បរទេស៖ បក្សីដំបូងបំផុតដែលមនុស្សបានចិញ្ចឹមអាចជា បក្សី cassowary ដែលជារឿយៗត្រូវបានគេហៅថា បក្សីដែលគ្រោះថ្នាក់បំផុតនៅលើពិភពលោកដោយសារតែម្រាមជើងវែងដូចកាំបិតស្នៀតរបស់វា។ដែនដីនិងភាពកាចសាហាវរបស់វាត្រូវបានគេប្រៀបធៀបទៅនឹងដាយណូស័រដែរតែបក្សីនេះបង្កការភ្ញាក់ផ្អើល ដោយមានគេយកវាទៅចិញ្ចឹម។ ទោះជាយ៉ាងណាក៏ដោយ ការសិក្សាថ្មីមួយអំពីបំណែកជាងមួយពាន់នៃផូស៊ីលសម្បកស៊ុតដែលបានជីកចេញពីជម្រកថ្មចំនួនពីរ ក្នុងកោះ New Guinea បានបង្ហាញថា មនុស្សដំបូងប្រហែលជាបានប្រមូលពងបក្សីដ៏ធំនិងមិនចេះហើរមុនពេលពួកវាញាស់ ហើយបន្ទាប់មកចិញ្ចឹមកូនវារហូតដល់ធំ។ NewGuinea គឺជាកោះដ៏ធំមួយ នៅភាគខាងជើងនៃប្រទេសអូស្ត្រាលី។ អ្នកដឹកនាំការសិក្សាគឺអ្នកនិពន្ធ Kristina Douglass ដែលជាជំនួយការសាស្ត្រាចារ្យផ្នែកនរវិទ្យានៅសាកលវិទ្យាល័យ PennState University បាននិយាយថា៖ «លក្ខណៈបែបនេះដែលយើងកំពុងឃើញគឺបានមកតាំងពីរាប់ពាន់ឆ្នាំមកហើយ មុនការចិញ្ចឹមសត្វមាន់»។អ្នកស្រីបាននិយាយនៅក្នុងសេចក្ដីថ្លែងការណ៍មួយថា៖ «ហើយនេះមិនមែនជាសត្វមាន់តូចនោះទេវាជាបក្សីដ៏ធំសម្បើមដែលមិនអាចហោះចេញពីអ្នកបាន»។ អ្នកស្រាវជ្រាវបាននិយាយថាខណៈពេលដែលបក្សី cassowary អាចនឹងកាចសាហាវ វាអាចដិតដាមបានយ៉ាងងាយបើវាមានទំនាក់ទំនងជាមួយអ្វីមុនគេ បន្ទាប់ពីបានញាស់។ នេះមានន័យថា វាងាយស្រួលក្នុងការថែរក្សានិងចិញ្ចឹមរហូតដល់ធំ។ សព្វថ្ងៃនេះ cassowary គឺជាបក្សីឆ្អឹងកងធំបំផុតរបស់កោះ New Guinea ហើយរោមនិងឆ្អឹងរបស់វាគឺជាសម្ភារៈ សម្រាប់ធ្វើគ្រឿងតុបតែងខ្លួននិងសម្លៀកបំពាក់សម្រាប់ធ្វើបុណ្យ។ សាច់បក្សីនេះត្រូវបានគេចាត់ទុកថាជាអាហារដ៏ឆ្ងាញ់បំផុតនៅលើកោះ New Guinea។សម្បកស៊ុតផូស៊ីលត្រូវបានគេប្រើកាបូនធ្វើតេស្ដអាយុកាល ដែលជាផ្នែកមួយនៃការសិក្សាហើយអាយុកាលរបស់វាមានចាប់ពី១៨,០០០ដល់៦,០០០ឆ្នាំ។ មនុស្សត្រូវបានគេជឿថាបានចិញ្ចឹមសត្វមាន់ដំបូងគេ មិនលើសពី៩,៥០០ឆ្នាំមុននោះទេ៕<figure style="text-align:center"><img src="https://cms.dmpcdn.com/article/2021/09/28/1bef3d40-2032-11ec-b0f3-d5289b04e044_original.jpg" alt="បក្សី cassowary" style="width:100%"/><figcaption>បក្សី cassowary</figcaption></figure><figure style="text-align:center"><img src="https://cms.dmpcdn.com/article/2021/09/28/1c340e70-2032-11ec-b0f3-d5289b04e044_original.jpg" alt="បក្សី cassowary" style="width:100%"/><figcaption>បក្សី cassowary</figcaption></figure><figure style="text-align:center"><img src="https://cms.dmpcdn.com/article/2021/09/28/1c7201d0-2032-11ec-8129-afed0d387b2c_original.jpg" alt="ម្រាមជើងរបស់បក្សី cassowary វែងដូចកាំបិតស្នៀត" style="width:100%"/><figcaption>ម្រាមជើងរបស់បក្សី cassowary វែងដូចកាំបិតស្នៀត</figcaption></figure><figure style="text-align:center"><img src="https://cms.dmpcdn.com/article/2021/09/28/1cc48ea0-2032-11ec-b0f3-d5289b04e044_original.jpg" alt="កូនបក្សី cassowary ត្រូវបានគេចិញ្ចឹមនៅលើផ្ទះមួយ នៅកោះ&amp;nbsp;New Guinea" style="width:100%"/><figcaption>កូនបក្សី cassowary ត្រូវបានគេចិញ្ចឹមនៅលើផ្ទះមួយ នៅកោះ&nbsp;New Guinea</figcaption></figure>ប្រភព: CNN

ទើបរកឃើញថា មនុស្សបានចិញ្ចឹមបក្សីដ៏គ្រោះថ្នាក់ជាងគេបំផុត លើពិភពលោក មុនចេះចិញ្ចឹមសត្វមាន់ តាំងពីរាប់ម៉ឺនឆ្នាំមុន