បរទេស៖ មនុស្សលោកបានបង្ហាញទម្រង់ជីវិតថ្មី នៅលើអវកាសកាលពីថ្ងៃសុក្រ ខណៈអវកាសយានិកណាសាបានប្រមូលផលម្ទេសផ្លោកជាលើកដំបូងគេនៅលើស្ថានីយអវកាសអន្តរជាតិ។ គ្រាប់ម្ទេសផ្លោកបានមកដល់ស្ថានីយអវកាស តាមយាន SpaceXបេសកកម្មគ្រឿងផ្គត់ផ្គង់ ក្នុងខែមិថុនាហើយត្រូវបានដាំភ្លាមៗដោយអវកាសយានិកណាសា លោក Shane Kimbrough។ ការដាំដំណាំដូចជាម្ទេសផ្លោកមិនត្រឹមតែផ្ដល់សុខភាពដល់រាងកាយប៉ុណ្ណោះទេប៉ុន្តែថែមទាំងផ្ដល់សុខភាពផ្លូវចិត្តដល់ពួកគេផងដែរ។ អវកាសយានិកណាសាបានដាំគ្រប់ពូជម្ទេសផ្លោកHatch នៅក្នុងបន្ទប់ Advanced Plant Habitat បំពាក់ដោយឧបករណ៍ចាប់សញ្ញា១៨០ និងអំពូល LED ដែលត្រូវបានគ្រប់គ្រងដោយអ្នកធ្វើការនៅមជ្ឈមណ្ឌលអវកាសKennedy។ ក្រុមការងារនៅមជ្ឈមណ្ឌលអវកាស Kennedy ក៏បានដាំម្ទេសផ្លោកមួយក្រុមនៅលើផែនដី នៅក្នុងលក្ខខណ្ឌស្រដៀងគ្នានៅលើអវកាស ដើម្បីមើលថាតើទំនាញទាបនិងកត្តាផ្សេងទៀតនៅក្នុងលំហប៉ះពាល់ដល់ការលូតលាស់របស់ម្ទេសផ្លោក Hatch ដែរឬទេ៕<figure style="text-align:center"><img src="https://cms.dmpcdn.com/article/2021/11/02/868205f0-3baa-11ec-a0a2-cf0fccca5fc8_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2021/11/02/86d26fe0-3baa-11ec-9fa6-0d1ea9c9f19c_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2021/11/02/871433d0-3baa-11ec-a0a2-cf0fccca5fc8_original.jpeg" alt="" style="width:100%"/></figure>ប្រភព: Fox News

ក្រុមអវកាសយានិកពិតជារីករាយ ក្នុងប្រមូលផលម្ទេសផ្លោកជាលើកដំបូង ដែលដាំនៅលើស្ថានីយអវកាស