បរទេស៖ ក្រុមអ្នកវិទ្យាសាស្ត្របានរកឃើញភស្ដុតាងផ្នែកនានានៃផ្ទៃភពសុក្រ(ផ្កាយព្រឹកឬផ្កាយចោរ) មានចលនាដូចការរសាត់ទ្វីបនៅលើផែនដីអ៊ីចឹងដែរ។ខណៈដែលសកម្មភាពនេះអាចនឹងមិនកើតឡើង ដោយសារផ្លាកតិចតូនិច (plate tectonics) ដូចនៅលើផែនដី វាអាចនឹងមានដំណើរការស្រដៀងគ្នា។ការរកឃើញនេះត្រូវគ្នាជាមួយនឹងរូបភាពនៃភព ដែលមានសភាពផុសរស់រវើកមិនដូចការមើលឃើញភពសុក្រកាលពីអតីត។ អឺរ៉ុបកំពុងបាញ់បង្ហោះយាន EnVision ដើម្បីប្រើរ៉ាដាធ្វើផែនទី និងប្រមូលទិន្នន័យរង្វាស់spectroscopy លើផ្ទៃនិងបរិយាកាសនៃភពនេះ។ ហើយណាសាវិញកំពុងបញ្ជូនយានចំនួនពីរ Veritas និង DaVinci+​ ទៅកាន់ភពសុក្រ ឆ្ពោះទៅចុងទសវត្សរ៍នេះ។ ដុកទ័រ Byrne និង Richard Ghail មកពីសាកលវិទ្យាល័យ Royal Holloway និងសាកលវិទ្យាល័យ University ofLondon, សាស្ត្រចារ្យ Sean Solomon មកពីសាកលវិទ្យាល័យ Columbia Universityក្នុងទីក្រុងញូវយ៉ក និងសហការីផ្សេងទៀត បានរកឃើញសញ្ញាប្លុកនៃស្រទាប់លើថ្មនៅតំបន់ទំនាបបានធ្វើចលនាផ្លាស់ទីតាំងនៅជាប់គ្នា។ ពួកគាត់បានប្រៀបសកម្មភាពថ្មីៗនេះទៅនឹងវិធីដែលដុំទឹកកក កកកុញគ្នានៅជុំវិញសមុទ្រក្នុងតំបន់ប៉ូលនៃផែនដី។ ប្លុកនេះមានប្រវែង១០០ទៅ១,០០០គីឡូម៉ែត្រស្រដៀងគ្នានឹងស្រទាប់ខាងលើរបស់ផែនដីក្នុងតំបន់ដីសណ្ដ Tarim និង Sichuan របស់ប្រទេសចិន, តំបន់ដីសណ្ដ Amadeus របស់អូស្ត្រាលី, និងតំបន់ភ្នំ Bohemian ដែលលាតសន្ធឹងនៅសាធារណរដ្ឋឆែក។ សកម្មភាពតិចតូនិចរបស់ភពសុក្រអាចស្រដៀងគ្នានឹងអ្វីដែលមាននៅលើផែនដី នៅចន្លោះរវាង៤ប៊ីលាននិង២.៥ប៊ីលានឆ្នាំមុន នៅពេលដែលចរន្តកម្ដៅនៅខាងក្នុងភពមានសភាពខ្ពស់ ហើយស្រទាប់លើថ្មនៃផែនដីមានសភាពស្ដើង៕<figure style="text-align:center"><img src="https://cms.dmpcdn.com/article/2021/06/27/bd73fa10-d71d-11eb-8340-c7a52bdc65c7_original.jpg" alt="រូបភាពរ៉ាដាលើភពសុក្រ" style="width:100%"/><figcaption>រូបភាពរ៉ាដាលើភពសុក្រ</figcaption></figure><figure style="text-align:center"><img src="https://cms.dmpcdn.com/article/2021/06/27/bdbf8200-d71d-11eb-87d9-41de76b7f7b8_original.jpg" alt="រូបភាពរ៉ាដាលើភពសុក្រ" style="width:100%"/><figcaption>រូបភាពរ៉ាដាលើភពសុក្រ</figcaption></figure>ប្រភព: <a target="_blank" href="https://www.bbc.com/news/science-environment-57567577">BBC</a>

រកឃើញចលនាផ្ទៃផ្កាយចោរ មានសកម្មភាព ហើយប្រទេសជាច្រើនចង់ទៅសិក្សា