សហភាពអឺរ៉ុបបង្ហាញ កាលបរិច្ឆេទពេញលេញ ថាតើពេលណាគ្រឿងអេឡិចត្រូនិច ត្រូវតែប្រើរន្ធ USB-C

បរទេស៖ សហភាពអឺរ៉ុបានផ្សព្វផ្សាយពីការសាកថ្មជារួមថ្មីនៅក្នុងទិនានុប្បវត្តិផ្លូវការរបស់ខ្លួន ហើយនៅទីបំផុត គេទទួលបានការបរិច្ឆេទថាតើពេលណាវានឹងត្រូវអនុវត្ត។ ចាប់ពីថ្ងៃទី28 ខែធ្នូ ឆ្នាំ2024តទៅរាល់ទូរសព្ទ, ថេប្លេត, កាមេរ៉ា, កាសពាក់ក្បាលនិងកាសឥតខ្សែ, ឧបករណ៍លេងហ្គេម, speakerចល័ត, ឧបករណ៍អានអេឡិចត្រូនិច, ក្ដារចុច, mouse, និងប្រព័ន្ធនាំផ្លូវចល័ត ដែលលក់នៅក្នុងសហភាពអឺរ៉ិននឹងត្រូវតែមានរន្ធ USB-C។

នេះច្បាស់ជាប៉ះពាល់ដល់ក្រុមហ៊ុន Apple ព្រោះថាប្រព័ន្ធផ្សព្វផ្សាយបានរាយការណ៍យ៉ាងទូលំទូលាយ។លើសពីនេះ ការណែនាំនេះគឺសម្រាប់តែការសាកថ្មតាមខ្សែប៉ុណ្ណោះ ដូច្នេះ Apple អាចគ្រាន់តែសម្រេចចិត្តដករន្ធសាកចេញពី iPhone ទាំងអស់ហើយពឹងផ្អែកលើការសាកថ្មឥតខ្សែ។ នោះនឹងមិនធ្វើឲ្យខ្លួនបំពានលើបទប្បញ្ញត្តិទាំងនេះទេហើយវាជាទង្វើមួយដែលត្រូវបានពាក្យចចាមអារ៉ាមលើកមកនិយាយ ជាច្រើនដងមកហើយ។

ចាប់ពីថ្ងៃទី28 ខែមេសា ឆ្នាំ2026 លក្ខខណ្ឌដូចគ្នាទាក់ទងនឹងការប្រើប្រាស់រន្ធ USB-C ក៏នឹងត្រូវអនុវត្តចំពោះកុំព្យូទ័រយួរដៃផងដែរ៕

ប្រភព: GSMArena