<p><b>បរទេស៖</b> ទូរទស្សន៍ C SEED N1 ត្រូវបានដាក់បង្ហាញហើយ ជាមួយនឹងម៉ូឌែល 103អ៊ីញ, 137អ៊ីញ, និង165អ៊ីញ។ឧបករណ៍នេះមានការរចនាមិនធម្មតា ជាមួយនឹងអេក្រង់បត់ដ៏ធំ ដែលស្រដៀងនឹងរូបចម្លាក់។នៅពេលបើក អេក្រង់ 4K MicroLED ឈរនៅពីលើជើងទម្រអាលុយមីញ៉ូមហើយអ្នកអាចបង្វិលអេក្រង់បាន 180ដឺក្រេ ទៅឆ្វេងនិងស្ដាំ។</p><p> អេក្រង់នេះគាំទ្រHDR និង HDR10+ ជាមួយនឹងការស្រោបបន្ទះអេក្រង់ដើម្បីបង្កើនពណ៌និងបង្កើតពណ៌ខ្មៅពិត។ ម៉ូឌែលអេក្រង់ 103និង137អ៊ីញ មានកម្រិតពន្លឺខ្ពស់បំផុត1,000 nits ជាមួយនឹងកំណែ 165អ៊ីញ មានសមត្ថភាពរហូតដល់ 800 nits។អេក្រង់ទាំងអស់នេះមាន refresh rate រហូតដល់ 3,840 Hz ជាមួយ 16-bit color processing និងសីតុណ្ហភាពពណ៌ដែលអាចសម្របប្រែប្រួលបានពី 3,000ទៅ 10,000 k។</p><p> បច្ចេកវិទ្យា PatentedAdaptive Gap Calibration ធានាថា ស្នាមផ្នត់រវាងបន្ទះបត់មិនអាចមើលឃើញទេ។លើសពីនេះ ប្រព័ន្ធសំឡេង 100W ដែលបានភ្ជាប់មកជាមួយបង្កើតបទពិសោធន៍ភាពយន្តក្នុងផ្ទះដ៏អស្ចារ្យ​ ចាប់ពី 60 Hz ដល់22 kHz។ អ្នកអាចភ្ជាប់ទៅកាន់ទូរទស្សន៍នេះតាមរយៈរន្ធ HDMIចំនួនប្រាំ និងរន្ធ USB ពីរ។ ទូរទស្សន៍ 165អ៊ីញ ដ៏ធំបំផុតមានទម្ងន់ 1,350គីឡូក្រាមនិងមានជម្រើសពណ៌ដូចជា ប្រាក់,​ មាស, ខ្មៅ, និងទីតាញ៉ូម។ លំដាប់ទូរទស្សន៍ CSeed N1 ចាប់ផ្ដើមពីតម្លៃ €180,000 (~US$184,223)៕</p><figure style="text-align:center"><img src="https://cms.dmpcdn.com/article/2022/07/28/67f59210-0e21-11ed-88b8-89e132aca525_original.png" alt="ទូរទស្សន៍ C SEED N1" style="width:100%"/><figcaption>ទូរទស្សន៍ C SEED N1</figcaption></figure><div style="text-align:center"><div style="width:100%;position:relative;padding-bottom:59.62059620596206%;height:0px"><iframe style="position:absolute;top:0;left:0;width:100%;height:100%;max-height:unset" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" src="https://www.youtube.com/embed/S6dR1C4NTHc"></iframe></div><i>វីដេអូ</i></div><p><b>ប្រភព: Notebookcheck</b></p>

នេះជាទូរទស្សន៍អេក្រង់បត់ ទំហំរហូតដល់165អ៊ីញ ទម្ងន់ជាង1តោន រីឯតម្លៃវិញមិនធម្មតា