iOS 16.1 ដាក់បន្ថែម ភាគរយថ្មទៅកាន់ iPhone 13 mini, iPhone 12 mini, iPhone XR, និង iPhone 11

បរទេស៖ នៅក្នុងកំណែ iOS 16 ក្រុមហ៊ុន Apple បានអាប់ដេតរូបតំណាងថ្មនៅលើ iPhones ជាមួយ Face ID ដើម្បីបង្ហាញភាគរយថ្មជាក់លាក់។នៅពេលបញ្ចេញដំបូង មុខងារនេះមិនបានរួមបញ្ចូល iPhone 13 mini,iPhone 12 mini, iPhone XR, ឬ iPhone11 នោះទេ ប៉ុន្តែយោងតាមរបាយការណ៍ជាច្រើនពីវេទិកាជជែករបស់វេបសាយ MacRumorsនិងពីបណ្ដាញសង្គម Twitter បានឲ្យដឹងថាទូរសព្ទ iPhone ទាំងអស់នេះឥឡូវ គាំទ្រមុខងារនេះហើយ។

ភាគរយថ្មមិនមានវត្តមាននៅលើ iPhones ដែលមាន Face ID នៅក្នុង iOS 15ដោយសារខ្វះកន្លែងទំនេរទាំងសងខាងនៃថ្ងាសឆក ដែលផ្ទុក hardware នៃកាមេរ៉ា TrueDepth ប៉ុន្តែការរចនា iOS 16ដែលបានអាប់ដេតរបស់ Apple បន្ថែមកម្រិតថ្មជាក់លាក់ទៅកាន់រូបតំណាងថ្មដោយផ្ដល់នូវគំនិតប្រសើរជាងមុន អំពីស្ថានភាពថ្មភ្លាមៗ។ ជាមួយនឹងការអាប់ដេតនេះអ្នកប្រើប្រាស់ iPhone 13​ mini, iPhone 12 mini​, iPhone XR និង iPhone 11​ អាចមើលភាគរយថ្មរបស់ពួកគេនៅក្នុងរបាស្ថានភាព ហើយភាគរយថ្មមានជាផ្លូវការនៅលើiPhone XR និងម៉ូឌែលក្រោយៗ៕

ប្រភព: MacRumors