អីយ៉ា! ឥឡូវចាប់ផ្ដើមលេចធ្លាយព័ត៌មាន ពី Xiaomi 13 ជាបណ្ដើរៗហើយ

បរទេស៖ បន្ទាប់ពីការប្រកាសបង្ហាញស៊េរី Xiaomi 12S នៅក្នុងប្រទេសចិន កាលពីសប្ដាហ៍មុនស្មាតហ្វូនកំពូលបន្ទាប់របស់ Xiaomi អាចជាស៊េរី Xiaomi13 ហើយព័ត៌មានអំពីទូរសព្ទនេះ ឥឡូវនេះបានចាប់ផ្ដើមលេចឡើងមុនពេលការប្រកាសបង្ហាញ។ ស៊េរី Xiaomi 13 នឹងមានបំពាក់នូវបន្ទះឈីបSnapdragon 8 Gen 2 ជំនាន់បន្ទាប់របស់ក្រុមហ៊ុន Qualcomm។

ព័ត៌មានកាលពីខែឧសភាអះអាងថា ស៊េរី Xiaomi 13 នឹងអាចចេញលឿនជាងធម្មតា។ជំនាន់មុនៗបានចាប់ផ្ដើមនៅចុងខែធ្នូ។ ព្រឹត្តិការណ៍ប្រកាសបង្ហាញនៅដើមខែធ្នូសម្រាប់ស៊េរី Xiaomi 13 អាចនឹងសាកសម។ យោងតាមអ្នកលេចធ្លាយ IceUniverse បានឲ្យដឹងថា ស៊េរី Xiaomi 13 នឹងមានគែមbezels ស្មើគ្នាគ្រប់ជ្រុងទាំងអស់ ដូចស៊េរី GalaxyS22។

ទូរសព្ទនេះអាចនឹងត្រូវបានគេរំពឹងថា នឹងភ្ជាប់មកជាមួយ 120 HzQHD+ AMOLEDs ដូចនឹងសែស្រឡាយ Mi 11,Xiaomi 12, និង Xiaomi 12S ដែរ។ យោងតាមព័ត៌មានពីវេបសាយ Xiaomiui បានឲ្យដឹងថា ទូរសព្ទ Xiaomi 13 ត្រូវបានគេដាក់កូដឈ្មោះថា"Nuwa" ខណៈ Xiaomi 13 Pro វិញគឺជា "Fuxi"៕

ប្រភព: Notebookcheck