បរទេស៖ ក្រុមហ៊ុន Amazonបានប្រកាសកាលពីថ្ងៃចន្ទថា ខ្លួនមានបំណងដាក់ឲ្យដំណើរការផ្កាយរណបអ៊ីនធឺណេត ProjectKuiper ដំបូង នៅក្នុងត្រីមាសទី៤នៃឆ្នាំ២០២២។ក្រុមហ៊ុនបច្ចេកវិទ្យាយក្សមួយនេះ បានដាក់ពាក្យស្នើសុំទៅគណៈកម្មការទំនាក់ទំនងសហព័ន្ធដើម្បីបាញ់បង្ហោះ និងដំណើរការគំរូផ្កាយរណបដំបូងចំនួនពីររបស់ខ្លួន ដែលហៅថា KuiperSat-1 និង KuiperSat-2។ Amazon និយាយថា ផ្កាយរណបទាំងនេះនឹងត្រូវបាញ់បង្ហោះ ជាមួយក្រុមហ៊ុន ABLSpace នៅលើរ៉ុក្កែត RS1។ ProjectKuiper គឺជាផែនការរបស់ក្រុមហ៊ុន Amazon ក្នុងការសាងសង់បណ្ដាញផ្កាយរណបចំនួន៣,២៣៦ នៅគន្លងទាបនៃផែនដីដើម្បីផ្ដល់អ៊ីនធឺណេតល្បឿនលឿនទៅកាន់គ្រប់ទីកន្លែងក្នុងពិភពលោក។ កាលពីឆ្នាំមុន គណៈកម្មការទំនាក់ទំនងសហព័ន្ធបានអនុញ្ញាតដល់ប្រព័ន្ធរបស់Amazon ដែលក្រុមហ៊ុននិយាយថាខ្លួនមានគម្រោងវិនិយោគជាង១០ប៊ីលានដុល្លារ នៅក្នុងផ្កាយរណប Kuiper។ សេវាកម្មដំបូងពី Kuiper ត្រូវបានកំណត់ឲ្យចាប់ផ្ដើមនៅពេលដែលក្រុមហ៊ុន Amazon មានផ្កាយរណបចំនួន៥៧៨នៅក្នុងគន្លង៕<figure style="text-align:center"><img src="https://cms.dmpcdn.com/article/2021/11/02/78e2f800-3b91-11ec-9f9e-97836cf025ee_original.png" alt="គំរូផ្កាយរណប" style="width:100%"/><figcaption>គំរូផ្កាយរណប</figcaption></figure><figure style="text-align:center"><img src="https://cms.dmpcdn.com/article/2021/11/02/792de3b0-3b91-11ec-8c2b-9d6464371799_original.jpg" alt="រ៉ុក្កែត RS1 ដែលផ្ទុកផ្កាយរណប&amp;nbsp;Kuiper" style="width:100%"/><figcaption>រ៉ុក្កែត RS1 ដែលផ្ទុកផ្កាយរណប&nbsp;Kuiper</figcaption></figure>ប្រភព: CNBC

ក្រុមហ៊ុន Amazon មានគម្រោងបាញ់បង្ហោះ ផ្កាយរណបអ៊ីនធឺណេតដំបូងរបស់ខ្លួន នៅចុងឆ្នាំ២០២២