SpaceX សាកល្បងបង្ហោះយាន Starship SN15 របស់ខ្លួនបានជោគជ័យ មិនដូចកាលពីលើកមុន
បរទេស៖ SpaceX បានធ្វើការបាញ់បង្ហោះនិងចុះចតគំរូយាន Starship SN15 នៅរសៀលថ្ងៃពុធបានដោយជោគជ័យ។ វាបានធ្វើការចុះចតដោយមិនមានការផ្ទុះអ្វីកើតឡើងឡើយ។
លោក Elon Musk បានសរសេរក្នុងធ្វីតថា «យានចុះចតបានធម្មតា» ខណៈពេលដែលលោកកំពុងត្រៀមខ្លួនឡើងកម្មវីធី Saturday Night Live ផងដែរ ហើយការ stream ពីអ្នកសង្កេតការណ៍នៅក្នុងតំបន់បានបង្ហាញថា យាន SN15 នៅតែបន្តឈរនៅលើក្តារចុះចតដដែលក្រោយពីចុះចតរួច។
It sure looks like @SpaceX managed to successfully land #SN15 without it exploding, though it is a little bit on fire. pic.twitter.com/TwnrqaVJTv
— Jason Rabinowitz (@AirlineFlyer) May 5, 2021
គួរបញ្ចាក់ផងដែរថាយាន SN11 កាលពីលើកមុនមិនទាន់ចុះមកដល់ដីផងក៏ផ្ទុះខណៈពេលធ្វើការចុះចតទៅហើយ ចំណែកឯយាន SN10 បានចុះចតដល់ដីហើយតែក្រោយមកក៏ផ្ទុះទៀត ដោយសារកម្លាំងចុះចតខ្លាំងពេកធ្វើឱ្យផ្ទុះផ្នែកខាងក្រោម។
ឥឡូវនេះ ការសាកល្បងរបស់ SpaceX លើកចុងក្រោយនេះបានទទួលជោគជ័យហើយ ដែលជោគជ័យនេះនឹងរុញវាឱ្យខិតទៅជិតចក្ខុវិស័យរបស់ខ្លួន ដែលចង់ប្រើឡើងវិញនូវ Starships ដែលធ្លាប់ប្រើហើយដើម្បីហោះហើរទៅស្ថានីយ ISS ឋានព្រះចន្ទ ជុំវិញផែនដី និងទីឆ្ងាយៗទៀត៕
Join us: https://t.me/khmerload