Samsung នាំយកមុខងារលុបវត្ថុមិនត្រូវការចេញពីរូបថត មកកាន់ម៉ូឌែលទូរសព្ទជំនាន់មុនៗហើយ

បរទេស៖ Magic Eraser គឺជាមុខងារពិសេសមួយដែលមាននៅលើទូរសព្ទPixel 6 របស់ Google ហើយវាផ្ដល់នូវលទ្ធផលគួរឲ្យចាប់អារម្មណ៍។ទោះជាយ៉ាងណាក៏ដោយ ក្រុមហ៊ុន Samsung ក៏មានមុខងារស្រដៀងគ្នានេះដែរដែលត្រូវបានគេហៅថា Object Eraser ចេញកាលពីដើមឆ្នាំជាមួយនឹងស៊េរីទូរសព្ទ Galaxy S21 ហើយឥឡូវនេះមុខងារនេះកំពុងពង្រីកការប្រើប្រាស់បន្ថែមទៅកាន់ឧបករណ៍ផ្សេងទៀតនិងបន្ថែមសមត្ថភាពក្នុងការលុបអ្វីដែលចាំងនិងមានស្រមោល។

មុខងារ “ObjectEraser” ស្ថិតនៅក្នុងកម្មវិធី Samsung Gallery ហើយវាដំណើរការដូចទៅនឹង Magic Eraser របស់ Googleនៅលើ Pixel 6 ដែរ។អ្នកប្រើប្រាស់ត្រូវបានផ្ដល់ជម្រើស ក្នុងការហាយឡាយនិងលុបមនុស្សនិងវត្ថុផ្សេងៗចេញពីរូបថតមួយសន្លឹកដោយទូរសព្ទបានប្រើប្រាស់បញ្ញាសិប្បនិម្មិត AI។

មុខងារ ObjectEraser កំពុង​ពង្រីក​ដាក់ឲ្យប្រើប្រាស់ទៅកាន់ទូរសព្ទ Samsungបន្ថែមទៀត។ ស៊េរី GalaxyS10, S10+,S10e, Galaxy A52 និង Galaxy Note 10 នឹងទទួលការប្រើប្រាស់ជាមួយមុខងារObject Eraser នេះ ជាមួយនឹងការអាប់ដេតថ្មី៕

ប្រភព: 9to5Google