<p><b>បរទេស៖</b> បទចម្រៀង "Baby Shark" ដែលកុមារតូចៗស្គាល់និងច្រៀងតាមបានឈានដល់ចំណុចសំខាន់ថ្មីមួយ ដោយមានអ្នកចូលទៅទស្សនា១០ពាន់លានដង នៅលើ YouTube។</p><p> មិនត្រឹមតែជាវីដេអូដែលមានអ្នកចូលមើលច្រើនបំផុតនោះទេដែលបានបំបែកកំណត់ត្រា នៅក្នុងខែវិច្ឆិកា ឆ្នាំ២០២០ ប៉ុន្តែឥឡូវនេះវាជាវីដេអូតែមួយគត់នៅលើគេហទំព័របស់ YouTube ដែលមានការចូលទស្សនាដល់ទៅ១០ពាន់លានដងនេះបើយោងតាមការបញ្ជាក់របស់ YouTube ទៅកាន់សារព័ត៌មាន CNN។</p><p> បទចម្រៀងរបស់កុមារៗដែលគ្រប់គ្រងដោយក្រុមហ៊ុនអប់រំរបស់កូរ៉េខាងត្បូង Pinkfong និងច្រៀងដោយកុមារជនជាតិកូរ៉េកាត់អាមេរិក Hope Segoine ត្រូវបានបញ្ចេញជាលើកដំបូងក្នុងឆ្នាំ២០១៦និងទទួលបានការគាំទ្រយ៉ាងខ្លាំងនៅក្នុងទ្វីបអាស៊ី។ភាពជោគជ័យរបស់បទចម្រៀងមួយនេះហាក់ដូចជារឿងចៃដន្យ ហើយនៅឆ្នាំ២០១៩នាយកប្រតិបត្តិអាមេរិករបស់ក្រុមហ៊ុន Pinkfong អ្នកនាង BinJeong បានប្រាប់ CNN ថាក្រុមហ៊ុនមិននឹកស្មានថាវីដេអូឃ្លីបទទួលបានការគាំទ្រដល់ថ្នាក់នេះសោះ។</p><p> ដើម្បីអបអរសាទរ«ជោគជ័យដ៏ពិសេសនេះ» ក្រុមហ៊ុន Pinkfongបានអញ្ជើញកុមារៗទូទាំងពិភពលោក ឲ្យចែករំលែក ការរាំចង្វាក់បទ Baby Shark របស់ពួកគេ ជាមួយនឹងក្រុមហ៊ុន៕</p><figure style="text-align:center"><img src="https://cms.dmpcdn.com/article/2022/01/14/1ead80b0-74e6-11ec-b576-afbb0a1303ef_original.jpg" alt="បទចម្រៀង Baby Shark" style="width:100%"/><figcaption>បទចម្រៀង Baby Shark</figcaption></figure><div style="text-align:center"><div style="width:100%;position:relative;padding-bottom:56.32%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" src="https://www.youtube.com/embed/XqZsoesa55w"></iframe></div><i>វីដេអូ</i></div><p><b>ប្រភព: CNN</b></p>

ទីបំផុត! បទ "Baby Shark" មានអ្នកចូលទៅមើល រហូតដល់១០ពាន់លានដង មុនគេបំផុត នៅលើ YouTube