័ក្តិ ហើយក៏បានលង់ស្រលាញ់គ្នាភ្លាមៗ ហើយចាប់ផ្តើមទាក់ទងគ្នាជាផ្លូវការ បន្ទាប់ពីស្គាល់គ្នាមួយខែ។ ដំបូង​ឡើយ ប្ដីប្រពន្ធមួយ​គូ​នេះ​ប្រឈមមុខ​នឹង​ការ​និយាយ​ដើមហូរហែ​ព្រោះ​អាយុ​ខុស​គ្នា​ច្រើន​ពេក ។ ប៉ុន្តែមកទល់នឹងពេលនេះ ក្រោយរៀបការបានជិត ៤ឆ្នាំ ពួកគេនៅតែរក្សាបាននូវភាពផ្អែមល្ហែម និងយកឈ្នះគោលគំនិតមហាជន ធ្វើឲ្យមហាជនយល់បានថា ស្នេហាពិតមិនមែនគិតរឿងអាយុឡើយ។

៣.Hyuna និង Dawn

Hyuna និង Dawn ជាតារាដែល​បាន​បង្ហាញ​ខ្លួន​ដំបូង​ និង​ធ្វើការក្នុង​ក្រុមហ៊ុន​ដូច​គ្នា។ ពាក្យចចាមអារ៉ាមអំពីទំនាក់ទំនងស្នេហារបស់ពួកគេបានផ្ទុះឡើង តាំងពីខែសីហា ឆ្នាំ ២០១៨ ប៉ុន្តែតាមពិតទៅពួកគេបានរួមរស់ជាមួយគ្នាតាំងពី ២ឆ្នាំមុនម្ល៉េះ។ ហើយនៅពេល Hyuna បើកចិត្តបង្ហាញទំនាក់ទំនងរបស់នាង ជាមួយមិត្តប្រុសដែលមានអាយុតិចជាងនាងជាសាធារណៈ ពួកគេទាំងពីរក៏ត្រូវបានបណ្តេញចេញពីក្រុមហ៊ុន និងទទួលរងការរិះគន់យ៉ាងខ្លាំងពីអ្នកគាំទ្រ Kpop។ Hyuna មានអាយុច្រើនជាងមិត្តប្រុស ២ឆ្នាំ ហើយមានភាពជោគជ័យក្នុងសិល្បៈមុនមិត្តប្រុសជាច្រើនឆ្នាំ ដូច្នេះ Dawn ត្រូវបានគេនិយាយថា តោងមិត្តស្រីយកល្បី។ ក្រោយការចាកចេញពីក្រុមហ៊ុន Hyuna និង Dawn កាន់តែបង្កើនភាពស្និទ្ធស្នាលជាមួយគ្នាជាសាធារណៈដោយសេរី ទោះបីជាមានការរិះគន់ពីសាធារណជនក៏ដោយ។ បន្តិច​ម្ដងៗ​រឿង​ស្នេហា​របស់​ពួក​គេ​ត្រូវ​បាន​មហាជន​ទទួល​យក។

៤.Kim Tae Hee និង Bi Rain

នៅពេលដែលមានឱកាសបានរួមសម្តែងក្នុងការផ្សាយពាណិជ្ជកម្មក្នុងឆ្នាំ ២០១១ Bi Rain បានជោគជ័យតាមគន្លងរៀមច្បង Kim Tae Hee ដែលមានវ័យចំណាស់ជាងលោក ២ឆ្នាំ ហើយបានប្រកាសស្នេហាជាសាធារណៈនៅឆ្នាំ ២០១៣។ ប៉ុន្តែ Bi Rain ក៏ត្រូវឆ្លងកាត់ ការប្រឆាំង និងការរិះគន់ច្រើនដែរ ដោយសារតែអ្នកគាំទ្រមួយចំនួន គិតថាលោកមិនសមនឹង Kim Tae Hee។ ប៉ុន្តែទោះបីជាមានអ្វីកើតឡើង ពួកគេនៅតែរៀបការ ដោយបានធ្វើឡើងយ៉ាងសម្ងាត់ក្នុងឆ្នាំ ២០១៧ ដោយមានភ្ញៀវត្រឹមតែ ១០ នាក់ប៉ុណ្ណោះ គ្មាននរណាម្នាក់ដឹងឡើយ រហូតដល់រូបថតកម្រចំនួន ២ សន្លឹកត្រូវបានផ្សព្វផ្សាយជាសាធារណៈ។ ពី​គូស្នេហ៍​ដែលមានតែការ​ប្រឆាំង​យ៉ាង​ចាស់ដៃពីមហាជន Kim Tae Hee និង Bi Rain បាន​ដណ្តើម​យក​បេះដូង​ទស្សនិកជន​ជា​បណ្តើរៗ​បន្ទាប់​ពី​បាន​រួមរស់​ជាមួយ​គ្នា​យ៉ាង​មាន​សុភមង្គល​រយៈពេល ១០ ឆ្នាំ។ ទោះបីមិនសូវ​បង្ហាញ​ពី​ភាព​ស្និទ្ធស្នាល​ ប៉ុន្តែ​ពួកគេតែង​តែ​កាន់​ដៃ​គ្នា ​គ្រប់​ពេល​ដែល​បង្ហាញ​ខ្លួន​ជាមួយ​គ្នា។ សារព័ត៌មានកូរ៉េ តែងសរសើរជាច្រើនដង ដែល Bi Rain មានទំនួលខុសត្រូវលើប្រពន្ធយ៉ាងខ្លាំង មិនដើរលេងចោលផ្ទះ ចោលប្រពន្ធកូន។ បច្ចុប្បន្ន​ប្ដីប្រពន្ធ​មួយ​គូ​នេះ​មានកូន ២នាក់ហើយ។

ប្រភព៖ kenh14.vn