<p><b>បរទេស៖ </b>ក្រុមអ្នកបង្កើតនិងអ្នកប្រមូលសន្សំនៃ non-fungible token (NFT) នឹងអាចបង្ហាញនិមិត្តសញ្ញារបស់ពួកគេនៅលើបណ្ដាញសង្គម Instagram ក្នុងពេលឆាប់ៗ។នាយកប្រតិបត្តិក្រុមហ៊ុន Meta លោក &nbsp;Mark Zuckerbergបានបញ្ជាក់នៅក្នុងការបង្ហោះមួយថា ក្រុមហ៊ុនកំពុងធ្វើតេស្ដទៅលើ NFTs នៅលើវេទិការបស់ខ្លួន ដោយមុខងារស្រដៀងគ្នានេះនឹងមកដល់បណ្ដាញសង្គម Facebookឆាប់ៗដែរ។</p><p> ប្រធានកម្មវិធី Instagram លោក AdamMosseri បាននិយាយនៅក្នុងវីដេអូមួយថាអ្នកប្រើប្រាស់នៅក្នុងសហរដ្ឋអាមេរិកមួយក្រុមតូចនឹងអាចបង្ហាញ ទ្រព្យសម្បត្តិឌីជីថល NFTsរបស់ពួកគេ ទាំងនៅលើផ្ទាំង feed, លើ Stories,និងនៅក្នុង messages។ ព័ត៌មានលម្អិតនៃ NFTត្រូវបានបង្ហាញស្រដៀងនឹងការដាក់ tag នៅលើ profileនិងផលិតផលនានាដែរ ដោយត្រូវបានគេហៅថា “digital collectibles”។ នៅពេលចុចពីលើ tag នោះ វានឹងបង្ហាញព័ត៌មានលម្អិតដូចជាឈ្មោះអ្នកបង្កើតនិងម្ចាស់កម្មសិទ្ធិ។</p><p> លោក Mosseriបាននិយាយថា ការធ្វើតេស្ដនេះគឺតិចតូចក្នុងការចាប់ផ្ដើម ដើម្បីឲ្យ Instagram អាចរៀនពីសហគមន៍។ លោកបានសង្កត់ធ្ងន់ថា ការគាំទ្រសម្រាប់ NFTs នៅលើ Instagram អាចជួយណែនាំបច្ចេកវិទ្យាដល់មនុស្សកាន់តែទូលំទូលាយ។កម្មវិធី Instagram មិនមែនជាវេទិកាដំបូងគេ ដែលធ្វើដូច្នេះទេដែលកាលពីខែមករា បណ្ដាញសង្គម Twitter បានដាក់បង្ហាញវត្តមាន NFTsនៅលើវេទិការបស់ខ្លួន៕</p><figure style="text-align:center"><img src="https://cms.dmpcdn.com/article/2022/05/10/537d8510-d00d-11ec-8de9-575d6bd8cc55_original.png" alt="រូបភាពពី Instagram" style="width:100%"/><figcaption>រូបភាពពី Instagram</figcaption></figure><div style="text-align:center"><div><blockquote class="twitter-tweet"><p lang="en" dir="ltr">NFTs on Instagram 🎉<br><br>This week we’re beginning to test digital collectibles with a handful of US creators and collectors who will be able to share NFTs on Instagram. There will be no fees associated with posting or sharing a digital collectible on IG.<br><br>See you next week! ✌🏼 <a href="https://t.co/VuJbMVSBDr">pic.twitter.com/VuJbMVSBDr</a></p>&mdash; Adam Mosseri (@mosseri) <a href="https://twitter.com/mosseri/status/1523655590672695296?ref_src=twsrc%5Etfw">May 9, 2022</a></blockquote> <script async src="https://platform.twitter.com/widgets.js" charset="utf-8"></script></div><i>វីដេអូ</i></div><p><b>ប្រភព: The Verge</b></p>

គេនឹងចាប់ផ្ដើមធ្វើតេស្ដ ដាក់បង្ហាញទ្រព្យសម្បត្តិឌីជីថល NFTs នៅលើកម្មវិធី Instagram