<p><b>បរទេស៖</b> វីដេអូដ៏មហស្ចារ្យមួយបង្ហាញពីសណ្ឋាគារហោះហើរដ៏សម្បើមដែលអាចស្ថិតនៅលើមេឃក្នុងរយៈពេលជាច្រើនឆ្នាំ បានបង្កឲ្យមានការចាប់អារម្មណ៍នៅលើអ៊ីនធឺណេតទោះបីជាវាលើសពីសមត្ថភាពនៃបច្ចេកវិទ្យាបច្ចុប្បន្ន និងបំពានច្បាប់រូបវិទ្យាក៏ដោយ។ ទោះជាយ៉ាងណាក៏ដោយវិស្វករជនជាតិយេម៉ែន លោក Hashem Al-Ghaili ដែលបានបង្កើតគំនិតវីដេអូ សណ្ឋាគារហោះ SkyCruise ដោយផ្អែកលើការរចនាបែបអនាគត ដោយវិចិត្រករ AlexanderTujicov។ ហើយលោកនិយាយថា គំនិតដ៏ប្លែកពីគេរបស់គាត់នឹងរុញច្រានព្រំដែននៃអ្វីដែលអាចធ្វើទៅបាន។</p><p> លោក Al Ghaili និយាយថាគាត់ក៏បានយកការបំផុសគំនិតផ្ទាល់ខ្លួនរបស់គាត់ ពីគំនូរជីវចលដែលគាត់ចូលចិត្ត គឺរឿង"Castle in the Sky" របស់ Studio Ghibli ដែលបង្ហាញពីនាវាហោះដ៏ធំ ជាមួយមនុស្សដែលរស់នៅខាងក្នុង។ដូចគ្នានឹងនាវាទាំងនោះដែរ Sky Cruise ស្ថិតនៅលើទំហំដ៏ធំសម្បើម &nbsp;ជាមួយនឹងបន្ទប់សម្រាប់ភ្ញៀវ ប្រហែល៥,០០០នាក់និងកន្លែងកម្សាន្តដូចជារោងកុន អាងហែលទឹក ស្ប៉ា និងសូម្បីតែផ្សារទំនើប។</p><p> លោក AlGhaili និយាយថា Sky Cruise នឹងដំណើរការដោយថាមពលនុយក្លេអ៊ែរស្អាតដែលជាបច្ចេកវិទ្យាដែលមិនមាននាពេលបច្ចុប្បន្ននេះដែលនឹងអនុញ្ញាតឲ្យវានៅលើពពកអស់រយៈពេលជាច្រើនឆ្នាំ។ លោកបន្ថែមថាភ្ញៀវនិងការផ្គត់ផ្គង់នឹងត្រូវបញ្ជូនមកកាន់សណ្ឋាគារនេះ ដោយប្រើយន្តហោះដឹកអ្នកដំណើរនិងយន្តហោះឯកជន។ បើយោងតាមវិស្វករបានឲ្យដឹងថា ការប្រែក្លាយគំនិតនេះឲ្យទៅជាការពិតគឺគ្រាន់តែជាបញ្ហានៃពេលវេលា។ ទោះជាយ៉ាងណាក៏ដោយ ដោយសារតែទំហំរបស់វា វានឹងត្រូវការហេដ្ឋារចនាសម្ព័ន្ធថ្មីនិងការកែសម្រួលពីឧស្សាហកម្មអាកាសចរណ៍៕</p><figure style="text-align:center"><img src="https://cms.dmpcdn.com/article/2022/08/03/f1468ba0-12e0-11ed-86c3-ad968267d0b0_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/08/03/f1db78a0-12e0-11ed-a230-65bd735d048b_original.jpg" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/08/03/f21a0840-12e0-11ed-933f-8dd5274ea0cd_original.png" alt="" style="width:100%"/></figure><figure style="text-align:center"><img src="https://cms.dmpcdn.com/article/2022/08/03/f2c45200-12e0-11ed-8e98-154e7eed4f36_original.jpg" alt="" style="width:100%"/></figure><div style="text-align:center"><div style="width:100%;position:relative;padding-bottom:56.27198124267292%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" src="https://www.youtube.com/embed/ZrodDBJdGuo"></iframe></div><i>វីដេអូ</i></div><p><b>ប្រភព: CNN</b></p>

អស្ចារ្យ! មកស្គាល់សណ្ឋាគារហោះ បែបអនាគត ដែលអាចនៅលើមេឃរាប់ឆ្នាំ និងផ្ទុកភ្ញៀវបាន៥ពាន់នាក់