បរទេស៖ រ៉ូបូត Perseveranceបានខួងយកថ្មលើភពអង្គារដោយជោគជ័យ កាលពីថ្ងៃព្រហស្បតិ៍ដែលសំណាកនេះនៅថ្ងៃណាមួយនឹងបញ្ជូនមកកាន់ភពផែនដី។ប៉ុន្តែអង្គការណាសាចង់បានរូបភាពដែលប្រសើរជាងនេះ ដើម្បីធ្វើឲ្យប្រាកដថាសំណាកនេះពិតជាមានសុវត្ថិភាពទុកនៅក្នុងប្រអប់។ រហូតមកដល់ពេលនេះទិន្នន័យដែលត្រូវបានបញ្ជូនមកវិញដោយរ៉ូបូតនិងរូបភាពដំបូងបង្ហាញថាសំណាកនៅដដែលស្ថិតនៅក្នុងប្រអប់ បន្ទាប់ពី Perseverance បានខួងចូលទៅក្នុងថ្ម ដែលជ្រើសរើសដោយបេសកកម្មរបស់ក្រុមវិទ្យាសាស្ត្រ។រ៉ូបូតនេះបានប្រើឧបករណ៍ខួងបង្វិល ដើម្បីខួងថ្មហើយប្រមួលសំណាក។ប្រព័ន្ធខួងយកសំណាកនេះស្ថិតនៅខាងចុងដៃរបស់រ៉ូបូត ដែលមានប្រវែង២ម៉ែត្រ។ Perseverance កំពុងតែរុករកនៅក្នុងតំបន់ Citadelle ស្ថិតនៅរណ្ដៅ Jezero ដែលរាប់ពាន់លានឆ្នាំមុនធ្លាប់ជាទីតាំងបឹងបុរាណមួយ។គោលដៅជាក់លាក់របស់រ៉ូបូតនេះគឺត្រូវខួងថ្មមួយ មានឈ្មោះថា Rochette។ ក្រុមបេសកកម្មគួរទទួលរូបភាពបន្ថែមពីអ្វីនៅក្នុងប្រអប់សំណាក នៅថ្ងៃទី៤ខែកញ្ញា។ ប្រសិនបើ Perseverance អាចប្រមូលសំណាកផ្សេងៗពីភពអង្គារដោយជោគជ័យពួកថ្មទាំងនោះនឹងត្រូវបញ្ជូនត្រលប់មកកាន់ផែនដី ដោយបេសកកម្មនៅថ្ងៃអនាគតហើយពួកវាអាចបង្ហាញថាតើជីវិតមីក្រុបធ្លាប់មាន នៅលើភពអង្គារឬយ៉ាងណា៕<figure style="text-align:center"><img src="https://cms.dmpcdn.com/article/2021/09/05/79d37900-0e1f-11ec-b884-750c05ebdb6c_original.jpg" alt="ប្រហោងដោយសារតែការខួងយកសំណាកថ្ម ដោយរ៉ូបូត&amp;nbsp;Perseverance" style="width:100%"/><figcaption>ប្រហោងដោយសារតែការខួងយកសំណាកថ្ម ដោយរ៉ូបូត&nbsp;Perseverance</figcaption></figure><figure style="text-align:center"><img src="https://cms.dmpcdn.com/article/2021/09/05/7a6aaff0-0e1f-11ec-b884-750c05ebdb6c_original.jpg" alt="រូបភាពបង្ហាញថា ដុំថ្មភពអង្គារស្ថិតនៅក្នុងប្រអប់" style="width:100%"/><figcaption>រូបភាពបង្ហាញថា ដុំថ្មភពអង្គារស្ថិតនៅក្នុងប្រអប់</figcaption></figure>ប្រភព: CNN

ទីបំផុតលទ្ធផលបញ្ជាក់ថា អាមេរិកពិតជាខួងយកបាន សំណាកថ្មលើភពអង្គារ ជាលើកដំបូង