បរទេស៖ ខណៈពេលដែលក្រុមហ៊ុន Apple ទើបតែបញ្ចប់ការបង្ហាញវ៉ារ៉្យង់ឈីប M1 ទាំងអស់ ហើយគេកំពុងតែរង់ចាំសម្រាប់ឈីប M2 បន្ទាប់វាហាក់ដូចជាក្រុមហ៊ុនដែលមានមូលដ្ឋាននៅទីក្រុង Cupertinoមួយនេះ កំពុងធ្វើការលើស៊ីលីកុនជំនាន់ទី3របស់ខ្លួនសម្រាប់កុំព្យូទ័រ Macs និង iPads។ នៅក្នុងការបង្ហោះចុងក្រោយនៃព្រឹត្តិបត្រព័ត៌មានPower On លោក Mark Gurmanនៃសារព័ត៌មាន Bloomberg និយាយថា កំណែឈីប M3 នៃកុំព្យូទ័រលើតុ iMac គឺកំពុងដំណើរការហើយ។ទោះបីជាគេមិនច្បាស់ថាប្រភេទនៃភាពជឿនលឿននិងបច្ចេកវិទ្យាអ្វីដែលនឹងប្រើសម្រាប់ឈីបមួយនេះក៏ដោយវាជាការគួរឲ្យចាប់អារម្មណ៍ដែលដឹងថា ក្រុមហ៊ុន Apple កំពុងតែដាក់គោលដៅនៃប្រព័ន្ធដំណើរការរបស់ខ្លួនទៅកាន់ iMac។ សម្រាប់ពេលនេះ លោក Gurman ជឿជាក់ថា Apple កំពុងធ្វើការលើកុំព្យូទ័រជាច្រើនជាមួយនឹងប្រព័ន្ធដំណើរការឈីបM2៖<ul><li>ឈីប M2 សម្រាប់ MacBook Air ថ្មី, entry-level MacBook Pro, និង Mac mini;</li><li>ឈីប M2 Pro និង M2 max សម្រាប់ 14-inch MacBook Pro ថ្មី និង 16-inch MacBook Pro;</li><li>ឈីប dual M2 Ultra សម្រាប់ Mac Pro។</li></ul>គេហទំព័រ 9to5Mac ក៏អាចបញ្ជាក់ជាមួយប្រភពមួយថា Apple កំពុងធ្វើការនៅលើកុំព្យូទ័រ M2 Macs ទាំងអស់ទោះបីជាវាគួរចាប់អារម្មណ៍ក្នុងការកត់សម្គាល់ថា កុំព្យូទ័រ iMac បន្ទាប់អាចប្រើប្រាស់ឈីប M3 នៅក្នុងឆ្នាំក្រោយដោយធ្វើការរំលងមិនប្រើប្រាស់ឈីប M2 ទេ៕<figure style="text-align:center"><img src="https://cms.dmpcdn.com/article/2022/04/25/2efd6600-c44c-11ec-92d3-1f40ff087792_original.jpg" alt="កុំព្យូទ័រលើតុ iMac" style="width:100%"/><figcaption>កុំព្យូទ័រលើតុ iMac</figcaption></figure>ប្រភព: 9to5Mac

លឿនគួរសម! Apple កំពុងធ្វើការលើឈីប M3 សម្រាប់កុំព្យូទ័រ iMac ហើយ