បរទេស៖ ក្រុមតារាវិទូបានជួបប្រទះភពក្រៅមួយ ជាមួយអនាគតដ៏អាប់អួរដោយវាខិតទៅជិតផ្កាយគោលរបស់វា រហូតដល់ទីបំផុតវានឹងត្រូវបានបំផ្លាញចោល។ភពក្រៅដែលមានឈ្មោះថា Kepler-1658b ត្រូវបានកំណត់អត្តសញ្ញាណក្នុងឆ្នាំ២០១៩មួយទសវត្សរ៍បន្ទាប់ពីតេឡេទស្សន៍អវកាស Keplerបានរកឃើញបេក្ខភាពភពនេះ។
ភពនេះត្រូវបានគេចាត់ទុកថាដូចភពព្រហស្បតិ៍ប៉ុន្តែមានសីតុណ្ហភាពក្ដៅ។ ភព Kepler-1658b គោចរជុំវិញផ្កាយវ័យចំណាស់ ដោយធ្វើដំណើរបានមួយជុំវិញ រៀងរាល់៣.៨៥ថ្ងៃ។ប៉ុន្តែគន្លងនេះកំពុងតែដុនដាប ដែលធ្វើឲ្យភពនេះផ្លាស់ទីកាន់តែទៅជិតផ្កាយរបស់វាជាលំដាប់។
បន្ទាប់ពីការសង្កេតជាច្រើនឆ្នាំ ជាមួយនឹងតេឡេទស្សន៍នៅលើផែនដីអ្នកស្រាវជ្រាវបានគណនាថា គន្លងរបស់ភពនេះកំពុងថយចុះក្នុងអត្រា ១៣១មីលីវិនាទីក្នុងមួយឆ្នាំ។ តេឡេទស្សន៍បានមើលការថយចុះនៃពន្លឺនៃផ្កាយនៅពេលដែលភពនេះឆ្លងកាត់ពីមុខផ្កាយរបស់វា។ ចន្លោះរវាងការធ្លាក់ចុះទាំងនេះ ដែលត្រូវបានគេហៅថាtransits បានថយចុះជាលំដាប់ នៅពេលដែលគន្លងបានដុនដាប៕
ប្រភព: CNN