លេចចេញខេសការពារទូរសព្ទ តម្រៀបតាមលំដាប់ បង្ហាញពីទំហំ iPhone 14 នីមួយៗ

បរទេស៖ ដូចដែលបានបង្ហាញ ស៊េរី iPhone 14 ត្រូវបានគេបង្ហើបឲ្យដឹងថា មិនមានប្រភេទ miniដូចកាលពីមុននោះទេ ដោយគេរំពឹងថា Apple នឹងមានម៉ូឌែលiPhone មួយទៀត ធំជាងម៉ូឌែលធម្មតាដែលត្រូវបានគេហៅថាជា iPhone 14 Plus ឬក៏អាចជា iPhone 14 Max។ឥឡូវនេះ ក៏មានការលេចធ្លាយពីខេសការពារទូរសព្ទ ដែលត្រូវបានគេរកឃើញចេញពីប្រព័ន្ធផ្សព្វផ្សាយសង្គមរបស់ចិន គឺ Weibo ដែលហាក់ដូចជាបញ្ជាក់ពីពាក្យចចាមអារ៉ាមកន្លងមកហើយផ្ដល់នូវអ្វីពីការមើលឃើញនៃទំហំ iPhone 14 នីមួយៗនៅក្នុងដៃ។

ដូចដែលឃើញមានតាមរយៈរូបថតនៅពីខាងក្រោមនេះ ទំហំត្រូវបានគេរាយការណ៍ថាមិនមែនជាកត្តាសំខាន់រវាងម៉ូឌែល Pro និងមិនមែនម៉ូឌែល Pro ដោយទាំងពីរម៉ូឌែលសុទ្ធតែមានទំហំ 6.1អ៊ីញ និង6.7អ៊ីញ។ បើរាប់ពីឆ្វេងទៅស្ដាំ គឺគេឃើញមានiPhone 14, iPhone 14 Pro, iPhone 14 Max (ឬក៏អាចជា Plus), និង iPhone 14 Pro Max។

បើដក iPhone 14 Max/Plus ចេញដោយឡែកទូរសព្ទផ្សេងទៀតអាចនឹងមើលទៅស្រដៀងនឹងការរចនារបស់ Apple នាពេលបច្ចុប្បន្នប្រហែលជាធ្វើឲ្យខេសការពារទាំងនេះលែងប្រើបាន ចំពោះអ្នកប្រើប្រាស់ iPhone 12 ឬ iPhone 13។ ប៉ុន្តែបើតាមរូបភាពពី Weibo នេះបាននិយាយថា គម្លាតរវាងឡេន (កាមេរ៉ា) គឺរាងធំជាងមុនបន្តិចមានន័យថាអ្នកទំនងជាត្រូវការខេសការពារថ្មីមួយទៀត៕

ប្រភព: Tom's Guide